ਨਵੀਂ ਦਿੱਲੀ (ਬਿਊਰੋ)— ਕ੍ਰਿਕਟਰ ਵਿਰਾਟ ਕੋਹਲੀ ਅਤੇ ਅਨੁਸ਼ਕਾ ਸ਼ਰਮਾ ਦੇ ਵਿਆਹ ਦੇ ਅੰਦਾਜ਼ੇ ਅਜੇ ਵੀ ਲਗਾਏ ਜਾ ਰਹੇ ਹਨ। ਕਿਸੇ ਤਰ੍ਹਾਂ ਦੀ ਆਧਿਕਾਰਕ ਪੁਸ਼ਟੀ ਤਾਂ ਨਹੀਂ ਹੋਈ ਹੈ ਪਰ 12 ਦਸੰਬਰ ਦੀ ਡੇਟ ਵਿਆਹ ਲਈ ਫਿਕਸ ਦੱਸੀ ਜਾ ਰਹੀ ਹੈ। ਅਨੁਸ਼ਕਾ ਸ਼ਰਮਾ ਦੇ ਬੁਲਾਰੇ ਵਿਆਹ ਦੀਆਂ ਖਬਰਾਂ ਨੂੰ ਝੂਠ ਦੱਸ ਚੁੱਕੇ ਹਨ। ਖੰਡਨ ਦੇ ਬਾਅਦ ਅਨੁਸ਼ਕਾ ਪਰਿਵਾਰ ਸਮੇਤ ਵਿਦੇਸ਼ ਰਵਾਨਾ ਹੋ ਗਈ। ਜਿਸਦੀਆਂ ਏਅਰਪੋਰਟ ਤੋਂ ਤਸਵੀਰਾਂ ਸਾਹਮਣੇ ਆਈਆਂ ਹਨ।
ਪਿਛਲੇ ਕਈ ਸਾਲਾਂ ਤੋਂ ਇੱਕ ਦੂੱਜੇ ਨੂੰ ਡੇਟ ਕਰ ਰਹੀ ਇਹ ਜੋੜੀ ਨਿੱਜੀ ਜ਼ਿੰਦਗੀ ਵਿਚ ਜਿੰਨੀ ਮਜ਼ਬੂਤ ਮੰਨੀ ਜਾਂਦੀ ਹੈ ਓਨੀ ਹੀ ਪ੍ਰੋਫੈਸ਼ਨਲ ਫਰੰਟ ਮਤਲਬ ਮਨੀ ਮੈਟਰਸ ਵਿਚ ਵੀ ਹੈ। ਸਿਰਫ ਲਗਜਰੀ ਕਾਰਾਂ ਦੀ ਗੱਲ ਕਰੀਏ ਤਾਂ ਦੋਨਾਂ ਕੋਲ ਜਿੰਨੀਆਂ ਕਾਰਾਂ ਹਨ ਉਨ੍ਹਾਂ ਦੀ ਕੀਮਤ ਕਰੋੜਾਂ ਵਿਚ ਹੈ।
5 ਕਰੋੜ 'ਚ ਇਕ ਫਿਲਮ ਕਰਦੀ ਹੈ ਸਾਈਨ
5 ਕਰੋੜ ਵਿਚ ਇਕ ਫਿਲਮ ਸਾਈਨ ਕਰਨ ਵਾਲੀ ਅਨੁਸ਼ਕਾ ਬਰਾਂਡ ਐਨਡੋਰਸਮੈਂਟ ਲਈ 4 ਕਰੋੜ ਫੀਸ ਚਾਰਜ ਕਰਦੀ ਹੈ। 36 ਕਰੋੜ ਰੁਪਏ ਦੇ ਉਨ੍ਹਾਂ ਦੇ ਪਰਸਨਲ ਇੰਵੈਸਟਮੈਂਟ ਹਨ। ਰਿਪੋਰਟਾਂ ਮੁਤਾਬਕ ਸਿਰਫ ਅਨੁਸ਼ਕਾ ਕੋਲ ਹੀ ਕਰੀਬ 5 ਕਰੋੜ ਦੀਆਂ ਲਗਜ਼ਰੀ ਕਾਰਾਂ ਹਨ।
ਅਨੁਸ਼ਕਾ ਕੋਲ ਇੰਨੇ ਕਰੋੜ ਦੀ ਹੈ ਪ੍ਰਾਪਰਟੀ
