ਬਿਜ਼ਨੈੱਸ ਡੈਸਕ - ਮੁੱਖ ਤੌਰ ’ਤੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਅਤੇ ਮਸ਼ੀਨ ਲਰਨਿੰਗ (ਏ. ਆਈ./ਐੱਮ. ਐੱਲ.) ਭੂਮਿਕਾਵਾਂ ਅਤੇ ਨਾਲ ਹੀ ਵਾਹਨ ਖੇਤਰ ’ਚ ਮਜ਼ਬੂਤ ਮੰਗ ਕਾਰਨ ਸਤੰਬਰ ’ਚ ਦਫਤਰਾਂ ’ਚ ਕੰਮ ਕਰਨ ਨੂੰ ਲੈ ਕੇ ਨਿਯੁਕਤੀਆਂ ’ਚ ਸਾਲਾਨਾ ਆਧਾਰ ’ਤੇ 2 ਫੀਸਦੀ ਦਾ ਮਾਮੂਲੀ ਵਾਧਾ ਹੋਇਆ। ਸ਼ੁੱਕਰਵਾਰ ਨੂੰ ਜਾਰੀ ਇਕ ਰਿਪੋਰਟ ’ਚ ਇਹ ਜਾਣਕਾਰੀ ਦਿੱਤੀ ਗਈ। ਇਨਫੋ ਐੱਜ ਦੇ ਪ੍ਰਮੁੱਖ ਬ੍ਰਾਂਡ ਨੌਕਰੀ ਡਾਟ ਕਾਮ ਦੀ ਇਸ ਰਿਪੋਰਟ ਅਨੁਸਾਰ ਸਤੰਬਰ ’ਚ ਦਫਤਰਾਂ ਦੀਆਂ ਨਿਯੁਕਤੀਆਂ ਮੋਟੇ ਤੌਰ ’ਤੇ ਸਥਿਰ ਰਹੀਆਂ ਅਤੇ ਇਨ੍ਹਾਂ ’ਚ ਸਾਲਾਨਾ ਆਧਾਰ ’ਤੇ 2 ਫੀਸਦੀ ਦਾ ਵਾਧਾ ਦਰਜ ਹੋਇਆ। ਇਸ ਦੇ ਨਾਲ ਹੀ ‘ਨੌਕਰੀ ਜੌਬਸਪੀਕ ਇੰਡੈਕਸ’ ਪਿਛਲੇ ਸਾਲ ਦੇ ਇਸੇ ਮਹੀਨੇ ਦੇ 3,002 ਦੇ ਮੁਕਾਬਲੇ ਵਧ ਕੇ 3,053 ’ਤੇ ਪਹੁੰਚ ਗਿਆ।
ਇਹ ਵੀ ਪੜ੍ਹੋ : ਝਟਕਾ! ਹੁਣ WhatsApp ਮੈਸੇਜ ਭੇਜਣ 'ਤੇ ਲੱਗੇਗਾ ਚਾਰਜ, 1 Oct ਤੋਂ ਲਾਗੂ ਹੋਣ ਜਾ ਰਹੇ ਨਿਯਮ
ਇਹ ਵੀ ਪੜ੍ਹੋ : ਸੋਨੇ ਦੀਆਂ ਕੀਮਤਾਂ 'ਚ ਵੱਡੀ ਗਿਰਾਵਟ ਦਾ ਅਨੁਮਾਨ, ਇਸ ਪੱਧਰ ਤੱਕ ਪਹੁੰਚ ਸਕਦੇ ਹਨ ਰੇਟ
‘ਨੌਕਰੀ ਜੌਬਸਪੀਕ’ ਇਕ ਮਾਸਿਕ ਸੂਚਕ ਅੰਕ ਹੈ ਜੋ ਨੌਕਰੀ ਡਾਟ ਕਾਮ ਦੇ ਮੰਚ ’ਚ ਨਵੀਂਆਂ ਨੌਕਰੀਆਂ ਦੀ ਪੋਸਟਿੰਗ ਅਤੇ ਨੌਕਰੀਦਾਤਿਆਂ ਵਲੋਂ ਕੀਤੀਆਂ ਜਾਣ ਵਾਲੀਆਂ ਖੋਜਾਂ ਦੇ ਆਧਾਰ ’ਤੇ ਭਾਰਤ ਦੇ ਰੋਜ਼ਗਾਰ ਬਾਜ਼ਾਰ ਅਤੇ ਨਿਯੁਕਤੀ ਸਰਗਰਮੀਆਂ ਦੇ ਰੁਝਾਨਾਂ ਦੀ ਨਿਗਰਾਨੀ ਕਰਦਾ ਹੈ। ਰਿਪੋਰਟ ਤੋਂ ਪਤਾ ਲੱਗਾ ਕਿ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਅਤੇ ਮਸ਼ੀਨ ਲਰਨਿੰਗ ਨਾਲ ਜੁੜੀਆਂ ਭੂਮਿਕਾਵਾਂ ’ਚ ਜ਼ੋਰਦਾਰ ਵਾਧੇ ਦਾ ਦੌਰ ਜਾਰੀ ਰਿਹਾ ਅਤੇ ਸਤੰਬਰ ’ਚ ਇਹ 20 ਫੀਸਦੀ ਵਧੀ, ਜਦੋਂ ਕਿ ਵਾਹਨ ਖੇਤਰ ’ਚ 11 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ।
ਇਹ ਵੀ ਪੜ੍ਹੋ : ਹੁਣ ਬੈਂਕਾਂ 'ਚ ਸਿਰਫ਼ 5 ਦਿਨ ਹੋਵੇਗਾ ਕੰਮਕਾਜ ? ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਨੋਟੀਫਿਕੇਸ਼ਨ
ਇਹ ਵੀ ਪੜ੍ਹੋ : ਨਿਯਮਾਂ 'ਚ ਬਦਲਾਅ ਨਾਲ ਹੋਵੇਗੀ October ਮਹੀਨੇ ਦੀ ਸ਼ੁਰੂਆਤ, ਜਾਣੋ ਤੁਹਾਡੀ ਜੇਬ 'ਤੇ ਕਿੰਨਾ ਪਵੇਗਾ ਅਸਰ
ਸਮੀਖਿਆ ਅਧੀਨ ਮਹੀਨੇ ਦੌਰਾਨ ਬੀ. ਪੀ. ਓ./ਆਈ. ਟੀ. ਈ. ਐੱਸ. ਅਤੇ ਗਲੋਬਲ ਸਮਰੱਥਾ ਕੇਂਦਰਾਂ (ਜੀ. ਸੀ. ਸੀ.) ’ਚ ਨਿਯੁਕਤੀਆਂ ’ਚ 4-4 ਫੀਸਦੀ ਦਾ ਵਾਧਾ ਹੋਇਆ। ਹੋਰ ਪ੍ਰਮੁੱਖ ਖੇਤਰਾਂ ’ਚ ਬੀਮਾ, ਪ੍ਰਚੂਨ, ਬੈਂਕਿੰਗ ਅਤੇ ਵਿੱਤੀ ਸੇਵਾਵਾਂ ਅਤੇ ਰੀਅਲ ਅਸਟੇਟ ਮੋਟੇ ਤੌਰ ’ਤੇ ਸਥਿਰ ਰਹੇ। ਉੱਥੇ ਹੀ ਆਈ. ਟੀ./ਸਾਫਟਵੇਅਰ ਸੇਵਾਵਾਂ ’ਚ 4 ਫੀਸਦੀ, ਫਾਰਮਾ/ਜੈਵ ਤਕਨਾਲੋਜੀ ’ਚ 4 ਫੀਸਦੀ, ਰੋਜ਼ਾਨਾ ਵਰਤੋਂ ਦੀਆਂ ਵਸਤਾਂ (ਐੱਫ. ਐੱਮ. ਸੀ. ਜੀ.) ’ਚ 4 ਫੀਸਦੀ ਅਤੇ ਸਿਹਤ ਸੇਵਾ ਖੇਤਰ ’ਚ 3 ਫੀਸਦੀ ਦੀ ਗਿਰਾਵਟ ਦੇਖੀ ਗਈ।
