ਮੁੰਬਈ (ਏਜੰਸੀ)- ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਰਿਐਲਿਟੀ ਸ਼ੋਅ ‘ਬਿੱਗ ਬੌਸ’ ਦੇ 20ਵੇਂ ਸੀਜ਼ਨ ਦੀ ਮੇਜ਼ਬਾਨੀ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹਨ। ਸਲਮਾਨ ਖਾਨ ਹਾਲ ਹੀ ਵਿੱਚ ਸ਼ੋਅ ਦੇ ਸੈੱਟ ‘ਤੇ ਅਦਾਕਾਰ ਸਿਆਸਤਦਾਨ ਮਨੋਜ ਤਿਵਾੜੀ ਅਤੇ ਉਨ੍ਹਾਂ ਦੀ ਧੀ ਨਾਲ ਮਜ਼ਾਕੀਆ ਲਹਿਜ਼ੇ ਵਿੱਚ ਗੱਲਬਾਤ ਕਰਦੇ ਨਜ਼ਰ ਆਏ।
ਮੇਕਰਾਂ ਦੁਆਰਾ ਜਾਰੀ ਕੀਤੇ ਗਏ ਇੱਕ ਨਵੇਂ ਪ੍ਰੋਮੋ ਵਿੱਚ ਮਨੋਜ ਤਿਵਾੜੀ ‘ਬਿੱਗ ਬੌਸ 20’ ਦੀ ਸਟੇਜ ‘ਤੇ ਆਪਣਾ ਮਸ਼ਹੂਰ ਗੀਤ ‘ਰਿੰਕੀਆ ਕੇ ਪਾਪਾ’ ਗਾਉਂਦੇ ਹੋਏ ਐਂਟਰੀ ਕਰਦੇ ਹਨ। ਫਿਰ ਉਹ ਸਲਮਾਨ ਨੂੰ ਕਹਿੰਦੇ ਹਨ ਕਿ ਉਹ ਸ਼ੋਅ ਵਿੱਚ ਹਿੱਸਾ ਲੈਣ ਲਈ ਨਹੀਂ ਸਗੋਂ ਆਪਣੀ ਧੀ ਰਿਤੀ ਤਿਵਾੜੀ ਨੂੰ ਛੱਡਣ ਲਈ ਆਏ ਹਨ। ਦੱਸ ਦੇਈਏ ਕਿ ਮਨੋਜ ਤਿਵਾੜੀ ਖੁਦ 'ਬਿੱਗ ਬੌਸ' ਦੇ ਚੌਥੇ ਸੀਜ਼ਨ ਵਿੱਚ ਪ੍ਰਤੀਯੋਗੀ ਵਜੋਂ ਨਜ਼ਰ ਆਏ ਸਨ।
ਇਸ ਮਗਰੋਂ ਜਦੋਂ ਰਿਤੀ ਤਿਵਾੜੀ ਸਟੇਜ 'ਤੇ ਪਹੁੰਚੀ ਤਾਂ ਸਲਮਾਨ ਨੇ ਉਸਨੂੰ ਮਜ਼ਾਕੀਆ ਲਹਿਜੇ ਵਿੱਚ ਕਿਹਾ, “ਘਰ ਕੇ ਅੰਦਰ, ਆਂਡਿਆਂ ਨੂੰ ਲੈ ਕੇ ਕਦੇ ਲੜਾਈ ਨਾ ਕਰਨਾ ਅਤੇ ਬਾਪ ਪੇ ਮਤ ਜਾਨਾ।” ਇਸ ਤਰ੍ਹਾਂ ਉਥੇ ਹਾਸੇ-ਮਜ਼ਾਕ ਵਾਲਾ ਮਾਹੌਲ ਬਣਾ ਜਾਂਦਾ ਹੈ।
ਦੱਸ ਦੇਈਏ ਕਿ ਇੱਥੇ ਸਲਮਾਨ ‘ਬਿੱਗ ਬੌਸ 4’ ਵਿੱਚ ਮਨੋਜ ਅਤੇ ਡੌਲੀ ਬਿੰਦਰਾ ਵਿਚਕਾਰ ਆਂਡਿਆਂ ਨੂੰ ਲੈ ਕੇ ਹੋਈ ਲੜਾਈ ਦਾ ਹਵਾਲਾ ਦੇ ਰਹੇ ਸੀ। ਮਨੋਜ ਨਾਸ਼ਤੇ ਵਿੱਚ ਆਮਲੇਟ ਚਾਹੁੰਦੇ ਸਨ, ਡੌਲੀ ਬਿੰਦਰਾ ਚਾਹੁੰਦੀ ਸੀ ਕਿ ਉਹ ਪਹਿਲਾਂ ਬਚਿਆ ਹੋਇਆ ਖਾਣਾ ਖਤਮ ਕਰਨ, ਜਿਸ ਨਾਲ ਲੜਾਈ ਹੋ ਗਈ। ਉਸ ਸਮੇਂ ਮਨੋਜ ਨੇ ਕਿਹਾ ਸੀ, “ਕਿਚਨ ਕਿਸੇ ਦੇ ਬਾਪ ਦਾ ਨਹੀਂ ਹੈ।” ਇਸ ਮਗਰੋਂ ਡੌਲੀ ਨੇ ਜਵਾਬ ਦਿੱਤਾ ਸੀ, “ਬਾਪ ਪੇ ਬੋਲਨਾ ਨਹੀਂ।” ਉਦੋਂ ਤੋਂ ਇਹ ਇੱਕ ਮੀਮ ਬਣ ਗਿਆ ਹੈ।
ਨੀਮ ਕਰੌਲੀ ਬਾਬਾ ਦੇ ਜੀਵਨ 'ਤੇ ਆਧਾਰਿਤ ਫਿਲਮ 'ਹਨੂੰਮਾਨ ਅੰਸ਼' ਨੇ ਪਾਰ ਕੀਤਾ 100 ਕਰੋੜ ਦਾ ਅੰਕੜਾ
NEXT STORY 
