ਗੁਰਦਾਸਪੁਰ— ਬਾਲੀਵੁੱਡ ਦੇ ਮਸ਼ਹੂਰ ਅਭਿਨੇਤਾ ਅਤੇ ਚਾਰ ਵਾਰ ਗੁਰਦਾਸਪੁਰ ਤੋਂ ਸਾਂਸਦ ਰਹਿ ਚੁੱਕੇ ਵਿਨੋਦ ਖੰਨਾ ਦਾ ਅੱਜ ਯਾਨੀ ਵੀਰਵਾਰ ਨੂੰ ਮੁੰਬਈ ਦੇ ਐੱਚ. ਐੱਨ. ਰਿਲਾਇਸ ਫਾਊਂਡੇਸ਼ਨ ਹਸਪਤਾਲ 'ਚ 11.20 ਮਿੰਟ 'ਤੇ ਆਖਰੀ ਸਾਹ ਲਿਆ। ਉਨ੍ਹਾਂ ਦੀ ਮੌਤ ਦੀ ਖਬਰ ਨਾਲ ਜਿੱਥੇ ਬਾਲੀਵੁੱਡ ਇੰਡਸਟਰੀ 'ਚ ਸੋਗ ਦੀ ਛਾ ਗਈ ਹੈ, ਉਥੇ ਹੀ ਉਨ੍ਹਾਂ ਦੇ ਹਲਕੇ ਗੁਰਦਾਸਪੁਰ 'ਚ ਸੋਗ ਦੀ ਲਹਿਰ ਛਾ ਗਈ ਹੈ। ਇਸ ਸੰਬੰਧ 'ਚ ਜਦੋਂ ਜ਼ਿਲਾ ਗੁਰਦਾਸਪੁਰ ਦੇ ਸਥਾਨਕ ਲੋਕਾਂ ਨਾਲ ਗੱਲਬਾਤ ਕੀਤੀ ਗਈ ਤਾਂ ਕਿਸੇ ਨੇ ਉਨ੍ਹਾਂ ਨੂੰ ਪੁਲਾਂ ਦਾ ਬਾਦਸ਼ਾਹ ਕਿਹਾ ਅਤੇ ਕਿਸੇ ਨੇ ਮਹਾਨ ਸ਼ਖਸੀਅਤ ਕਿਹਾ। ਉਨ੍ਹਾਂ ਨੇ ਦੱਸਿਆ ਕਿ ਇਹ ਗੁਰਦਾਸਪੁਰ 'ਚ ਕਦੇ ਨਾ ਪੂਰੀ ਹੋਣ ਵਾਲੀ ਕਮੀ ਤੋਂ ਘੱਟ ਨਹੀਂ ਹੈ। ਵਿਨੋਦ ਖੰਨਾ ਨੇ ਰਾਜਨੀਤੀ 'ਚ ਸਫਲ ਪਾਰੀ ਖੇਡੀ। ਵਿਨੋਦ ਖੰਨਾ ਨੇ ਪਹਿਲੀ ਵਾਰ ਸਾਲ 1997 'ਚ ਚੋਣ ਲੜੀ ਸੀ। ਖੰਨਾ ਨੇ 5 ਵਾਰ ਚੋਣਾਂ ਲੜੀਆਂ ਸਨ ਪਰ ਜਿੱਤ ਉਨ੍ਹਾਂ ਨੂੰ 4 ਵਾਰ ਮਿਲੀ ਸੀ। ਸਾਲ 1997 ਅਤੇ ਸਾਲ 1999 'ਚ ਉਹ ਦੋ ਵਾਰ ਪੰਜਾਬ ਦੇ ਗੁਰਦਾਸਪੁਰ ਖੇਤਰ ਤੋਂ ਭਾਜਪਾ ਵੱਲੋਂ ਸਾਂਸਦ ਚੁਣੇ ਗਏ। ਸਾਲ 2002 'ਚ ਉਹ ਸੰਸਕ੍ਰਿਤ ਅਤੇ ਸੈਲਾਨੀ ਦੇ ਖੇਤਰੀ ਮੰਤਰੀ ਵੀ ਰਹੇ। ਸਿਰਫ 6 ਮਹੀਨਿਆਂ ਬਾਅਦ ਹੀ ਉਨ੍ਹਾਂ ਨੂੰ ਮਹਤੱਵਪੂਰਨ ਵਿਦੇਸ਼ ਮਾਮਲਿਆਂ 'ਚ ਮੰਤਰਾਲੇ 'ਚ ਸੂਬਾ ਮੰਤਰੀ ਬਣਾ ਦਿੱਤਾ ਗਿਆ। ਇਸ ਤੋਂ ਬਾਅਦ ਉਹ ਫਿਰ ਤੋਂ ਸਾਂਸਦ ਬਣੇ।
'ਕੈਪਟਨ ਸਰਕਾਰ ਸਹਾਇਕ ਲਾਈਨਮੈਨਾਂ ਦੀ ਸਿੱਧੀ ਭਰਤੀ 'ਤੇ ਰੋਕ ਲਾਏ'
NEXT STORY