ਲੰਡਨ— ਦੱਖਣੀ ਅਫਰੀਕਾ ਦੇ ਵੇਡ ਵਾਨ ਨੀਕਰਕ ਨੇ ਵਿਸ਼ਵ ਐਥਲੈਟਿਕਸ ਚੈਂਪੀਅਨਸ਼ਿਪ 'ਚ ਪੁਰਸ਼ਾਂ ਦੀ 400 ਮੀਟਰ ਦੀ ਦੌੜ ਜਿੱਤ ਲਈ ਜਦਕਿ ਫਰਾਂਸ ਦੇ ਪੀਅਰੇ ਐਂਬ੍ਰੋਸ ਬੋਸਸੇ ਨੇ 800 ਮੀਟਰ 'ਚ ਖਿਤਾਬ ਆਪਣੇ ਨਾਂ ਕੀਤਾ। ਨੀਕਰਕ ਦਾ 200 ਮੀਟਰ 'ਚ ਵੀ ਖਿਤਾਬ ਜਿੱਤਣਾ ਤੈਅ ਮੰਨਿਆ ਜਾ ਰਿਹਾ ਹੈ ਕਿਉਂਕਿ ਉਨ੍ਹਾਂ ਦੇ ਮੁੱਖ ਮੁਕਾਬਲੇਬਾਜ਼ ਬੋਤਸਵਾਨਾ ਦੇ ਇਸਾਕ ਮਕਵਾਲਾ ਨੂੰ ਨੋਰੋਵਾਈਰਸ ਦੀ ਲਪੇਟ 'ਚ ਆਉਣ ਦੇ ਬਾਅਦ ਦੌੜ 'ਚ ਹਿੱਸਾ ਲੈਣ ਤੋਂ ਰੋਕ ਦਿੱਤਾ ਗਿਆ ਹੈ।
ਮਕਵਾਲਾ ਕੱਲ ਅਭਿਆਸ ਲਈ ਆਏ ਸਨ ਪਰ ਆਈ.ਏ.ਏ.ਐੱਫ. ਨੇ ਉਨ੍ਹਾਂ ਨੂੰ ਟਰੈਕ ਤੋਂ ਦੂਰ ਰਹਿਣ ਦੇ ਲਈ ਕਿਹਾ। ਨੀਕਰਕ ਨੇ ਕਿਹਾ, ''ਇਹ ਦੁਖੀ ਕਰਨ ਵਾਲੀ ਗੱਲ ਹੈ। ਉਹ ਵੀ ਦੌੜ 'ਚ ਹਿੱਸਾ ਲੈ ਪਾਉਂਦਾ ਤਾਂ ਚੰਗਾ ਹੁੰਦਾ ਪਰ ਖੇਡ 'ਚ ਇਹ ਸਭ ਹੁੰਦਾ ਰਹਿੰਦਾ ਹੈ।'' ਜਦਕਿ 800 ਮੀਟਰ 'ਚ ਫਰਾਂਸ ਦੇ ਬੋਸਸੇ ਨੇ ਪੀਲਾ ਤਮਗਾ ਜਿੱਤਿਆ। ਉਨ੍ਹਾਂ ਦੇ ਹਮਵਤਨ ਅਤੇ 2012 ਲੰਡਨ ਓਲੰਪਿਕ ਦੇ ਸੋਨ ਤਮਗਾ ਜੇਤੂ ਰੇਨੋ ਲਾਵੀਲੇਨੀ ਨੂੰ ਕਾਂਸੀ ਦੇ ਤਮਗੇ ਨਾਲ ਸਬਰ ਕਰਨਾ ਪਿਆ।
ਭਾਰਤੀ ਟੀਮ ਦੀ ਤੇਜ਼ ਗੇਂਦਬਾਜ਼ ਨੇ ਖੁਦ ਨੂੰ ਲੈ ਕੇ ਕੀਤਾ ਵੱਡਾ ਖੁਲਾਸਾ
NEXT STORY