ਨਵੀਂ ਦਿੱਲੀ— ਨੋਟਬੰਦੀ ਦੇ 3 ਮਹੀਨੇ ਬੀਤਣ ਤੋਂ ਬਾਅਦ ਵੀ ਜਿੱਥੇ ਲੋਕਾਂ ਨੂੰ ਪੈਸੇ ਮਿਲਣ 'ਚ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਉੱਥੇ ਹੀ ਇਸ 'ਤੇ ਸਿਆਸਤ ਵੀ ਖਤਮ ਹੁੰਦੀ ਨਜ਼ਰ ਆ ਰਹੀ ਹੈ। ਭਾਜਪਾ ਇਸ ਨੂੰ ਆਪਣੀ ਉਪਲੱਬਧੀ ਦੇ ਤੌਰ 'ਤੇ ਪੇਸ਼ ਕਰਨ 'ਚ ਜੁਟੀ ਹੈ ਅਤੇ ਕਾਂਗਰਸ ਸੜਕ ਤੋਂ ਲੈ ਕੇ ਸੰਸਦ ਤੱਕ ਇਸ ਦਾ ਵਿਰੋਧ ਕਰ ਰਹੀ ਹੈ। ਸੋਸ਼ਲ ਮੀਡੀਆ 'ਤੇ ਇਸ ਨੂੰ ਲੈ ਕੇ ਜੰਗ ਜਾਰੀ ਹੈ। ਕਾਂਗਰਸ ਦੇ ਰਾਸ਼ਟਰੀ ਜਨਰਲ ਸਕੱਤਰ ਦਿਗਵਿਜੇ ਸਿੰਘ ਨੇ ਬੁੱਧਵਾਰ ਨੂੰ ਨੋਟਬੰਦੀ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਨਿਸ਼ਾਨਾ ਸਾਧਿਆ। ਉਨ੍ਹਾਂ ਨੇ ਆਪਣੇ ਟਵੀਟ 'ਚ ਲਿਖਿਆ,''ਕੈਸ਼ਲੈੱਸ ਦੇ ਨਾਂ 'ਤੇ ਪੂਰੇ ਦੇਸ਼ ਨੂੰ ਲਾਈਨ 'ਚ ਲਾ ਦਿੱਤਾ, 150 ਲੋਕ ਬੇਮੌਤ ਮਰ ਗਏ ਅਤੇ ਖੁਦ ਗੂਗਲ 'ਤੇ ਚੁਟਕੁਲੇ ਪੜ੍ਹਦੇ ਹਨ, ਕੀ ਇਹੀ ਹੀ ਉਨ੍ਹਾਂ ਦਾ ਡਿਜੀਟਲ ਇੰਡੀਆ।''
ਕਾਂਗਰਸ ਦੇ ਸੀਨੀਅਰ ਨੇਤਾ ਦੇ ਇਸ ਟਵੀਟ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਲੋਕਾਂ ਨੇ ਉਨ੍ਹਾਂ ਦੇ ਖਿਲਾਫ ਤਿੱਖੀ ਪ੍ਰਤੀਕਿਰਿਆ ਜ਼ਾਹਰ ਕੀਤੀ ਹੈ। ਇਕ ਯੂਜ਼ਰ ਨੇ ਦਿਗਵਿਜੇ ਦੇ ਟਵੀਟ 'ਤੇ ਨਿਸ਼ਾਨਾ ਸਾਧਦੇ ਹੋਏ ਲਿਖਿਆ- ਜੋ ਵਿਅਕਤੀ 70 ਸਾਲ ਦੀ ਉਮਰ 'ਚ ਵਿਆਹ ਕਰਦਾ ਹੈ, ਉਹ ਦੇਸ਼ ਬਾਰੇ ਕੀ ਸੋਚਦਾ ਹੈ, ਉਸ ਨੂੰ ਘੱਟੋ-ਘੱਟ ਇਕ ਬੱਚੇ ਬਾਰੇ ਸੋਚਣਾ ਚਾਹੀਦਾ। ਦੇਸ਼ ਦੇ ਨਾਲ ਖੇਡਣਾ ਬੰਦ ਕਰੋ ਅਤੇ ਟਵਿੱਟਰ 'ਤੇ ਬੋਲਣਾ ਵੀ। ਅਸੀਂ ਤੁਹਾਨੂੰ ਆਉਣ ਵਾਲੇ ਮੱਧ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ 'ਚ ਦੇਖ ਲੈਣਗੇ। ਇਕ ਹੋਰ ਯੂਜ਼ਰ ਨੇ ਲਿਖਿਆ- ਚੱਚਾ ਇੰਡੀਆ ਕਿੰਨਾ ਹੀ ਡਿਜੀਟਲ ਕਿਉਂ ਨਾ ਬਣ ਜਾਵੇ, ਤੁਹਾਨੂੰ ਤਾਂ ਅਮਰਤਾ ਜੀ ਲਈ ਬਣਾਉਣਾ ਚਾਹ ਹੀ ਹੈ, ਚਾਹ ਬਣਾਓ ਅਤੇ ਵਾਪਸ ਸੌ ਜਾਵੋ।''
ਜ਼ਿਕਰਯੋਗ ਹੈ ਕਿ 8 ਨਵੰਬਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੇਸ਼ ਨੂੰ ਸੰਬੋਧਨ ਕਰਦੇ ਹੋਏ ਰਾਤ 12 ਵਜੇ ਦੇ ਬਾਅਦ ਤੋਂ 500 ਅਤੇ ਇਕ ਹਜ਼ਾਰ ਰੁਪਏ ਦੇ ਪੁਰਾਣੇ ਨੋਟਾਂ 'ਤੇ ਗੈਰ-ਕਾਨੂੰਨੀ ਐਲਾਨ ਕਰ ਦਿੱਤਾ ਸੀ। ਸਰਕਾਰ ਨੇ ਆਪਣੇ ਇਸ ਕਦਮ ਦੇ ਪਿੱਛੇ ਦਾ ਕਾਰਨ ਬਲੈਕ ਮਨੀ ਅਤੇ ਅੱਤਵਾਦ ਦੀ ਕਮਰ ਤੋੜਨਾ ਦੱਸਿਆ ਸੀ। ਆਮਦਨ ਟੈਕਸ ਵਿਭਾਗ ਨੂੰ ਨੋਟਬੰਦੀ ਦੌਰਾਨ ਮਿਲੇ ਅੰਕੜਿਆਂ ਅਨੁਸਾਰ ਇਸ ਦੌਰਾਨ 3-4 ਲੱਖ ਕਰੋੜ ਰੁਪਏ ਦਾ ਕਾਲਾ ਧਨ ਵੱਖ-ਵੱਖ ਬੈਂਕਾਂ 'ਚ ਜਮ੍ਹਾ ਕੀਤਾ ਗਿਆ। ਆਈ.ਟੀ. ਵਿਭਾਗ 2 ਲੱਖ ਤੋਂ ਵਧ ਰੁਪਏ ਜਮ੍ਹਾ ਕਰਨ ਵਾਲੇ ਖਾਤਿਆਂ ਦੀ ਜਾਂਚ ਕਰ ਰਿਹਾ ਹੈ। ਕਾਂਗਰਸ ਇਸ ਨੂੰ ਸਦੀ ਦਾ ਸਭ ਤੋਂ ਵੱਡਾ ਘੁਟਾਲਾ ਦੱਸ ਰਹੀ ਹੈ।
ਭੂਆ ਮੰਨ ਬੈਠੀ ਹਾਰ, ਵਿਰੋਧੀ ਧਿਰ ਵਜੋਂ ਬੈਠਣ ਲਈ ਤਿਆਰ : ਅਖਿਲੇਸ਼
NEXT STORY