ਭਾਰਤ ਵਿੱਚ ਵੈਂਡਿੰਗ ਮਸ਼ੀਨਾਂ ਅਸੀਂ ਕਿਤੇ-ਕਿਤੇ ਦੇਖੀਆਂ ਹਨ ਜਿਵੇਂ- ਸਾਰੇ ਹਵਾਈ ਅੱਡਿਆਂ, ਮੈਟਰੋ ਸਟੇਸ਼ਨਾਂ, ਆਦਿ 'ਤੇ। ਇਨ੍ਹਾਂ ਮਸ਼ੀਨਾਂ ਤੋਂ ਤੁਸੀਂ ਪਾਣੀ ਦੀਆਂ ਬੋਤਲਾਂ, ਕੋਲਡ ਡਰਿੰਕ, ਆਦਿ ਖ਼ਰੀਦ ਸਕਦੇ ਹੋ।
ਇਸ ਲਈ ਜਦੋਂ ਮੈਂ ਜਾਪਾਨ ਪਹੁੰਚਦਿਆਂ ਸਾਰ ਹੀ ਪਹਿਲੀ ਵੈਂਡਿੰਗ ਮਸ਼ੀਨ ਦੇਖੀ, ਤਾਂ ਮੈਂ ਹੈਰਾਨ ਨਹੀਂ ਹੋਇਆ।
ਫਿਰ ਵੇਖਿਆ ਕਿ ਹਰ ਗਲੀ ਵਿੱਚ ਵੈਂਡਿੰਗ ਮਸ਼ੀਨਾਂ ਹਨ ਜਿੱਥੋਂ ਤੁਸੀਂ ਦਿਨ ਜਾਂ ਰਾਤ ਕਦੇ ਵੀ ਖ਼ਰੀਦਦਾਰੀ ਕਰ ਸਕਦੇ ਹੋ।
ਸੋਚਿਆ ਕਿ ਸ਼ਾਇਦ ਜਪਾਨੀ ਦੁਕਾਨਾਂ ਨਾਲੋਂ ਵੈਂਡਿੰਗ ਮਸ਼ੀਨਾਂ ਤੋਂ ਚੀਜ਼ਾਂ ਖ਼ਰੀਦਣਾ ਜ਼ਿਆਦਾ ਪਸੰਦ ਕਰਦੇ ਹਨ, ਇਸ ਲਈ ਇਹ ਹਰ ਜਗ੍ਹਾ ਦਿਖਾਈ ਦਿੰਦੀਆਂ ਹਨ।
ਇਹ ਵੀ ਪੜ੍ਹੋ:
ਕਿਉਂਕਿ ਮੈਂ ਕੁਆਰੰਟੀਨ ਵਿੱਚ ਸੀ, ਮੈਨੂੰ ਪਹਿਲੇ ਕੁਝ ਦਿਨਾਂ ਤੱਕ ਉਨ੍ਹਾਂ ਨੂੰ ਵਰਤਣ ਦਾ ਮੌਕਾ ਨਹੀਂ ਮਿਲਿਆ। ਸਾਨੂੰ ਕੋਵਿਡ ਟੈੱਸਟ ਕਰਵਾਉਣ ਲਈ ਸਿਰਫ਼ ਤਿੰਨ ਦਿਨਾਂ ਲਈ ਹੋਟਲ ਤੋਂ ਬਾਹਰ ਜਾਣ ਦੀ ਆਗਿਆ ਸੀ।
ਬੱਸ ਇਨ੍ਹਾਂ ਮਸ਼ੀਨਾਂ ਨੂੰ ਕਾਰ ਰਾਹੀਂ ਆਉਂਦੇ-ਜਾਂਦੇ ਵੇਖਿਆ ਕਰਦਾ ਸੀ।
ਕੁਆਰੰਟੀਨ ਖ਼ਤਮ ਹੋਣ ਤੋਂ ਬਾਅਦ ਸਾਨੂੰ ਟੋਕਿਓ ਬਿਗ ਸਾਈਟ (ਜਪਾਨ ਵਿੱਚ ਸਭ ਤੋਂ ਵੱਡਾ ਪ੍ਰਦਰਸ਼ਨੀ ਕੇਂਦਰ) ਵਿੱਚ ਬਣੇ ਮੇਨ ਪ੍ਰੈੱਸ ਸੈਂਟਰ (ਐੱਮਪੀਸੀ) ਵਿੱਚ ਬੈਠ ਕੇ ਕੰਮ ਕਰਨ ਦੀ ਇਜਾਜ਼ਤ ਮਿਲੀ ਅਤੇ ਇਸ ਤਰ੍ਹਾਂ ਬਾਹਰ ਆਉਣ-ਜਾਣ ਦਾ ਕੁੱਝ ਮੌਕਾ ਮਿਲਿਆ।
ਐੱਮਪੀਸੀ ਵਿੱਚ ਮੈਂ ਵੇਖਿਆ ਕਿ ਇੱਕੋ ਜਗਾ 'ਤੇ ਪੰਜ ਵੈਂਡਿੰਗ ਮਸ਼ੀਨਾਂ ਹਨ ਅਤੇ ਕੁੱਝ ਲੋਕ ਇਨ੍ਹਾਂ ਵੈਂਡਿੰਗ ਮਸ਼ੀਨਾਂ' 'ਤੇ ਵੀ ਇਕੱਠੇ ਹੋਏ ਸਨ।
ਨੇੜੇ ਜਾ ਕੇ ਪਤਾ ਲੱਗਿਆ ਕਿ ਜਪਾਨ ਦੀਆਂ ਵੈਂਡਿੰਗ ਮਸ਼ੀਨਾਂ ਸਿਰਫ਼ ਭਾਰਤ ਹੀ ਨਹੀਂ ਬਲਕਿ ਜ਼ਿਆਦਾਤਰ ਦੇਸ਼ਾਂ ਤੋਂ ਵੱਖਰੀਆਂ ਹਨ।
ਇੱਕ ਤਾਂ ਇਹ ਵਧੇਰੇ ਆਧੁਨਿਕ ਹਨ ਅਤੇ ਦੂਜਾ, ਉਨ੍ਹਾਂ ਨੂੰ ਅਜਿਹੀਆਂ ਬਹੁਤ ਸਾਰੀਆਂ ਚੀਜ਼ਾਂ ਮਿਲਦੀਆਂ ਹਨ ਜਿਨ੍ਹਾਂ ਦੀ ਘੱਟੋ-ਘੱਟ ਮੈਂ ਤਾਂ ਕਲਪਨਾ ਨਹੀਂ ਕੀਤੀ ਸੀ।
ਜ਼ਿਆਦਾਤਰ ਮਸ਼ੀਨਾਂ 100 ਤੋਂ 200 ਯੇਨ ਵਿੱਚ ਠੰਢਾ ਪਾਣੀ, ਜੂਸ, ਊਰਜਾ ਡਰਿੰਕ, ਚਾਹ ਅਤੇ ਕਾਫ਼ੀ ਆਦਿ ਵੇਚਦੀਆਂ ਹਨ।
100 ਯੇਨ ਜਾਣੀ ਲਗਭਗ 70 ਭਾਰਤੀ ਰੁਪਏ। ਇਨ੍ਹਾਂ ਮਸ਼ੀਨਾਂ ਵਿੱਚੋਂ ਆਮ ਤੌਰ 'ਤੇ ਤੁਸੀਂ ਦੋਵੇਂ ਗਰਮ ਅਤੇ ਠੰਡੀਆਂ ਚੀਜ਼ਾਂ ਲੈ ਸਕਦੇ ਹੋ। ਕੁਝ ਮਸ਼ੀਨਾਂ ਆਈਸ-ਕਰੀਮ, ਇੰਸਟੈਂਟ ਨੂਡਲਜ਼ ਅਤੇ ਇੱਥੋਂ ਤਕ ਚੌਲ਼ ਅਤੇ ਡਿਸਪੋਸੇਬਲ ਕੈਮਰੇ ਵਰਗੀਆਂ ਚੀਜ਼ਾਂ ਵੀ ਵੇਚਦੀਆਂ ਹਨ।
ਇਹ ਜਪਾਨੀ ਕਰੰਸੀ ਸਿੱਕੇ ਅਤੇ ਯੇਨ ਦੇ ਨੋਟਾਂ ਵਿੱਚ ਭੁਗਤਾਨ ਨੂੰ ਸਵੀਕਾਰ ਕਰਦੀ ਹੈ। ਜਾਂ ਫਿਰ ਕਾਰਡ ਦੁਆਰਾ।
ਥੋੜ੍ਹੀ ਰਿਸਰਚ ਤੇ ਗੂਗਲ ਪੁੱਛਿਆ ਤਾਂ ਵੇਖਿਆ ਕਿ ਕੁੱਝ ਵੈੱਬਸਾਈਟਾਂ ਦਾ ਦਾਅਵਾ ਹੈ ਕਿ ਜਪਾਨ ਵਿੱਚ ਹਰ 40 ਲੋਕਾਂ ਪਿੱਛੇ ਇੱਕ ਵੈਂਡਿੰਗ ਮਸ਼ੀਨ ਹੈ, ਜੋ ਕਿ ਵਿਸ਼ਵ ਵਿੱਚ ਸਭ ਤੋਂ ਵੱਧ ਹੈ।
ਮਸ਼ੀਨਾਂ ਸਾਰੇ ਸ਼ਹਿਰਾਂ, ਕਸਬਿਆਂ ਅਤੇ ਇੱਥੋਂ ਤਕ ਕਿ ਦਿਹਾਤੀ ਖੇਤਰਾਂ ਵਿੱਚ ਵੀ ਮਿਲਦੀਆਂ ਹਨ।
ਟੋਕਿਓ ਦੇ ਗਿਨਜ਼ਾ ਖੇਤਰ ਵਿੱਚ ਜਿੱਥੇ ਮੈਂ ਹੋਟਲ ਵਿੱਚ ਰਹਿੰਦਾ ਹਾਂ, ਮੇਰੀ ਖਿੜਕੀ ਤੋਂ ਹੀ ਤਿੰਨ ਮਸ਼ੀਨਾਂ ਬਾਹਰ ਨਜ਼ਰ ਆਉਂਦੀਆਂ ਹਨ।
