ਜਲੰਧਰ- ਆਟੋ ਮੋਬਾਇਲ ਇੰਡਸਟਰੀ 'ਚ ਡੀਜ਼ਲ ਮਾਡਲ ਦੀ ਡਿਮਾਂਡ ਤੇਜ਼ੀ ਨਾਲ ਘਟੀ ਹੈ। ਕੁੱਲ ਕਾਰਾਂ ਦੀ ਸੇਲ 'ਚ ਡੀਜ਼ਲ ਮਾਡਲ ਦੀ ਹਿੱਸੇਦਾਰੀ 2016 'ਚ ਘਟ ਕੇ 27 ਫੀਸਦੀ 'ਤੇ ਆ ਗਈ ਹੈ ਜਦਕਿ ਚਾਰ ਸਾਲ ਪਹਿਲਾਂ ਇਹ ਅੰਕੜਾ 47 ਫੀਸਦੀ ਸੀ ਇਸੇ ਨੂੰ ਦੇਖਦੇ ਹੋਏ ਕੰਪਨੀਆਂ ਜਾਂ ਤਾਂ ਆਪਣੇ ਡੀਜ਼ਲ ਮਾਡਲਾਂ ਦਾ ਉਤਪਾਦਨ ਬੰਦ ਕਰ ਰਹੀਆਂ ਹਨ ਜਾਂ ਫਿਰ ਅਸੈਂਬਲੀ ਲਾਈਨ 'ਚ ਪੈਟਰੋਲ ਕਾਰਾਂ ਦੇ ਉਤਪਾਦਨ ਨੂੰ ਵਧਾ ਰਹੀਆਂ ਹਨ। ਅਜਿਹੇ 'ਚ ਇਸ ਸਾਲ ਮਾਰਕੀਟ 'ਚ ਆਉਣ ਵਾਲੀਆਂ ਨਵੀਆਂ ਕਾਰਾਂ ਦੇ ਪੈਟਰੋਲ ਵੈਰੀਐਂਟ ਜ਼ਿਆਦਾ ਹੋ ਸਕਦੇ ਹਨ।
ਕੰਪਨੀਆਂ ਬਦਲ ਰਹੀਆਂ ਹਨ ਨੀਤੀ
ਮਾਰੂਤੀ ਸੁਜ਼ੂਕੀ ਦੇ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਮਾਰਕੀਟ 'ਚ ਡਿਮਾਂਡ ਨੂੰ ਦੇਖਦੇ ਹੋਏ ਉਤਪਾਦਨ ਕੀਤਾ ਜਾ ਰਿਹਾ ਹੈ। ਅਜਿਹਾ ਹੀ ਕੁਝ ਕੰਪੈਕਟ ਕਾਰ ਸੇਲੇਰੀਓ ਨਾਲ ਵੀ ਹੋਇਆ। ਸੇਲੇਰੀਓ ਦੇ ਡੀਜ਼ਲ ਵੈਰੀਐਂਟ ਦੀ ਮੰਗ ਮਾਰਕੀਟ 'ਚ ਘੱਟ ਹੋ ਰਹੀ ਹੈ ਜਿਸ ਨੂੰ ਦੇਖਦੇ ਹੋਏ ਕੰਪਨੀ ਆਪਣੀ ਨਵੀਂ ਲਾਂਚ ਹੋਈ ਇਗਨਿਸ 'ਤੇ ਫੋਕਸ ਕਰ ਰਹੀ ਹੈ। ਉਸੇ ਅਸੈਂਬਲੀ ਲਾਈਨ ਦੀ ਵਰਤੋਂ ਇਗਨਿਸ ਦੇ ਉਤਪਾਦਨ ਲਈ ਕੀਤੀ ਜਾ ਰਹੀ ਹੈ। ਉਥੇ, ਹੋਂਡਾ ਕਾਰਸ ਵੀ ਆਪਣੀ ਨੀਤੀ ਨੂੰ ਬਦਲ ਰਹੀ ਹੈ। ਕੰਪਨੀ ਨੇ ਡੀਜ਼ਲ ਟੈਕਨਾਲੋਜੀ 'ਤੇ 500 ਕਰੋੜ ਰੁਪਏ ਦਾ ਇਨਵੈਸਟਮੈਂਟ ਸੀ ਪਰ ਹੁਣ ਕੰਪਨੀ ਭਾਰਤ ਨੂੰ ਐਕਸਪਰਟ ਹੱਬ ਦੇ ਦੌਰ 'ਤੇ ਵਰਤੋਂ ਕਰ ਰਹੀ ਹੈ।
ਲਗਾਤਾਰ 4 ਸਾਲਾਂ ਤੋਂ ਘਟ ਰਹੀ ਹੈ ਡੀਜ਼ਲ ਕਾਰਾਂ ਦੀ ਸੇਲ
ਪਿਛਲੇ 4 ਸਾਲ ਤੋਂ ਡੀਜ਼ਲ ਕਾਰਾਂ ਦੀ ਹਿੱਸੇਦਾਰੀ 'ਚ ਕਮੀ ਦੇਖਣ ਨੂੰ ਮਿਲੀ ਹੈ। ਅਪ੍ਰੈਲ-ਸਤੰਬਰ 2016 'ਚ ਸਾਰੀਆਂ ਕਾਰਾਂ ਦੀ ਵਿੱਕਰੀ 'ਚ ਡੀਜ਼ਲ ਕਾਰਾਂ ਦੀ ਹਿੱਸੇਦਾਰੀ 27 ਫੀਸਦੀ ਰਹੀ ਜਦਕਿ ਚਾਰ ਸਾਲ ਪਹਿਲਾਂ ਇਹ ਅੰਕੜਾ 47 ਫੀਸਦੀ ਸੀ।
ਸਾਲ ਡੀਜ਼ਲ ਕਾਰ ਦੀ ਵਿੱਕਰੀ (ਫੀਸਦੀ 'ਚ)
2012-13 47
2013-14 42
2014-15 37
2015-16 34
2016-17 27
ਟਰਾਈ ਕਰੇਗਾ ਨਿਯਮਾਂ ਦੀ ਸਮੀਖਿਆ
NEXT STORY