ਜਲੰਧਰ- ਟਾਟਾ ਗਰੁੱਪ ਦੀ ਮਾਲਕੀਅਤ ਵਾਲੀ ਕੰਪਨੀ ਜੈਗਵਾਰ-ਲੈਂਡਰੋਵਰ ਨੇ ਆਪਣੀ ਪਹਿਲੀ ਐੱਸ. ਊ. ਵੀ ਐੱਫ-ਪੇਸ ਨੂੰ ਭਾਰਤ 'ਚ ਲਾਂਚ ਕਰਨ ਦੀ ਤਿਆਰੀ ਕਰ ਲਈ ਹੈ। ਕੰਪਨੀ ਨੇ ਆਪਣੀ ਭਾਰਤੀ ਵੈੱਬਸਾਈਟ 'ਤੇ ਭਾਰਤ 'ਚ ਲਾਂਚ ਕੀਤੇ ਜਾਣ ਵਾਲੀ ਐੱਫ-ਪੇਸ ਦੇ ਬਾਰੇ 'ਚ ਜਾਣਕਾਰੀ ਦਿੱਤੀ ਹੈ। ਇਹ ਦਮਦਾਰ ਐੱਸ. ਯੂ. ਵੀ ਭਾਰਤ 'ਚ ਦੀਵਾਲੀ ਦੇ ਕਰੀਬ ਲਾਂਚ ਕੀਤੀ ਜਾ ਸਕਦੀ ਹੈ। ਜੈਗਵਾਰ ਨੇ ਐੱਫ-ਪੇਸ ਨੂੰ ਇਸ ਸਾਲ ਫਰਵਰੀ 2016 'ਚ ਹੋਏ ਦਿੱਲੀ ਆਟੋ ਐਕਸਪੋ 'ਚ ਸ਼ੋਅਕੇਸ ਕੀਤਾ ਗਿਆ ਸੀ। ਭਾਰਤ 'ਚ ਜੈਗਵਾਰ ਵੱਲੋਂ ਇਹ ਪੰਜਵੀ ਪੇਸ਼ਕਸ਼ ਹੋਵੇਗੀ। ਐਕਸ. ਈ, ਐਕਸ. ਐੱਫ,ਐਕਸ. ਜੇ ਅਤੇ ਐੱਫ-ਟਾਈਪ ਮਾਡਲ ਭਾਰਤੀ ਬਾਜ਼ਾਰ 'ਚ ਪਹਿਲਾਂ ਤੋਂ ਹੀ ਮੌਜੂਦ ਹਨ।
ਡਿਜ਼ਾਇਨ ਵੇਰਿਅੰਟ-
ਜੈਗਵਾਰ ਦੀ ਇਹ ਐੱਸ. ਯੂ. ਵੀ ਤਿੰਨ ਵੇਰਿਅੰਟਸ 'ਚ ਆਵੇਗੀ। ਇਸ ਦੇ ਬੇਸ ਵੇਰਿਅੰਟ ਨੂੰ ਪਯੋਰ ਨਾਮ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਪ੍ਰੇਸਟਿਜ਼ ਮਿਡ ਅਤੇ ਆਰ-ਸਪੋਰਟ ਟਾਪ ਐਂਡ ਵੇਰਿਅੰਟ ਹੋਵੇਗਾ । ਜੈਗਵਾਰ ਦੀ ਇਹ ਐੱਸ. ਯੂ. ਵੀ 4,731ਐੱਮ. ਐੱਮ ਲੰਬੀ, 2.175ਐੱਮ. ਐੱਮ ਚੌੜੀ ਅਤੇ 1,652ਐੱਮ. ਐੱਮ ਉੱਚੀ ਹੈ। ਇਸ ਗੱਡੀ ਦਾ ਵ੍ਹੀਲਬੇਸ 2,874ਐੱਮ. ਐੱਮ ਹੈ।
ਇੰਜਣ ਪਾਵਰ-