ਫ਼ਿਲਹਾਲ, ਮੇਨ ਪ੍ਰੈੱਸ ਸੈਂਟਰ ਯਾਨੀ ਐੱਮਪੀਸੀ ਵਿੱਚ ਲੱਗੀ ਵੈਂਡਿੰਗ ਮਸ਼ੀਨਾਂ 'ਤੇ ਵਾਪਸ ਚਲੀਏ।
ਓਲੰਪਿਕ ਖੇਡਾਂ ਨੂੰ ਕਵਰ ਕਰਨ ਲਈ ਦੁਨੀਆਂ ਭਰ ਤੋਂ ਇੱਥੇ ਜੁੜੇ ਪੱਤਰਕਾਰਾਂ ਵਿੱਚ ਇਨ੍ਹਾਂ ਵਿਕਰੇਤਾ ਮਸ਼ੀਨਾਂ ਨੂੰ ਲੈ ਕੇ ਭਾਰੀ ਉਤਸੁਕਤਾ ਹੈ।
ਇੱਥੇ ਓਲੰਪਿਕ ਦੇ ਥੀਮ ਦੇ ਨਾਲ ਮਸ਼ੀਨਾਂ ਵਿੱਚ ਵਿੱਕਰੀ 'ਤੇ ਚੀਜ਼ਾਂ ਹਨ। ਉਦਾਹਰਣ ਵਜੋਂ, ਐਨਕ ਤੋਂ ਲੈ ਕੇ ਟਰੈਵਲ ਬੈਗ, ਟੰਬਲਰ, ਬਿੱਲੀ ਵਰਗੀ ਗੁੱਡੀ ਜਿਸ ਦੇ ਪਿਛਲੇ ਪਾਸੇ ਓਲੰਪਿਕ ਦਾ ਨਿਸ਼ਾਨ ਹੈ। ਇਹ ਸਾਰੀਆਂ ਚੀਜ਼ਾਂ ਵੱਖ ਵੱਖ ਆਕਾਰ, ਰੰਗ ਅਤੇ ਕੀਮਤਾਂ ਵਿੱਚ ਉਪਲਬਧ ਹਨ।
ਲਗਭਗ ਹਰ ਚੀਜ਼ ਟੋਕਿਓ 2020 ਨਾਲ ਕਿਸੇ ਨਾ ਕਿਸੇ ਤਰ੍ਹਾਂ ਜੁੜੀ ਹੋਈ ਹੈ। ਜਾਂ ਇਸ ਉੱਤੇ ਟੋਕਿਓ '2020' ਲਿਖਿਆ ਹੋਇਆ ਹੈ ਅਤੇ ਓਲੰਪਿਕ ਦੇ ਪੰਜ ਛੱਲੇ ਬਣੇ ਹੋਏ ਹਨ।
ਜ਼ਿਆਦਾਤਰ ਲੋਕ ਇੱਕ ਵਿਕਰੇਤਾ ਮਸ਼ੀਨ 'ਤੇ ਖ਼ਰੀਦਦਾਰੀ ਕਰਨ ਦਾ ਤਜਰਬਾ ਪਸੰਦ ਕਰਦੇ ਹਨ।
ਉਹ ਕਹਿੰਦੇ ਹਨ ਕਿ ਸਾਰੀ ਖ਼ਰੀਦਦਾਰੀ ਖ਼ੁਦ ਕਰਨਾ ਬਹੁਤ ਮਜ਼ੇਦਾਰ ਹੈ।
ਕਿਸੇ ਚੀਜ਼ ਨੂੰ ਚੁਣੋ, ਇਸ ਦੇ ਪੈਸੇ ਪਾਓ ਅਤੇ ਨਾਲ ਹੀ ਤੁਹਾਡੀ ਮਨਪਸੰਦ ਚੀਜ਼ ਤੁਰ ਕੇ ਬਾਹਰ ਆ ਜਾਂਦੀ ਹੈ।
ਵਿਕਰੀ ਦੇ ਕਾਉਂਟਰ 'ਤੇ ਕਿਸੇ ਨਾਲ ਗੱਲ ਕਰਨ ਦੀ ਜ਼ਰੂਰਤ ਨਹੀਂ!
ਕੁਝ ਲੋਕ ਕੋਵਿਡ ਦੇ ਸਮੇਂ ਵੀ ਇਨ੍ਹਾਂ ਮਸ਼ੀਨਾਂ ਨੂੰ ਬਹੁਤ ਸੁਰੱਖਿਅਤ ਪਾਉਂਦੇ ਹਨ। ਕਿਉਂਕਿ ਇਹ ਕਿਸੇ ਦੇ ਵੀ ਸੰਪਰਕ ਵਿਚ ਆਉਣ ਦੀ ਜ਼ਰੂਰਤ ਨੂੰ ਖ਼ਤਮ ਕਰਦੀ ਹੈ।
