ਨਵੀਂ ਦਿੱਲੀ, (ਬਿਊਰੋ)— ਓਲੰਪਿਕ 'ਚ ਚਾਂਦੀ ਤਗਮਾ ਜੇਤੂ ਪੀ.ਵੀ. ਸਿੰਧੂ ਦੀਆਂ ਨਜ਼ਰਾਂ ਅਗਲੇ ਸੈਸ਼ਨ ਵਿੱਚ ਦੁਨੀਆ ਦੀ ਨੰਬਰ ਇੱਕ ਖਿਡਾਰਨ ਬਣਨ ਉੱਤੇ ਟਿਕੀਆਂ ਹਨ ਪਰ ਉਨ੍ਹਾਂ ਨੇ ਕਿਹਾ ਕਿ ਉਹ ਰੈਂਕਿੰਗ ਨੂੰ ਲੈ ਕੇ ਪਰੇਸ਼ਾਨ ਨਹੀਂ ਹੈ ਕਿਉਂਕਿ ਲਗਾਤਾਰ ਚੰਗੇ ਪ੍ਰਦਰਸ਼ਨ ਨਾਲ ਉਹ ਸਿਖਰਲਾ ਸਥਾਨ ਹਾਸਲ ਕਰ ਲਵੇਗੀ। ਸਿੰਧੂ ਨੇ ਹਾਲ ਵਿੱਚ ਖ਼ਤਮ ਹੋਏ ਸੈਸ਼ਨ ਦੇ ਦੂਜੇ ਹਾਫ ਵਿੱਚ ਲਗਭਗ ਦੋ ਮਹੀਨਿਆਂ ਲਈ ਕਰੀਅਰ ਦੀ ਸਰਵਸ਼੍ਰੇਸ਼ਠ ਦੁਨੀਆ ਦੀ ਦੂਜੇ ਨੰਬਰ ਦੀ ਰੈਂਕਿੰਗ ਹਾਸਲ ਕੀਤੀ ਸੀ।
ਪੀ.ਬੀ.ਐੱਲ. ਵਿੱਚ ਕੱਲ ਰਾਤ ਚੇਨਈ ਸਮੈਸ਼ਰਸ ਨੂੰ ਮੁੰਬਈ ਰਾਕੇਟਸ ਉੱਤੇ 4-3 ਦੀ ਜਿੱਤ ਦਿਵਾਉਣ ਵਾਲੀ ਸਿੰਧੂ ਨੇ ਕਿਹਾ, ਮੈਂ ਅਗਲੇ ਸੈਸ਼ਨ ਵਿੱਚ ਆਪਣੇ ਆਪ ਨੂੰ ਦੁਨੀਆ ਦੀ ਨੰਬਰ ਇੱਕ ਖਿਡਾਰਨ ਦੇ ਰੁਪ ਵਿੱਚ ਵੇਖਣਾ ਚਾਹੁੰਦੀ ਹਾਂ। ਮੈਂ ਫਿਲਹਾਲ ਤੀਜੇ ਸਥਾਨ ਉੱਤੇ ਹਾਂ ਅਤੇ ਇਹ ਟੂਰਨਾਮੇਂਟਾਂ ਉੱਤੇ ਨਿਰਭਰ ਕਰੇਗਾ, ਜੇਕਰ ਤੁਸੀਂ ਚੰਗਾ ਖੇਡਦੇ ਹੋ ਤਾਂ ਤੁਹਾਨੂੰ ਆਪਣੇ-ਆਪ ਹੀ ਰੈਂਕਿੰਗ ਮਿਲ ਜਾਵੇਗੀ। ਇਸ ਲਈ ਮੈਂ ਰੈਂਕਿੰਗ ਦੇ ਬਾਰੇ ਵਿੱਚ ਜ਼ਿਆਦਾ ਨਹੀਂ ਸੋਚ ਰਹੀ। ਮੈਨੂੰ ਸਿਰਫ ਚੰਗਾ ਖੇਡਣਾ ਹੋਵੇਗਾ ਅਤੇ ਮੈਨੂੰ ਪਤਾ ਹੈ ਕਿ ਮੈਂ ਆਪਣੇ ਆਪ ਹੀ ਉੱਥੇ ਪਹੁੰਚ ਜਾਵਾਂਗੀ।
ਸਿੰਧੂ ਦਾ ਮੰਨਣਾ ਹੈ ਕਿ ਨੋਜੋਮੀ ਓਕੁਹਾਰਾ ਦੇ ਖਿਲਾਫ ਵਿਸ਼ਵ ਚੈਂਪੀਅਨਸ਼ਿਪ ਫਾਈਨਲ ਦੇ ਬਾਅਦ ਮਹਿਲਾ ਸਿੰਗਲ ਮੈਚ ਲੰਬੇ ਹੋਣ ਲੱਗੇ ਹਨ। ਭਾਰਤ ਦੀ ਇਸ ਸਟਾਰ ਖਿਡਾਰਨ ਨੇ ਕਿਹਾ, ਮਹਿਲਾ ਸਿੰਗਲ ਵਿੱਚ ਹੁਣ ਜ਼ਿਆਦਾ ਲੰਬੇ ਮੈਚ ਖੇਡੇ ਜਾ ਰਹੇ ਹਨ। ਵਿਸ਼ਵ ਚੈਂਪੀਅਨਸ਼ਿਪ ਮੇਰਾ ਸਭ ਤੋਂ ਲੰਬਾ ਮੈਚ ਸੀ ਅਤੇ ਇਸਦੇ ਬਾਅਦ ਮੈਂ ਵੇਖ ਸਕਦੀ ਹਾਂ ਕਿ ਮਹਿਲਾ ਸਿੰਗਲ ਦੇ ਕਈ ਮੈਚ ਇੱਕ ਘੰਟੇ ਅਤੇ ਡੇਢ ਘੰਟੇ ਦੇ ਆਸਪਾਸ ਚੱਲ ਰਹੇ ਹਨ। ਮੈਨੂੰ ਲੱਗਦਾ ਹੈ ਕਿ ਹਰੇਕ ਗੇਮ 40 ਮਿੰਟ ਤੱਕ ਚੱਲ ਰਹੀ ਹੈ।
ਅੱਜ ਦੇ ਦਿਨ ਹੀ 'ਲਿਟਲ ਮਾਸਟਰ' ਗਾਵਸਕਰ ਨੇ ਤੋੜਿਆ ਸੀ ਬਰੈਡਮੈਨ ਦਾ ਵੱਡਾ ਰਿਕਾਰਡ
NEXT STORY