ਨਵੇਂ ਸਾਲ 'ਤੇ ਭਾਰਤੀ ਟੀਮ ਦੇ ਇਸ ਸਟਾਰ ਬੱਲੇਬਾਜ਼ ਨੇ ਦਿੱਤੀ ਖੁਸ਼ਖਬਰੀ

You Are HereSports
Monday, January 01, 2018-3:54 PM

ਨਵੀਂ ਦਿੱਲੀ (ਬਿਊਰੋ)— ਭਾਰਤੀ ਟੈਸਟ ਟੀਮ ਦੇ ਸਟਾਰ ਕ੍ਰਿਕਟਰ ਚੇਤੇਸ਼ਵਰ ਪੁਜਾਰਾ ਛੇਤੀ ਹੀ ਪਾਪਾ ਬਨਣ ਵਾਲੇ ਹਨ। ਪੁਜਾਰਾ ਨੇ 2013 ਵਿਚ ਆਪਣੀ ਪ੍ਰੇਮਿਕਾ ਪੂਜਾ ਪਾਬਰੀ ਨਾਲ ਵਿਆਹ ਕਰਾਇਆ ਸੀ। ਹਾਲ ਹੀ ਵਿਚ ਚੇਤੇਸ਼ਵਰ ਪੁਜਾਰਾ ਨੇ ਇਕ ਤਸਵੀਰ ਟਵਿੱਟਰ ਅਕਾਊਂਟ ਉੱਤੇ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ ਵਿਚ ਉਹ ਆਪਣੀ ਪਤਨੀ ਨਾਲ ਕੁਝ ਅਲੱਗ ਅੰਦਾਜ਼ ਵਿਚ ਨਜ਼ਰ ਆ ਰਹੇ ਹਨ। ਪੁਜਾਰਾ ਨੇ ਇਕ ਸਪੈਸ਼ਲ ਚਸ਼ਮਾ ਪਾਇਆ ਹੋਇਆ ਹੈ, ਜਿਸ ਉੱਤੇ ਡੈਡੀ ਲਿਖਿਆ ਹੋਇਆ ਹੈ। ਤਸਵੀਰ ਸ਼ੇਅਰ ਕਰਦੇ ਹੋਏ ਪੁਜਾਰਾ ਨੇ ਲਿਖਿਆ ਕਿ 'ਇਸ ਆਉਣ ਵਾਲੇ ਸਾਲ ਵਿਚ ਉਮੀਦ ਕਰਦਾ ਹਾਂ ਕਿ ਮੈਂ ਵੀ ਪਿਤਾ ਬਣ ਜਾਵਾਂਗਾ।' ਇਸਦੇ ਨਾਲ ਹੀ ਉਨ੍ਹਾਂ ਨੇ ਫੈਂਸ ਨੂੰ ਨਵੇਂ ਸਾਲ ਦੀ ਵਧਾਈ ਵੀ ਦਿੱਤੀ। ਸੋਸ਼ਲ ਮੀਡਿਆ ਉੱਤੇ ਤਸਵੀਰ ਸ਼ੇਅਰ ਹੁੰਦੇ ਹੀ ਫੈਂਸ ਨੇ ਦੋਨਾਂ ਨੂੰ ਵਧਾਈ ਦੇਣਾ ਸ਼ੁਰੂ ਕਰ ਦਿੱਤਾ। ਫੈਂਸ ਇਸ ਖਬਰ ਨੂੰ ਸੁਣ ਕੇ ਕਾਫ਼ੀ ਖੁਸ਼ ਨਜ਼ਰ ਆਏ ਅਤੇ ਉਨ੍ਹਾਂ ਨੇ ਅਲੱਗ-ਅਲੱਗ ਤਰੀਕੇ ਨਾਲ ਦੋਨਾਂ ਨੂੰ ਵਧਾਈ ਦਿੱਤੀ। ਇਕ ਫੈਨ ਨੇ ਕਿਹਾ ਕਿ ਸਾਲ ਦੀ ਸ਼ੁਰੂਆਤ ਇੰਨੀ ਚੰਗੀ ਖਬਰ ਨਾਲ ਹੋਈ ਹੈ, ਇਹ ਸਾਲ ਤੁਹਾਡੇ ਦੋਨਾਂ ਲਈ ਕਾਫ਼ੀ ਵਧੀਆ ਬੀਤੇਗਾ।

ਪੁਜਾਰਾ ਨੂੰ ਉਨ੍ਹਾਂ ਦੀ ਪਤਨੀ ਸਟੈਂਡਸ ਤੋਂ ਕਰਦੀ ਹੈ ਚੀਅਰ
ਦੱਸ ਦਈਏ ਕਿ ਫਰਵਰੀ 2013 ਵਿਚ ਇਹ ਜੋੜੀ ਵਿਆਹ ਦੇ ਬੰਧਨ ਵਿਚ ਬੱਝੀ ਸੀ। ਪੁਜਾਰਾ ਜਦੋਂ ਵੀ ਬੱਲੇਬਾਜ਼ੀ ਕਰਦੇ ਹਨ ਤਾਂ ਉਨ੍ਹਾਂ ਦੀ ਪਤਨੀ ਪੂਜਾ ਸਟੈਂਡਸ ਵਿਚ ਬੈਠ ਕੇ ਉਨ੍ਹਾਂ ਨੂੰ ਚੀਅਰ ਕਰਦੀ ਹੈ।  ਦੋਨਾਂ ਨੂੰ ਕਈ ਵਾਰ ਮੈਚ ਦੇ ਬਾਅਦ ਇਕੱਠੇ ਵੇਖਿਆ ਜਾਂਦਾ ਰਿਹਾ ਹੈ। ਪੁਜਾਰਾ ਇਸ ਸਮੇਂ ਟੈਸਟ ਕ੍ਰਿਕਟ ਦੇ ਟਾਪ ਦੇ ਬੱਲੇਬਾਜ਼ ਮੰਨੇ ਜਾਂਦੇ ਹਨ। ਉਨ੍ਹਾਂ ਨੇ ਇਸ ਸਾਲ ਆਸਟਰੇਲੀਆ, ਇੰਗਲੈਂਡ ਅਤੇ ਸ਼੍ਰੀਲੰਕਾ ਖਿਲਾਫ ਕਈ ਯਾਦਗਾਰ ਪਾਰੀਆਂ ਖੇਡੀਆਂ ਹਨ।

Popular News

!-- -->