ਇੱਕ ਵਿਕਰੇਤਾ ਮਸ਼ੀਨ ਦੇ ਨਜ਼ਦੀਕ ਖੜੇ ਇੱਕ ਸੇਲਜ਼ ਮੈਨ ਨੇ ਕਿਹਾ ਕਿ ਕੋਰੋਨਾ ਦੌਰਾਨ ਬਹੁਤ ਸਾਰੀਆਂ ਵੈਂਡਿੰਗ ਮਸ਼ੀਨਾਂ ਲਗਾਉਣ ਦਾ ਉਦੇਸ਼ ਸੋਸ਼ਲ ਡਿਸਟੈਂਸਿਗ ਯਾਨੀ ਇੱਕ ਦੂਜੇ ਨਾਲ ਸੰਪਰਕ ਘੱਟ ਕਰਨਾ ਹੈ।
ਹਾਲਾਂਕਿ, ਹਰ ਕੋਈ ਵਿਕਰੇਤਾ ਮਸ਼ੀਨਾਂ 'ਤੇ ਖ਼ਰੀਦਦਾਰੀ ਕਰਨ ਦੇ ਤਜਰਬੇ ਨੂੰ ਪਸੰਦ ਨਹੀਂ ਕਰਦਾ।
ਉਦਾਹਰਨ ਵਜੋਂ, ਮੇਰੀ ਇੱਕ ਸਹਿਯੋਗੀ ਜੋ ਵਿੱਕਰੀ 'ਤੇ ਬਏ ਓਲੰਪਿਕ ਮਾਸਕਟ ਵੇਖਦੇ ਹੀ ਇੰਨੀ ਉਤਸ਼ਾਹਿਤ ਹੋਈ ਕਿ ਉਸ ਨੇ ਤੁਰੰਤ ਹੀ ਇਸ ਨੂੰ ਖ਼ਰੀਦ ਲਿਆ।
ਉਹ ਕਹਿੰਦੀ ਹੈ, "ਪਰ ਜਦੋਂ ਇਹ ਮੇਰੇ ਹੱਥ ਵਿੱਚ ਆਇਆ ਤਾਂ ਮੈਂ ਇੰਨੀ ਖ਼ੁਸ਼ ਨਹੀਂ ਸੀ। ਇਹ ਜਾਣਨ ਦਾ ਕੋਈ ਤਰੀਕਾ ਨਹੀਂ ਹੈ ਕਿ ਵਸਤੂ ਦਾ ਸਾਈਜ਼ ਜਾਂ ਆਕਾਰ ਕੀ ਹੋਵੇਗਾ।"
"ਮੈਂ ਇਸ ਨੂੰ 8800 ਯੇਨ (ਭਾਵ ਭਾਰਤ ਦੇ ਲਗਭਗ 6000 ਰੁਪਏ) ਵਿੱਚ ਖ਼ਰੀਦਿਆਂ ਸੀ ਅਤੇ ਮੈਨੂੰ ਯਕੀਨ ਹੈ ਕਿ ਜੇ ਮੈਂ ਇਸ ਨੂੰ ਕਿਸੇ ਸਟੋਰ ਵਿੱਚ ਦੇਖਿਆ ਹੁੰਦਾ ਤਾਂ ਮੈਨੂੰ ਉਸ ਕੀਮਤ ਲਈ ਇਹ ਬਹੁਤ ਛੋਟਾ ਲੱਗਦਾ। ਇਸ ਲਈ ਇਹ ਇਨ੍ਹਾਂ ਮਸ਼ੀਨਾਂ ਦਾ ਇੱਕ ਨੁਕਸਾਨ ਹੈ। "
ਫਿਰ ਵੀ ਇਟਲੀ ਵਿੱਚ ਜੰਮੀ-ਪਲੀ ਮੇਰੀ ਇਹ ਸਹਿਯੋਗੀ ਜੋ ਲੰਡਨ ਵਿਚ ਕੰਮ ਕਰਦੀ ਹੈ ਇੰਨ੍ਹਾਂ ਵੈਂਡਿੰਗ ਮਸ਼ੀਨਾਂ ਦੀ ਹਰ ਪਾਸੇ ਮੌਜੂਦਗੀ ਅਤੇ ਵਿਭਿੰਨਤਾ ਤੋਂ ਉਨੀਂ ਹੀ ਪ੍ਰਭਾਵਤ ਹੈ ਜਿੰਨਾ ਕਿ ਮੈਂ ਖ਼ੁਦ।
ਇਹ ਵੀ ਪੜ੍ਹੋ-
ਇਹ ਵੀ ਵੇਖੋ:
https://www.youtube.com/watch?v=jg7gMPsvtos
(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)