ਇਹ ਵੀ ਪੜ੍ਹੋ : ਤਿਉਹਾਰਾਂ ਦੇ ਸੀਜ਼ਨ 'ਚ ਖੰਡ ਦੀ ਜਮ੍ਹਾਂਖੋਰੀ ਨੂੰ ਰੋਕਣ ਲਈ ਸਰਕਾਰ ਦੀ ਸਖ਼ਤੀ, ਲਾਗੂ ਕੀਤੇ ਨਵੇਂ ਨਿਯਮ
ਇਹ ਵੀ ਪੜ੍ਹੋ : 25 ਸਾਲਾਂ ’ਚ ਪਹਿਲੀ ਵਾਰ ਭਾਰਤੀ ਸ਼ੇਅਰ ਬਾਜ਼ਾਰ ਬੁਰੀ ਤਰ੍ਹਾਂ Crash , 20 ਲੱਖ ਕਰੋੜ ਰੁਪਏ ਦਾ ਨੁਕਸਾਨ
ਮਹਾਨਗਰਾਂ ’ਚ ਹੈਦਰਾਬਾਦ ਨੇ ਸਾਲਾਨਾ ਆਧਾਰ ’ਤੇ 9 ਫੀਸਦੀ ਦਾ ਵਾਧਾ ਦਰਜ ਕੀਤਾ। ਇਸ ਤੋਂ ਬਾਅਦ ਚੇਨਈ ’ਚ 6 ਫੀਸਦੀ ਅਤੇ ਬੈਂਗਲੁਰੂ ਅਤੇ ਕੋਲਕਾਤਾ ’ਚ 4-4 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ। ਪੁਣੇ ਦਾ ਪੱਧਰ ਜਿੱਥੇ ਸਥਿਰ ਰਿਹਾ, ਉੱਥੇ ਹੀ ਦਿੱਲੀ-ਐੱਨ. ਸੀ. ਆਰ. ਅਤੇ ਮੁੰਬਈ ’ਚ 6-6 ਫੀਸਦੀ ਦੀ ਗਿਰਾਵਟ ਆਈ। ਇਨਫੋ ਐੱਜ (ਇੰਡੀਆ) ਲਿਮਟਿਡ ਦੇ ਪ੍ਰਬੰਧਕੀ ਡਾਇਰੈਕਟਰ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀ. ਈ. ਓ.) ਹਿਤੇਸ਼ ਓਬਰਾਏ ਨੇ ਕਿਹਾ, ‘‘ਸਤੰਬਰ ਦੇ ਅੰਕੜੇ ਅਜਿਹੇ ਨਿਯੁਕਤੀ ਬਾਜ਼ਾਰ ਨੂੰ ਦਰਸਾਉਂਦੇ ਹਨ ਜੋ ਸਥਿਰ ਤਾਂ ਹੈ, ਪਰ ਜ਼ਿਆਦਾ ਚੋਣਵਾਂ ਹੋ ਗਿਆ ਹੈ... ਵੱਖ-ਵੱਖ ਖੇਤਰਾਂ ਅਤੇ ਸ਼ਹਿਰਾਂ ’ਚ ਦੇਖਿਆ ਗਿਆ ਇਹ ਫਰਕ ਦੱਸਦਾ ਹੈ ਕਿ ਨਿਯੁਕਤੀਆਂ ਹੁਣ ਤੇਜ਼ੀ ਨਾਲ ਵਿਸ਼ੇਸ਼ ਲੋੜਾਂ ਨਾਲ ਚੱਲ ਰਹੀਆਂ ਹਨ।’’
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਦੇਸ਼ ਦੇ ਚੋਟੀ ਦੇ ਅੱਠ ਸ਼ਹਿਰਾਂ ’ਚ ਜੁਲਾਈ-ਸਤੰਬਰ ’ਚ ਮਾਲਜ਼ ’ਚ ਪ੍ਰਚੂਨ ਸਥਾਨਾਂ ਦੀ ਲੀਜ਼ ਮੰਗ 38 ਫੀਸਦੀ ਘਟੀ
NEXT STORY 
