ਵੈੱਬ ਡੈਸਕ- ਦੇਵਉਠਨੀ ਏਕਾਦਸ਼ੀ ਤੋਂ ਅਗਲੇ ਦਿਨ 2 ਨਵੰਬਰ (ਐਤਵਾਰ) ਨੂੰ ਯਾਨੀ ਅੱਜ ਪਵਿੱਤਰ ਤੁਲਸੀ ਵਿਵਾਹ ਮਨਾਇਆ ਜਾਵੇਗਾ। ਹਿੰਦੂ ਧਰਮ 'ਚ ਇਸ ਦਿਨ ਦਾ ਖਾਸ ਆਧਿਆਤਮਿਕ ਅਤੇ ਧਾਰਮਿਕ ਮਹੱਤਵ ਮੰਨਿਆ ਜਾਂਦਾ ਹੈ। ਮਾਨਤਾ ਹੈ ਕਿ ਇਸ ਦਿਨ ਭਗਵਾਨ ਵਿਸ਼ਨੂੰ ਚਾਰ ਮਹੀਨਿਆਂ ਦੀ ਯੋਗ ਨਿੰਦਰਾ (ਚਾਤੁਰਮਾਸ) ਤੋਂ ਜਾਗਦੇ ਹਨ ਅਤੇ ਉਨ੍ਹਾਂ ਦਾ ਵਿਵਾਹ ਤੁਲਸੀ ਦੇਵੀ (ਵਰਿੰਦਾ) ਨਾਲ ਕਰਵਾਇਆ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਅੱਜ ਬਣ ਰਿਹੈ ਦੁਰਲੱਭ ਸੰਯੋਗ! ਇਨ੍ਹਾਂ ਰਾਸ਼ੀਆਂ 'ਤੇ ਵਰ੍ਹੇਗਾ ਨੋਟਾਂ ਦਾ ਮੀਂਹ
ਤੁਲਸੀ ਵਿਵਾਹ ਦਾ ਮਹੱਤਵ
ਤੁਲਸੀ ਵਿਵਾਹ ਨੂੰ ਕਾਰਤਿਕ ਮਹੀਨੇ ਦੀ ਸਭ ਤੋਂ ਸ਼ੁੱਭ ਤਰੀਕਾਂ 'ਚੋਂ ਇਕ ਮੰਨਿਆ ਗਿਆ ਹੈ। ਇਸ ਦਿਨ ਘਰਾਂ 'ਚ ਤੁਲਸੀ ਅਤੇ ਸ਼ਾਲਿਗ੍ਰਾਮ ਜੀ (ਭਗਵਾਨ ਵਿਸ਼ਨੂੰ ਦਾ ਰੂਪ) ਦਾ ਵਿਧੀ-ਵਿਧਾਨ ਨਾਲ ਵਿਵਾਹ ਕਰਵਾਇਆ ਜਾਂਦਾ ਹੈ। ਧਾਰਮਿਕ ਮਾਨਤਾ ਅਨੁਸਾਰ, ਤੁਲਸੀ ਵਿਵਾਹ ਕਰਨ ਨਾਲ ਜੀਵਨ 'ਚ ਵਿਵਾਹਿਕ ਸੁਖ, ਸੰਤੁਲਨ, ਸਫਲਤਾ ਅਤੇ ਸ਼ਾਂਤੀ ਪ੍ਰਾਪਤ ਹੁੰਦੀ ਹੈ। ਇਸ ਦਿਨ ਤੋਂ ਹੀ ਸੋਲ੍ਹਾਂ ਸੰਸਕਾਰਾਂ ਦੇ ਸ਼ੁੱਭ ਕਾਰਜਾਂ ਜਿਵੇਂ ਕਿ ਵਿਆਹ, ਗ੍ਰਹਿ ਪ੍ਰਵੇਸ਼, ਮੁੰਡਨ ਆਦਿ ਦੀ ਸ਼ੁਰੂਆਤ ਹੋ ਜਾਂਦੀ ਹੈ।
ਕਦੋਂ ਹੈ ਤੁਲਸੀ ਵਿਵਾਹ
ਪੰਚਾਂਗ ਅਨੁਸਾਰ, ਕਾਰਤਿਕ ਮਹੀਨੇ ਦੀ ਸ਼ੁਕਲ ਪੱਖ ਦੀ ਦਵਾਦਸ਼ੀ ਤਿਥੀ 2 ਨਵੰਬਰ 2025 ਸਵੇਰੇ 7:33 ਵਜੇ ਤੋਂ ਸ਼ੁਰੂ ਹੋ ਕੇ 3 ਨਵੰਬਰ ਸਵੇਰੇ 2:07 ਵਜੇ ਤੱਕ ਰਹੇਗੀ। ਉਦਯਾ ਤਿਥੀ ਦੇ ਅਨੁਸਾਰ ਇਸ ਸਾਲ ਤੁਲਸੀ ਵਿਵਾਹ 2 ਨਵੰਬਰ ਨੂੰ ਮਨਾਇਆ ਜਾਵੇਗਾ।
ਪੂਜਾ ਦੇ ਸ਼ੁਭ ਮੁਹੂਰਤ
- ਬ੍ਰਹਮ ਮੁਹੂਰਤ: ਸਵੇਰੇ 4:50 ਤੋਂ 5:42 ਤੱਕ