!function(s,e,n,c,r){if(r=s._ns_bbcws=s._ns_bbcws||r,s[]r]||(s[]r+"_d"]=s[]r+"_d"]||[]],s[]r]=function(){s[]r+"_d"].push(arguments)},s[]r].sources=[]]),c&&s[]r].sources.indexOf(c)<0){var t=e.createElement(n);t.async=1,t.src=c;var a=e.getElementsByTagName(n)[]0];a.parentNode.insertBefore(t,a),s[]r].sources.push(c)}}(window,document,"script","https://news.files.bbci.co.uk/ws/partner-analytics/js/fullTracker.min","s_bbcws");s_bbcws('syndSource','ISAPI');s_bbcws('orgUnit','ws');s_bbcws('platform','partner');s_bbcws('partner','jagbani');s_bbcws('producer','punjabi');s_bbcws('language','pa');s_bbcws('setStory', {'origin': 'cps','guid': '25a36847-bf1f-4f3b-ab10-03e5128a1775','assetType': 'STY','pageCounter': 'punjabi.international.story.57943003.page','title': 'ਟੋਕੀਓ ਓਲੰਪਿਕ: ਜਪਾਨ ਵਿੱਚ ਠੰਡੇ ਤੋਂ ਲੈ ਕੇ ਨੂਡਲ ਤੱਕ ਵੇਚਦੀਆਂ ਹਨ ਇਹ ਮਸ਼ੀਨਾਂ - ਟੋਕੀਓ ਡਾਇਰੀ','author': 'ਅਰਵਿੰਦ ਛਾਬੜਾ','published': '2021-07-23T13:28:56Z','updated': '2021-07-23T13:28:56Z'});s_bbcws('track','pageView');
ਪਤੀ ਜਾਂ ਪਤਨੀ ਇਕੱਠੇ ਰਹਿਣਾ ਨਾ ਚਾਹੁਣ ਤਾਂ ਕੀ ਅਦਾਲਤ ਮਜਬੂਰ ਕਰ ਸਕਦੀ ਹੈ?
NEXT STORY