ਸੋਲਨ— ਸੋਲਨ ਦੇ ਜੌਣਾਜੀ ਸੜਕ 'ਤੇ ਕਾਲਾਘਾਟ ਨੇੜੇ ਇਕ ਦਰਦਨਾਕ ਕਾਰ ਹਾਦਸਾ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਇਕਾ ਕਾਰ ਬੇਕਾਬੂ ਹੋ ਕੇ 200 ਫੁੱਟ ਡੂੰਘੀ ਖੱਡ 'ਚ ਡਿੱਗ ਗਈ। ਇਸ ਹਾਦਸੇ 'ਚ ਤਿੰਨ ਵਿਅਕਤੀਆਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦਕਿ ਇਕ ਵਿਅਕਤੀ ਦਾ ਇਲਾਜ ਚੱਲ ਰਿਹਾ ਹੈ। ਇਹ ਚਾਰੋਂ ਵਿਅਕਤੀ ਸੋਲਨ ਤੋਂ ਜੌਣਾਜੀ ਵੱਲ ਜਾ ਰਹੇ ਸਨ। ਘਟਨਾ ਦੀ ਸੂਚਨਾ ਜ਼ਖਮੀ ਵਿਅਕਤੀ ਨੇ ਪੁਲਸ ਨੂੰ ਦਿੱਤੀ।
ਸੂਚਨਾ ਮਿਲਦੇ ਹੀ ਉਹ ਮੌਕੇ 'ਤੇ ਪੁੱਜੀ ਅਤੇ 108 ਐਂਬੂਲੈਂਸ ਨਾਲ ਜ਼ਖਮੀ ਵਿਅਕਤੀ ਅਤੇ ਮ੍ਰਿਤਕਾਂ ਨੂੰ ਹਸਪਤਾਲ ਪਹੁੰਚਾਇਆ। ਪੁਲਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਹਾਦਸਾ ਵੀਰਵਾਰ ਰਾਤੀ ਕਰੀਬ 12.30 ਵਜੇ ਹੋਇਆ। 2 ਵਿਅਕਤੀ ਜੌਣਾਜੀ ਨੇੜੇ ਕੋਟਲਾ ਦੇ ਰਹਿਣ ਵਾਲੇ ਅਤੇ 2 ਨਾਲਾਗੜ੍ਹ ਦੇ ਰਹਿਣ ਵਾਲੇ ਦੱਸੇ ਜਾ ਰਹੇ ਹਨ। ਮ੍ਰਿਤਕਾਂ ਦੀ ਪਛਾਣ 24 ਸਾਲਾਂ ਸੰਜੈ, 22 ਸਾਲਾਂ ਤਨੁ ਅਤੇ 23 ਸਾਲਾਂ ਰਾਹੁਲ ਦੇ ਰੂਪ 'ਚ ਹੋਈ ਹੈ। 21 ਸਾਲਾਂ ਰੱਜਤ ਦਾ ਇਲਾਜ ਹਸਪਤਾਲ 'ਚ ਕੀਤਾ ਜਾ ਰਿਹਾ ਹੈ।
ਚਾਰਾ ਘਪਲਾ ਮਾਮਲੇ 'ਚ ਪੁੱਛਗਿਛ ਲਈ ਸੀ.ਬੀ.ਆਈ. ਕੋਰਟ ਦੇ ਸਾਹਮਣੇ ਪੇਸ਼ ਹੋਏ ਲਾਲੂ
NEXT STORY