ਅਨੁਸ਼ਕਾ ਦੀ ਜੇਕਰ ਨੈੱਟਵਰਥ (ਪ੍ਰਾਪਰਟੀ) ਦੀ ਗੱਲ ਕੀਤੀ ਜਾਵੇ ਤਾਂ ਉਹ ਤਕਰੀਬਨ 220 ਕਰੋੜ ਦੇ ਆਸਪਾਸ ਮਾਪੀ ਗਈ ਹੈ। ਆਉਣ ਵਾਲੇ ਕੁਝ ਸਾਲਾਂ ਵਿਚ ਅਨੁਸ਼ਕਾ ਦੀ ਕਮਾਈ 30 ਫ਼ੀਸਦੀ ਦੀ ਤੇਜ਼ੀ ਨਾਲ ਵਧਣ ਵਾਲੀ ਹੈ। ਉਥੇ ਹੀ ਉਨ੍ਹਾਂ ਦੀ ਸਾਲਾਨਾ ਇਨਕਮ ਵਿਚ 18 ਫ਼ੀਸਦੀ ਦਾ ਵਾਧਾ ਹੋਵੇਗਾ।
ਵਿਰਾਟ ਕੋਲ 9 ਕਰੋੜ ਦੀਆਂ ਲਗਜ਼ਰੀ ਕਾਰਾਂ
ਉਥੇ ਹੀ ਦੂਜੇ ਪਾਸੇ ਭਾਰਤੀ ਟੀਮ ਦੇ ਤੇਜ਼ ਤਰਾਰ ਕ੍ਰਿਕਟਰ ਵਿਰਾਟ ਵੀ ਪੈਸੇ ਦੇ ਮਾਮਲੇ ਵਿਚ ਕਾਫ਼ੀ ਮਜ਼ਬੂਤ ਹਨ। 42 ਕਰੋੜ ਦੀ ਪ੍ਰਾਪਰਟੀ, 18 ਕਰੋੜ ਦਾ ਇਨਵੈਸਟਮੈਂਟ, 9 ਕਰੋੜ ਦੀਆਂ ਛੇ ਲਗਜ਼ਰੀ ਕਾਰਾਂ ਮਿਲਾ ਕੇ ਵਿਰਾਟ ਦੀ ਨੈਟ ਵਰਥ 390 ਕਰੋੜ ਦੇ ਆਸਪਾਸ ਹੈ।
ਇਸ਼ਤਿਹਾਰ ਦੀ ਦੁਨੀਆ 'ਚ ਇਹ ਜੋੜੀ ਕਾਫੀ ਪਸੰਦ
ਵਿਰਾਟ-ਅਨੁਸ਼ਕਾ ਦੀ ਜੋੜੀ ਇਸ਼ਤਿਹਾਰ ਦੀ ਦੁਨੀਆ ਵਿਚ ਕਾਫ਼ੀ ਪਸੰਦ ਕੀਤੀ ਜਾਂਦੀ ਹੈ। ਦੋਨਾਂ ਨੇ ਮਿਲ ਕੇ ਕਈ ਇਸ਼ਤਿਹਾਰ ਕੀਤੇ ਹਨ। ਰਿਪੋਰਟਾਂ ਦੀਆਂ ਮੰਨੀਏ ਤਾਂ ਇਸ਼ਤਿਹਾਰ ਲਈ ਵਿਰਾਟ-ਅਨੁਸ਼ਕਾ ਦੀ ਜੋੜੀ ਦੀ ਕਾਫ਼ੀ ਡਿਮਾਂਡ ਹੈ। ਉਂਝ ਵਿਰਾਟ, ਅਨੁਸ਼ਕਾ ਦੀਆਂ ਫਿਲਮਾਂ ਵਿਚ ਵੀ ਦਿਲਚਸਪੀ ਲੈਂਦੇ ਹਨ। ਉਹ ਅਨੁਸ਼ਕਾ ਦੀਆਂ ਫਿਲਮਾਂ ਦੀ ਸ਼ੂਟਿੰਗ ਦੌਰਾਨ ਸੈੱਟ ਉੱਤੇ ਵੀ ਨਜ਼ਰ ਆਏ ਹਨ।
ਇੰਡੀਅਨ ਓਪਨ ਮੁੱਕੇਬਾਜ਼ੀ ਦੀ 28 ਜਨਵਰੀ ਤੋਂ ਦਿੱਲੀ ਕਰੇਗਾ ਮੇਜ਼ਬਾਨੀ
NEXT STORY