ਗੋਆ 'ਚ ਮੈਂਬਰਸ਼ਿਪ ਵਧਾਉਣ ਲਈ ਮੁਹਿੰਮ ਸ਼ੁਰੂ ਕਰੇਗੀ ਸ਼ਿਵਸੈਨਾ, ਰੱਖਿਆ ਇਹ ਟੀਚਾ

You Are HereNational
Thursday, February 16, 2017-4:57 PM
ਪਣਜੀ—ਸ਼ਿਵਸੈਨਾ ਦੀ ਗੋਆ ਇਕਾਈ ਨੇ ਆਉਣ ਵਾਲੇ ਦਿਨਾਂ 'ਚ ਮੈਂਬਰਸ਼ਿਪ ਵਧਾਉਣ ਲਈ ਮੁਹਿੰਮ ਸ਼ੁਰੂ ਕੀਤੇ ਜਾਣ ਦੀ ਅੱਜ ਘੋਸ਼ਣਾ ਕੀਤੀ ਅਤੇ ਕਿਹਾ ਕਿ ਪਾਰਟੀ ਕੋਲੋਂ ਘੱਟ ਤੋਂ ਘੱਟ ਪੰਜ ਹਜ਼ਾਰ ਸਰਗਰਮ ਮੈਂਬਰਾਂ ਨੂੰ ਜੋੜਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। ਪ੍ਰਦੇਸ਼ ਸ਼ਿਵਸੈਨਾ ਪ੍ਰਧਾਨ ਸ਼ਿਵ ਪ੍ਰਸਾਦ ਜੋਸ਼ੀ ਨੇ ਕਿਹਾ, ''ਸਾਡੇ ਕੋਲ ਪਹਿਲਾਂ ਤੋਂ ਹੀ ਚਾਰ-ਪੰਜ ਹਜ਼ਾਰ ਸਰਗਰਮ ਮੈਂਬਰ ਹਨ। ਅਸੀਂ ਨਵੇਂ ਮੈਂਬਰ ਬਣਾਉਣ ਦਾ ਮੁਹਿੰਮ ਸ਼ੁਰੂ ਕੀਤਾ ਹੈ। ਪਾਰਟੀ 'ਚ ਰਾਜਨੀਤੀ ਨਾਲ ਜੁੜੇ ਲੋਕਾਂ ਦੇ ਇਲਾਵਾ ਵਿਦਿਆਰਥੀਆਂ, ਔਰਤਾਂ, ਡਾਕਟਰਾਂ, ਸੇਵਾ ਮੁਕਤ ਫੌਜੀਆਂ ਸਮੇਤ ਸਮਾਜ ਦੇ ਸਾਰੇ ਵਰਗਾਂ ਦੇ ਲੋਕਾਂ ਦਾ ਪ੍ਰਤੀਨਿਧ ਸੁਨਿਸ਼ਚਿਤ ਕੀਤਾ ਜਾਵੇਗਾ। ਜੋਸ਼ੀ ਨੇ ਕਿਹਾ ਕਿ ਪਾਰਟੀ 'ਚ ਨੌਜਵਾਨਾਂ ਦਾ ਇਕ ਵੱਖ ਮੋਰਚਾ ਹੋਵੇਗਾ।
ਸਾਰੇ ਨੌਜਵਾਨਾਂ ਨੂੰ ਸਰਕਾਰੀ ਨੌਕਰੀ ਨਹੀਂ ਮਿਲ ਸਕਦੀ, ਇਸ ਲਈ ਸ਼ਿਵਸੈਨਾ ਵਿਦਿਆਰਥੀਆਂ ਨੂੰ ਸਿਵਿਲ ਸੇਵਾ ਦੇ ਪੇਪਰਾਂ ਦੀ ਤਿਆਰੀ ਲਈ ਸਹਾਇਤਾ ਪਹੁੰਚਾਉਣ ਲਈ ਕੋਚਿੰਗ ਸੰਸਥਾਵਾਂ ਦਾ ਸੰਚਾਲਨ ਕਰੇਗੀ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਨੈਸ਼ਨਲ ਸਕੂਲ ਆਫ ਬੈਕਿੰਗ ਦੇ ਸਪੰਰਕ 'ਚ ਹਾਂ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਇਕ ਰਾਜਨੀਤੀ ਦਲ ਹੈ, ਇਸ ਲਈ ਚੋਣਾਂ ਤਾਂ ਲੜਾਂਗੇ, ਪਰ ਇਸ ਦੇ ਇਲਾਵਾ ਸਮਾਜ, ਨੌਜਵਾਨਾਂ ਅਤੇ ਔਰਤਾਂ ਲਈ ਕੰਮ ਕਰਨ ਲਈ ਅਸੀਂ ਪ੍ਰਤੀਬੱਧ ਹਾਂ। ਜੋਸ਼ੀ ਨੇ ਕਿਹਾ ਕਿ ਸ਼ਿਵਸੈਨਾ ਦੀ ਪ੍ਰਾਂਤ ਸ਼ਾਖਾ ਰਾਸ਼ਟਰੀ ਅਤੇ ਸਟੇਟ ਸੜਕ 'ਤੇ ਸ਼ਰਾਬ ਦੁਕਾਨਾਂ 'ਤੇ ਪਾਬੰਦੀ ਲਗਾਉਣ ਦੇ ਮੁੱਦੇ 'ਤੇ ਮਹਾਰਾਸ਼ਟਰ 'ਚ ਆਪਣੀ ਪਾਰਟੀ ਦੇ ਕਾਨੂੰਨੀ ਸੈਲ ਦੇ ਸਪੰਰਕ 'ਚ ਹੈ। ਜ਼ਿਕਰਯੋਗ ਹੈ ਕਿ ਗੋਆ 'ਚ ਚਾਰ ਫਰਵਰੀ ਤੋਂ ਸ਼ੁਰੂ ਹੋਈਆਂ ਚੋਣਾਂ 'ਚ ਸ਼ਿਵਸੈਨਾ ਨੇ ਗੋਆ ਸੁਰੱਖਿਆ ਮੰਚ ਅਤੇ ਮਹਾਰਾਸ਼ਟਰਵਾਦੀ ਗੋਮਾਂਤਕ ਪਾਰਟੀ ਦੇ ਗਠਜੋੜ ਦੇ ਨਾਲ ਚੋਣ ਲੜਿਆ ਸੀ।

ਕੀ ਇਕ ਜੀਵਨਸਾਥੀ ਲੱਭ ਰਹੇ ਹੋ? ਪੰਜਾਬੀ ਮੈਟਰੀਮੋਨੀ ਵਿਚ ਰਜਿਸਟ੍ਰੇਸ਼ਨ ਮੁਫਤ ਹੈ |

Recommended For You

Popular News

.