ਮੁੰਬਈ- ਬਾਲੀਵੁੱਡ ਅਦਾਕਾਰ ਅਤੇ ਕੋਰੋਨਾ ਮਹਾਂਮਾਰੀ ਦੌਰਾਨ ਲੋਕਾਂ ਵਿਚ 'ਫਰਿਸ਼ਤਾ' ਬਣ ਕੇ ਉੱਭਰੇ ਸੋਨੂੰ ਸੂਦ ਨੇ ਹੁਣ ਤੱਕ ਹਜ਼ਾਰਾਂ ਲੋਕਾਂ ਦੀ ਮਦਦ ਕੀਤੀ ਹੈ। ਕਿਸੇ ਨੂੰ ਆਪਣੇ ਘਰ ਪਹੁੰਚਾਉਣ ਤੋਂ ਲੈ ਕੇ, ਕਿਸੇ ਵੱਲੋਂ ਆਪਣਾ ਬੰਦ ਰੁਜ਼ਗਾਰ ਦੁਬਾਰਾ ਸ਼ੁਰੂ ਕਰਨ ਤੱਕ ਦੀ ਹਰ ਮੁਮਕਿਨ ਮਦਦ ਸੋਨੂੰ ਸੂਦ ਕਰ ਰਹੇ ਹਨ ਪਰ ਇਸ ਸਭ ਦੇ ਵਿਚਾਲੇ, ਸੋਨੂੰ ਦੀ ਇਕ ਨਵੀਂ ਵੀਡੀਓ ਸਾਹਮਣੇ ਆਈ ਹੈ, ਜਿਸ ਵਿਚ ਉਹ ਆਪਣੀ ਸੁਪਰ ਮਾਰਕੀਟ ਖੋਲ੍ਹਣ ਦੀ ਖ਼ਬਰ ਦਿੰਦੇ ਹੋਏ ਦਿਖਾਈ ਦੇ ਰਹੇ ਹਨ। ਇੰਨਾ ਹੀ ਨਹੀਂ ਸੋਨੂੰ ਨੇ ਇਸ ਸੁਪਰ ਮਾਰਕਿਟ 'ਚ ਵੀ ਜ਼ਬਰਦਸਤ ਆਫ਼ਰ ਦਿੱਤੀ ਹੈ। ਜੀ ਹਾਂ 10 ਅੰਡਿਆਂ ਦੇ ਨਾਲ ਇੱਕ ਬਰੈੱਡ ਵੀ ਇੱਥੇ ਮੁਫ਼ਤ ਮਿਲ ਰਹੀ ਹੈ।
ਸੋਨੂੰ ਸੂਦ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇਕ ਮਜ਼ਾਕੀਆ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਇਕ ਸਾਈਕਲ 'ਤੇ ਬੈਠੇ ਨਜ਼ਰ ਆ ਰਹੇ ਹਨ। ਸੋਨੂੰ ਇਸ ਵੀਡੀਓ ਵਿਚ ਕਹਿ ਰਿਹਾ ਹੈ, 'ਕੌਣ ਬੋਲਦਾ ਹੈ ਮਾਲ ਬੰਦ ਹੋ ਗਏ ਹਨ, ਸਭ ਤੋਂ ਮਹੱਤਵਪੂਰਨ ਅਤੇ ਮਹਿੰਗਾ ਸੁਪਰ ਮਾਰਕੀਟ ਤਿਆਰ ਹੈ। ਦੇਖੋ ਮੇਰੇ ਕੋਲ ਸਭ ਕੁਝ ਹੈ। ਇਕ ਅੰਡਾ ਹੈ ਜਿਸ ਦੀ ਕੀਮਤ ਇਸ ਸਮੇਂ 6 ਰੁਪਏ ਹੈ, ਬਰੈੱਡ 40 ਰੁਪਏ ਦੀ ਹੈ, ਇਕ ਛੋਟੀ ਹੈ ਜੋ 22 ਰੁਪਏ ਦੀ ਹੈ, ਪਾਵ ਹੈ, ਰਸ ਹੈ, ਕੁਝ ਬਿਸਕੁਟ ਵੀ ਹਨ। ਜੋ ਵੀ ਚਾਹੇ, ਅੱਗੇ ਆਵੇ .. ਮੈਨੂੰ ਜਲਦੀ ਤੋਂ ਜਲਦੀ ਮੈਸੇਜ ਕਰੋ, ਹੁਣ ਇਹ ਮੇਰੀ ਡਿਲਿਵਰੀ ਦਾ ਸਮਾਂ ਹੈ ਤੇ ਹਾਂ .. ਡਿਲਿਵਰੀ ਚਾਰਜ ਅਲੱਗ ਤੋਂ ਲੱਗਣਗੇ।" ਇਸ ਦਿਲਚਸਪ ਵੀਡੀਓ ਦੇ ਨਾਲ, ਸੋਨੂੰ ਨੇ ਇੱਕ ਹੈਸ਼ਟੈਗ ਵੀ ਸਾਂਝਾ ਕੀਤਾ ਹੈ, ਜਿਸ ਤੋਂ ਸਾਫ ਹੈ ਕਿ ਉਸ ਨੇ ਇਸ ਵੀਡੀਓ ਨੂੰ ਕਿਉਂ ਬਣਾਇਆ ਹੈ।
ਦਰਅਸਲ ਸੋਨੂੰ ਨੇ ਇਸ ਵੀਡੀਓ ਨਾਲ ਲਿਖਿਆ ਹੈ #SupportSmallBusiness ਅਰਥਾਤ ਉਹ ਛੋਟੇ ਕਾਰੋਬਾਰਾਂ ਨੂੰ ਸਮਰਥਨ ਦੇਣ ਦੀ ਗੱਲ ਕਰ ਰਿਹਾ ਹੈ। ਇਹ ਪਹਿਲਾ ਵੀਡੀਓ ਨਹੀਂ ਹੈ ਜਿਸ ਰਾਹੀਂ ਸੋਨੂੰ ਛੋਟੇ ਕਾਰੋਬਾਰਾਂ ਨੂੰ ਉਤਸ਼ਾਹਤ ਕਰਨ ਦੀ ਗੱਲ ਕਰ ਰਿਹਾ ਹੈ। ਇਸ ਤੋਂ ਪਹਿਲਾਂ ਉਹ 'ਸੋਨੂੰ ਸੂਦ ਕਾ ਨੀਂਬੂ ਪਾਣੀ' ਤੇ 'ਸੋਨੂੰ ਸੂਦ ਕਾ ਢਾਬਾ' ਵਰਗੀਆਂ ਕੋਸ਼ਿਸ਼ਾਂ ਕਰ ਚੁੱਕੇ ਹਨ।
ਜ਼ੀ ਪੰਜਾਬੀ ਦੇ ਚੈਟ ਸ਼ੋਅ ‘ਜਜ਼ਬਾ’ ਨਾਲ ਜੱਸੀ ਗਿੱਲ ਨੇ ਟੀ. ਵੀ. ਦੀ ਦੁਨੀਆ ’ਚ ਰੱਖਿਆ ਕਦਮ
NEXT STORY