ਨਵੀਂ ਦਿੱਲੀ (ਭਾਸ਼ਾ) – ਕੇਂਦਰੀ ਸੜਕ ਟ੍ਰਾਂਸਪੋਰਟ ਅਤੇ ਰਾਜਮਾਰਗ ਮੰਤਰੀ ਨਿਤਿਨ ਗਡਕਰੀ ਨੇ ਕਿਹਾ ਕਿ ਉਹ ਉਤਰਾਖੰਡ ਦੇ ਪ੍ਰਸਿੱਧ ਸੈਰ-ਸਪਾਟਾ ਸਥਾਨ ਔਲੀ ਨੂੰ ਦੁਨੀਆ ਭਰ ਦੇ ਸੈਲਾਨੀਆਂ ਲਈ ਖਿੱਚ ਦਾ ਕੇਂਦਰ ਬਣਾਉਣਾ ਚਾਹੁੰਦੇ ਹਨ।
ਉਨ੍ਹਾਂ ਨੇ ਵੀਡੀਓ ਕਾਨਫਰੰਸ ਰਾਹੀਂ ਸੰਬੋਧਨ ਕਰਦੇ ਹੋਏ ਇਹ ਵੀ ਕਿਹਾ ਕਿ ਉਹ ਸਵਿਟਜ਼ਰਲੈਂਡ ਦੇ ਵਿਸ਼ਵ ਪ੍ਰਸਿੱਧ ਸਕੀ ਰਿਸੋਰਟ ਦਾਵੋਸ ਵਾਂਗ ਲੱਦਾਖ ਦੇ ਜੋਜਿਲਾ ਸੁਰੰਗ ਅਤੇ ਜੰਮੂ-ਕਸ਼ਮੀਰ ਦੇ ਜੈੱਡ-ਮੋੜ ਸੁਰੰਗ ਦੇ 18 ਕਿਲੋਮੀਟਰ ਖੇਤਰ ਦਰਮਿਆਨ ਇਕ ਭੂ-ਦ੍ਰਿਸ਼ ਦਾ ਵਿਕਾਸ ਕਰਨ ਦੀ ਯੋਜਨਾ ਬਣਾ ਰਹੇ ਹਨ।
ਗਡਕਰੀ ਨੇ ਕਿਹਾ ਕਿ ਅਸੀਂ ਉਤਰਾਖੰਡ ’ਚ ਬਦਰੀਨਾਥ ਅਤੇ ਕੇਦਾਰਨਾਥ ਕੋਲ ਸਥਿਤ ਔਲੀ ਨੂੰ ਦੁਨੀਆ ਭਰ ਦੇ ਸੈਲਾਨੀਆਂ ਲਈ ਖਿੱਚ ਦਾ ਕੇਂਦਰ ਬਣਾਉਣਾ ਚਾਹੁੰਦੇ ਹਾਂ। ਛੋਟਾ ਪਰ ਸੁੰਦਰਤਾ ਭਰਿਆ ਔਲੀ ਇਕ ਛੋਟਾ ਜਿਹਾ ਕਸਬਾ ਹੈ।
ਇਹ ਇਕ ਪ੍ਰਸਿੱਧ ਪ੍ਰੀਮੀਅਰ ਸਕੀ ਰਿਸੋਰਟ ਹੈ। ਔਲੀ ’ਚ ਸਰਦੀਆਂ ਦੇ ਸਮੇਂ ਕਈ ਸਨੋ ਐਡਵੈਂਚਰ ਸਪੋਰਟਸ ਆਯੋਜਿਤ ਕੀਤੇ ਜਾਂਦੇ ਹਨ। ਕਰੀਬ 2800 ਮੀਟਰ ਦੀ ਉਚਾਈ ’ਤੇ ਵੱਸੇ ਔਲੀ ਤੋਂ ਦੇਸ਼ ਦੀਆਂ ਕੁਝ ਸਭ ਤੋਂ ਉੱਚੀਆਂ ਪਰਬਤ ਚੋਟੀਆਂ ਦੇਖੀਆਂ ਜਾ ਸਕਦੀਆਂ ਹਨ, ਜਿਨ੍ਹਾਂ ’ਚ ਦੂਜੀ ਸਭ ਤੋਂ ਉੱਚੀ ਪਰਬਤ ਚੋਟੀ ਨੰਦਾ ਦੇਵੀ (7816 ਮੀਟਰ) ਪ੍ਰਮੁੱਖ ਹੈ। ਸਵਿੱਟਜ਼ਰਲੈਂ ਦੇ ਦਾਵੋਸ ’ਚ ਵਿਸ਼ਵ ਆਰਥਿਕ ਮੰਚ ਦੀ ਸਾਲਾਨਾ ਬੈਠਕ ਆਯੋਜਿਤ ਕੀਤੀ ਜਾਂਦੀ ਹੈ। ਜੋਜਿਲਾ ਦੱਰਾ ਸ਼੍ਰੀਨਗਰ-ਕਾਰਗਿਲ-ਲੇਹ ਰਾਸ਼ਟਰੀ ਰਾਜਮਾਰਗ ’ਤੇ 11,578 ਫੁੱਟ ਦੀ ਉਚਾਈ ’ਤੇ ਸਥਿਤ ਹੈ ਅਤੇ ਭਾਰੀ ਬਰਫਬਾਰੀ ਕਾਰਨ ਸਰਦੀਆਂ ’ਚ ਬੰਦ ਰਹਿੰਦਾ ਹੈ।
ਗਡਕਰੀ ਨੇ ਪਿਛਲੇ ਸਾਲ ਜੋਜਿਲਾ ਸੁਰੰਗ ’ਚ ਜੁੜੇ ਨਿਰਮਾਣ ਕੰਮ ਦੀ ਸ਼ੁਰੂਆਤ ਦੀ ਸ਼ੁਰੂਆਤ ਕੀਤੀ ਸੀ ਅਤੇ ਭਰੋਸਾ ਜਤਾਇਆ ਸੀ ਕਿ ਇਹ ਰਣਨੀਤਿਕ ਯੋਜਨਾ ਅਗਲੇ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਆਪਣੇ ਨਿਰਧਾਰਤ ਸਮੇਂ ਤੋਂ ਪਹਿਲਾਂ ਪੂਰੀ ਹੋ ਜਾਏਗੀ। ਇਸ ਨਾਲ ਸ਼੍ਰੀਨਗਰ ਘਾਟੀ ਅਤੇ ਲੇਹ ਦਰਮਿਆਨ ਸਾਲ ਭਰ ਸੰਪਰਕ ਬਣਿਆ ਰਹੇਗਾ।
ਸਰਕਾਰ ਫਿਰ ਦੇ ਰਹੀ ਸਸਤਾ ਸੋਨਾ ਖਰੀਦਣ ਦਾ ਮੌਕਾ, ਜਾਣੋ ਕਦੋਂ ਸ਼ੁਰੂ ਹੋਵੇਗੀ ਇਹ ਸਕੀਮ
NEXT STORY