- ਸਵੇਰੇ-ਸ਼ਾਮ: ਸਵੇਰੇ 5:16 ਤੋਂ 6:34 ਤੱਕ
- ਅਭਿਜੀਤ ਮੁਹੂਰਤ: ਸਵੇਰੇ 11:42 ਤੋਂ ਦੁਪਹਿਰ 12:26 ਤੱਕ
- ਗੋਧੂਲੀ ਮੁਹੂਰਤ: ਸ਼ਾਮ 5:35 ਤੋਂ 6:01 ਤੱਕ
ਇਹ ਵੀ ਪੜ੍ਹੋ : ਬਾਬਾ ਵੇਂਗਾ ਦੀ ਭਵਿੱਖਬਾਣੀ! ਇਸ ਸਾਲ ਦੇ ਅੰਤ 'ਚ 'ਕਰੋੜਪਤੀ' ਬਣਨਗੇ ਇਨ੍ਹਾਂ ਰਾਸ਼ੀਆਂ ਦੇ ਲੋਕ, ਲੱਗ ਸਕਦੀ ਹੈ ਲਾਟਰੀ
ਤੁਲਸੀ ਵਿਵਾਹ ਦੀ ਵਿਧੀ
- ਤੁਲਸੀ ਵਿਵਾਹ ਤੋਂ ਪਹਿਲਾਂ ਘਰ ਦੀ ਚੰਗੀ ਤਰ੍ਹਾਂ ਸਫ਼ਾਈ ਕਰੋ। ਪੂਜਾ ਕਰਨ ਵਾਲਾ ਵਿਅਕਤੀ ਪੀਲੇ ਰੰਗ ਦੇ ਕੱਪੜੇ ਧਾਰਨ ਕਰੇ, ਜੋ ਸ਼ੁੱਭਤਾ ਦਾ ਪ੍ਰਤੀਕ ਮੰਨੇ ਜਾਂਦੇ ਹਨ। ਘਰ ਦੇ ਮੁੱਖ ਦਰਵਾਜ਼ੇ ‘ਤੇ ਰੰਗੋਲੀ ਬਣਾਓ ਅਤੇ ਇਕ ਸਾਫ਼ ਲਾਲ ਕਪੜੇ ਨਾਲ ਮੰਡਪ ਤਿਆਰ ਕਰੋ। ਮੰਡਪ ਨੂੰ ਫੁੱਲਾਂ, ਅੰਬ ਦੇ ਪੱਤਿਆਂ ਅਤੇ ਕੇਲੇ ਦੇ ਤਣਿਆਂ ਨਾਲ ਸਜਾਓ।
- ਤੁਲਸੀ ਦੇ ਪੌਦੇ ਨੂੰ ਮੰਡਪ 'ਚ ਰੱਖੋ ਅਤੇ ਉਨ੍ਹਾਂ ਦੇ ਕੋਲ ਭਗਵਾਨ ਸ਼ਾਲਿਗ੍ਰਾਮ ਜੀ ਦੀ ਸਥਾਪਨਾ ਕਰੋ। ਸ਼ਾਲਿਗ੍ਰਾਮ ਜੀ ਨੂੰ ਨਵੇਂ ਕੱਪੜੇ ਪਹਿਨਾਓ ਅਤੇ ਤੁਲਸੀ ਮਾਤਾ ਨੂੰ ਲਾਲ ਚੁੰਨੀ ਓੜ੍ਹਾਓ। ਫਿਰ ਦੋਵਾਂ ਨੂੰ ਫੁੱਲਾਂ ਦੀ ਮਾਲਾ ਪਹਿਨਾ ਕੇ ਸੱਤ ਫੇਰੇ ਕਰਵਾਓ।
- ਫੇਰਿਆਂ ਤੋਂ ਬਾਅਦ ਪਰਿਵਾਰਕ ਮੈਂਬਰ ਮਿਲ ਕੇ ਫੁੱਲਾਂ ਦੀ ਵਰਖਾ ਕਰਨ ਅਤੇ ਭਗਵਾਨ ਵਿਸ਼ਨੂੰ ਅਤੇ ਤੁਲਸੀ ਮਾਤਾ ਤੋਂ ਸੁਖ, ਸ਼ਾਂਤੀ ਅਤੇ ਖੁਸ਼ਹਾਲੀ ਦੀ ਕਾਮਨਾ ਕਰਨ। ਅੰਤ 'ਚ ਤੁਲਸੀ ਅਤੇ ਸ਼ਾਲਿਗ੍ਰਾਮ ਜੀ ਦੀ ਆਰਤੀ ਕਰਕੇ ਉਨ੍ਹਾਂ ਨੂੰ ਮਠਿਆਈ ਅਤੇ ਫਲਾਂ ਦਾ ਭੋਗ ਲਗਾਓ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਅੱਜ ਬਣ ਰਿਹੈ ਦੁਰਲੱਭ ਸੰਯੋਗ! ਇਨ੍ਹਾਂ ਰਾਸ਼ੀਆਂ 'ਤੇ ਵਰ੍ਹੇਗਾ ਨੋਟਾਂ ਦਾ ਮੀਂਹ
NEXT STORY 
