ਮੁੰਬਈ (ਏਜੰਸੀ)- ਬਹੁਤ ਹੀ ਉਡੀਕੀ ਜਾ ਰਹੀ ਫਿਲਮ "ਦਿ ਵਨ" ਦਾ ਪਹਿਲਾ ਗਾਣਾ "ਸਮਝੋ ਨਾ" ਰਿਲੀਜ਼ ਹੋ ਗਿਆ ਹੈ। ਸਿਧਾਰਥ ਮਲਹੋਤਰਾ ਅਤੇ ਤਮੰਨਾ ਇਸ ਗਾਣੇ ਵਿੱਚ ਪਹਿਲੀ ਵਾਰ ਇੱਕ ਰੋਮਾਂਟਿਕ ਜੋੜੇ ਦੇ ਰੂਪ ਵਿੱਚ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦੀ ਨਵੀਂ ਔਨ-ਸਕ੍ਰੀਨ ਕੈਮਿਸਟਰੀ ਨੂੰ ਦਰਸ਼ਕਾਂ ਦੁਆਰਾ ਖੂਬ ਪਸੰਦ ਕੀਤਾ ਗਿਆ ਹੈ, ਅਤੇ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਨੂੰ "ਬਲਾਕਬਸਟਰ ਜੋੜੀ" ਵਜੋਂ ਸਲਾਹਿਆ ਜਾ ਰਿਹਾ ਹੈ। ਜਿੱਥੇ ਫਿਲਮ ਦੇ ਟੀਜ਼ਰ ਵਿੱਚ ਰਹੱਸ, ਸਾਹਸ ਅਤੇ ਲੋਕ-ਕਥਾਵਾਂ ਨਾਲ ਭਰੀ ਦੁਨੀਆ ਦੀ ਝਲਕ ਦਿਖਾਈ ਗਈ ਹੈ, ਉੱਥੇ ਹੀ "ਸਮਝੋ ਨਾ" ਕਹਾਣੀ ਦੇ ਰੋਮਾਂਟਿਕ ਪੱਖ ਨੂੰ ਸਾਹਮਣੇ ਲਿਆਉਂਦਾ ਹੈ।
ਜ਼ੀ ਮਿਊਜ਼ਿਕ ਲੇਬਲ ਹੇਠ ਰਿਲੀਜ਼ ਹੋਇਆ, ਇਹ ਗਾਣਾ ਤਨਿਸ਼ਕ ਬਾਗਚੀ ਦੁਆਰਾ ਤਿਆਰ ਅਤੇ ਨਿਰਮਿਤ ਕੀਤਾ ਗਿਆ ਹੈ। ਜੁਬਿਨ ਨੌਟਿਆਲ ਅਤੇ ਸੁਵਰਨਾ ਤਿਵਾਰੀ ਨੇ ਇਸ ਨੂੰ ਆਪਣੀ ਆਵਾਜ਼ ਦਿੱਤੀ ਹੈ, ਜਦੋਂ ਕਿ ਮਨੋਜ ਮੁੰਤਸ਼ਿਰ ਨੇ ਬੋਲ ਲਿਖੇ ਹਨ। ਕ੍ਰਿਸ਼ਨਾ ਕਿਸ਼ੋਰ ਨੇ ਵਾਧੂ ਲਾਈਵ ਪ੍ਰੋਡਕਸ਼ਨ ਸੰਭਾਲਿਆਅਤੇ ਏਰਿਕ ਪਿੱਲਈ ਨੇ ਗਾਣੇ ਨੂੰ ਮਿਕਸ ਅਤੇ ਮਾਸਟਰ ਬਣਾਇਆ ਹੈ। ਜੁਬਿਨ ਨੌਟਿਆਲ ਨੇ ਕਿਹਾ ਕਿ "ਸਮਝੋ ਨਾ" ਵਿੱਚ ਇੱਕ ਸੁੰਦਰ ਮਾਸੂਮੀਅਤ ਅਤੇ ਅਹਿਸਾਸ ਹੈ, ਜਿਸ ਨਾਲ ਉਹ ਤੁਰੰਤ ਜੁੜ ਗਏ। ਉਨ੍ਹਾਂ ਨੇ ਤਨਿਸ਼ਕ ਬਾਗਚੀ ਦੇ ਸੰਗੀਤ ਅਤੇ ਮਨੋਜ ਮੁੰਤਸ਼ੀਰ ਦੇ ਬੋਲਾਂ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਸਿਧਾਰਥ ਅਤੇ ਤਮੰਨਾ ਦੀ ਕੈਮਿਸਟਰੀ ਗਾਣੇ ਵਿੱਚ ਇੱਕ ਵਿਸ਼ੇਸ਼ ਤਾਜ਼ਗੀ ਲਿਆਉਂਦੀ ਹੈ।
ਇਹ ਫਿਲਮ ਬਾਲਾਜੀ ਮੋਸ਼ਨ ਪਿਕਚਰਜ਼, ਟੀਵੀਐਫ, ਅਤੇ 11.11 ਪ੍ਰੋਡਕਸ਼ਨ ਦੁਆਰਾ ਸਾਂਝੇ ਤੌਰ 'ਤੇ ਬਣਾਈ ਗਈ ਹੈ। ਅਰੁਣਾਭ ਕੁਮਾਰ ਨੇ ਫਿਲਮ ਲਿਖੀ ਹੈ, ਅਤੇ ਦੀਪਕ ਮਿਸ਼ਰਾ ਇਸਦਾ ਨਿਰਦੇਸ਼ਨ ਕਰ ਰਹੇ ਹਨ। ਫਿਲਮ ਵਿੱਚ ਸਿਧਾਰਥ ਮਲਹੋਤਰਾ ਅਤੇ ਤਮੰਨਾ ਮੁੱਖ ਭੂਮਿਕਾਵਾਂ ਵਿੱਚ ਹਨ। "ਦਿ ਵਨ" 25 ਸਤੰਬਰ 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
ਕੰਗਨਾ ਰਣੌਤ ਨੇ ਮੰਡੀ ਸਥਿਤ ਆਪਣੇ ਘਰ 'ਚ ਮਨਾਈ ਜਨਮ ਅਸ਼ਟਮੀ, ਸ਼੍ਰੀ ਕ੍ਰਿਸ਼ਨ ਲਈ ਖੁਦ ਤਿਆਰ ਕੀਤਾ 'ਭੋਗ'
NEXT STORY 