ਖਬਰਾਂ ਮੁਤਾਬਕ ਭਾਰਤ 'ਚ ਪਹਿਲਾਂ ਐੱਫ-ਪੇਸ 2.0 ਲਿਟਰ ਦਾ ਪੈਟਰੋਲ ਟਰਬੋਚਾਰਜਡ ਫੋਰ ਸਿਲੈਂਡਰ ਇੰਜਣ ਮਿਲੇਗਾ। ਇਸ ਇੰਜਣ ਤੋਂ 240 ਬੀ. ਐੱਚ. ਪੀ. ਤੱਕ ਦੀ ਪਾਵਰ ਜਨਰੇਟ ਕਰੇਗਾ। ਇਹ ਇੰਜਣ ਐਕਸ-ਈ ਸੇਡਾਨ 'ਚ ਵੀ ਲਗਾ ਹੈ। ਇੰਜਣ ਸਪੈਸੀਫਿਕੇਸ਼ਨ ਤੇ ਧਿਆਨ ਕਰੀਏ ਤਾਂ ਇਸ ਐੱਸ ਯੂ ਵੀ 'ਚ 3.0 ਲਿਟਰ ਡੀਜ਼ਲ ਇੰਜਣ ਵੀ ਦਿੱਤਾ ਜਾਵੇਗਾ। ਦੇਸ਼ 'ਚ ਡੀਜ਼ਲ ਮਾਡਲ ਅਗਲੇ ਸਾਲ ਦੀ ਸ਼ੁਰੂਆਤ 'ਚ ਆ ਸਕਦਾ ਹੈ। ਵੈੱਬਸਾਈਟ ਦੇ ਮੁਤਾਬਕ ਇਸ ਐਸ. ਊ. ਵੀ ਦੇ ਸਾਰੇ ਵੇਰਿਅੰਟਸ 'ਚ 8 ਸਪੀਡ ਆਟੋਮੈਟਿਕ ਟਰਾਂਸਮਿਸ਼ਨ ਅਤੇ ਜੈਗਵਾਰ ਦਾ ਸਿਕਵੇਂਸ਼ਲ ਸ਼ਿਫਟ ਆਲ ਵ੍ਹੀਲ ਡਰਾਈਵ ਸੈੱਟ-ਅਪ ਮਿਲੇਗਾ।
ਖਾਸ ਫੀਚਰਸ- ਗੱਡੀ ਦਾ ਇੰਟੀਰਿਅਰ ਵੀ ਕਾਫ਼ੀ ਖੂਬਸੂਰਤੀ ਨਾਲ ਡਿਜ਼ਾਇਨ ਕੀਤਾ ਗਿਆ ਹੈ। ਗਾਹਕਾਂ ਨੂੰ ਇੰਟੀਰਿਅਰ 'ਚ ਕਾਫੀ ਆਪਸ਼ਨਸ ਮਿਲਣਗੀਆਂ। ਜੈਗਵਾਰ ਐੱਫ -ਪੇਸ ਦੇ ਇੰਟੀਰਿਅਰ ਦੇ ਉਸਾਰੀ 'ਚ ਪ੍ਰੀਮੀਅਮ ਕੁਆਲਿਟੀ ਲੇਦਰ ਅਤੇ ਹੋਰ ਮਟੀਰਿਅਲਸ ਦਾ ਇਸਤੇਮਾਲ ਕੀਤਾ ਗਿਆ ਹੈ। ਜੈਗਵਾਰ ਦੀ ਇਸ ਐੱਸ. ਊ. ਵੀ ਦੀ ਕੀਮਤ ਬਾਰੇ 'ਚ ਅਜੇ ਕੋਈ ਘੋਸ਼ਣਾ ਨਹੀਂ ਹੋਈ ਹੈ। ਪਰ ਅਨਮਾਨ ਹੈ ਕਿ ਇਸ ਐੱਸ. ਊ. ਵੀ ਦੀ ਸ਼ੁਰੂਆਤੀ ਕੀਮਤ 80 ਲੱਖ ਰੁਪਏ ਦੇ ਕਰੀਬ ਕਰੀਬ ਹੋ ਸਕਦੀ ਹੈ।
ਫੇਸਬੁਕ ਆਪਣੇ ਐਪ ਲਈ ਸਨੈਪਚੈਟ ਵਰਗੇ ਇਕ ਹੋਰ ਫੀਚਰ ਨੂੰ ਕਰ ਰਹੀ ਹੈ ਟੈਸਟ
NEXT STORY