ਐਂਟਰਟੇਨਮੈਂਟ ਡੈਸਕ- ਮਸ਼ਹੂਰ ਪੰਜਾਬੀ ਗਾਇਕ ਰਣਜੀਤ ਬਾਵਾ ਨੇ ਆਪਣੇ ਪੁਰਾਣੇ ਗੀਤ ‘ਕਸੂਰ’ ਨੂੰ ਲੈ ਕੇ ਮੁੜ ਉੱਠੇ ਵਿਵਾਦ ’ਤੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਹੈ। ਬਾਵਾ ਨੇ ਕਿਹਾ ਕਿ ਉਹ ਇਹ ਗੀਤ 5 ਸਾਲ ਪਹਿਲਾਂ ਹੀ ਆਪਣੇ ਚੈਨਲ ਤੋਂ ਡਿਲੀਟ ਕਰ ਚੁੱਕੇ ਹਨ, ਪਰ ਕੁਝ ਲੋਕ TRP ਅਤੇ ਸਿਆਸੀ ਫ਼ਾਇਦੇ ਲਈ ਇਸ ਮਾਮਲੇ ਨੂੰ ਫਿਰ ਤਾਜ਼ਾ ਕਰ ਰਹੇ ਹਨ। ਉਨ੍ਹਾਂ ਨੇ ਸਪੱਸ਼ਟ ਕਿਹਾ ਕਿ ਉਹ ਕਿਸੇ ਵੀ ਧਰਮ ਦੀ ਭਾਵਨਾ ਨੂੰ ਠੇਸ ਪਹੁੰਚਾਉਣ ਦਾ ਕਦੇ ਇਰਾਦਾ ਨਹੀਂ ਰੱਖਦੇ। ਦੱਸ ਦੇਈਏ ਕਿ ਜਲੰਧਰ ਵਿੱਚ ਇਸ ਗੀਤ ਨੂੰ ਲੈ ਕੇ 5 ਸਾਲ ਪਹਿਲਾਂ FIR ਦਰਜ ਹੋਈ ਸੀ। ਇਸ ਮਾਮਲੇ ਵਿੱਚ ਰਣਜੀਤ ਬਾਵਾ ਦੇ ਨਾਲ-ਨਾਲ ਲੇਖਕ ਬੀਰ ਸਿੰਘ, ਮਿਊਜ਼ਿਕ ਡਾਇਰੈਕਟਰ ਗੁਰਮੋਹ, ਵੀਡੀਓ ਡਾਇਰੈਕਟਰ ਧੀਮਾਨ ਪ੍ਰੋਡਕਸ਼ਨਜ਼ ਅਤੇ ਬੁੱਲ 18 ਕੰਪਨੀ ’ਤੇ ਵੀ ਸ਼ਿਕਾਇਤ ਦਰਜ ਕੀਤੀ ਗਈ ਸੀ।
ਇਹ ਵੀ ਪੜ੍ਹੋ: ਵਿਆਹ ਦੀ ਵਰ੍ਹੇਗੰਢ ਮੌਕੇ ਰਣਦੀਪ ਹੁੱਡਾ ਨੇ ਦਿੱਤੀ Good News, ਲਿਖਿਆ- 'A little wild one on the way'
ਬਾਵਾ ਨੇ ਦੋਸ਼ ਲਾਇਆ ਕਿ ਜਿਨ੍ਹਾਂ ਲੋਕਾਂ ਨੇ ਉਨ੍ਹਾਂ ਖ਼ਿਲਾਫ਼ ਸ਼ਿਕਾਇਤਾਂ ਦਰਜ ਕਰਾਈਆਂ, ਉਹੀ ਲੋਕ ਇਸ ਗੀਤ ਦੇ ਕਲਿੱਪ ਆਪਣੇ ਪੇਜਾਂ ’ਤੇ ਸਾਂਝੇ ਕਰਕੇ ਖ਼ੁਦ ਇਸਦਾ ਪ੍ਰਚਾਰ ਕਰ ਰਹੇ ਹਨ। ਗਾਇਕ ਦੇ ਮੁਤਾਬਕ, ਬਿਨਾਂ ਕਾਰਨ ਇਸ ਮੁੱਦੇ ਨੂੰ ਵਾਰ-ਵਾਰ ਚੁੱਕ ਕੇ ਉਨ੍ਹਾਂ ਦੇ ਸ਼ੋਅ ਰੱਦ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਦੱਸਣਯੋਗ ਹੈ ਕਿ ਵਿਵਾਦ ਉਸ ਵੇਲੇ ਸ਼ੁਰੂ ਹੋਇਆ ਸੀ ਜਦੋਂ ਵਿਸ਼ਵ ਹਿੰਦੂ ਪ੍ਰੀਸ਼ਦ ਨੇ ਦੋਸ਼ ਲਾਇਆ ਸੀ ਕਿ ‘ਕਸੂਰ’ ਗੀਤ ਵਿੱਚ ਹਿੰਦੂ ਧਰਮ ਸਬੰਧੀ ਟਿੱਪਣੀਆਂ ਹਨ।
ਇਹ ਵੀ ਪੜ੍ਹੋ: ਫੈਸ਼ਨ ਨਹੀਂ, ਸਾਵਧਾਨੀ! ਇਨ੍ਹਾਂ ਰਾਸ਼ੀਆਂ ਲਈ ਸ਼ੁਭ ਨਹੀਂ ਹੁੰਦਾ ਕਾਲਾ ਧਾਗਾ, ਬੰਨਣ ਤੋਂ ਪਹਿਲਾਂ ਪੜ੍ਹੋ ਇਹ ਖਬਰ
ਇਸ ਵਿਵਾਦ ਕਾਰਨ ਪਿਛਲੇ ਸਾਲ ਹਿਮਾਚਲ ਪ੍ਰਦੇਸ਼ ਦੇ ਬੱਦੀ ਵਿੱਚ ਹੋਣ ਵਾਲੇ ਰੈੱਡਕ੍ਰਾਸ ਮੇਲੇ ਵਿੱਚ ਬਾਵਾ ਦਾ ਸ਼ੋਅ ਵੀ ਰੱਦ ਕਰ ਦਿੱਤਾ ਗਿਆ ਸੀ, ਜਿਸਦਾ ਵਿਰੋਧ ਵਿਸ਼ਵ ਹਿੰਦੂ ਪ੍ਰੀਸ਼ਦ ਅਤੇ ਬਜਰੰਗ ਦਲ ਨੇ ਕੀਤਾ ਸੀ। ਬਾਵਾ ਨੇ ਉਸ ਸਮੇਂ ਵੀ ਨਾਰਾਜ਼ਗੀ ਜ਼ਾਹਰ ਕਰਦਿਆਂ ਕਿਹਾ ਸੀ ਕਿ ਕੁਝ ਲੋਕਾਂ ਨੇ ਸਿਆਸੀ ਹਿੱਤਾਂ ਲਈ ਇਸ ਮੁੱਦੇ ਨੂੰ ਧਾਰਮਿਕ ਰੂਪ ਦੇ ਦਿੱਤਾ ਹੈ ਅਤੇ ਕਲਾਕਾਰਾਂ ਨੂੰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ: ਰਿਲੀਜ਼ ਤੋਂ 6 ਦਿਨ ਪਹਿਲਾਂ ਹੀ ਵਿਵਾਦਾਂ 'ਚ ਘਿਰੀ ਰਣਵੀਰ ਸਿੰਘ ਦੀ "ਧੁਰੰਧਰ"; ਹਾਈਕੋਰਟ ਪੁੱਜਾ ਮਾਮਲਾ
ਵਿਆਹ ਦੀ ਵਰ੍ਹੇਗੰਢ ਮੌਕੇ ਰਣਦੀਪ ਹੁੱਡਾ ਨੇ ਦਿੱਤੀ Good News, ਲਿਖਿਆ- 'A little wild one on the way'
NEXT STORY 
