ਓਟਾਵਾ- ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਕੈਨੇਡਾ ਲਈ ਆਪਣੀ ਜਾਨ ਦੀ ਪਰਵਾਹ ਨਾ ਕਰਨ ਵਾਲੇ ਫ਼ੌਜੀਆਂ ਦੀ ਯਾਦ ਵਿਚ ਰੀਮੈਂਬਰੈਂਸ ਡੇਅ ਭਾਵ ਯਾਦਗਾਰੀ ਦਿਹਾੜਾ ਮਨਾਉਣ ਜਾ ਰਿਹਾ ਹੈ। ਇਸ ਵਾਰ ਬੁੱਧਵਾਰ ਨੂੰ ਇਹ ਦਿਹਾੜਾ ਮਨਾਇਆ ਜਾਵੇਗਾ ਪਰ ਕੋਰੋਨਾ ਵਾਇਰਸ ਦੇ ਖ਼ਤਰੇ ਕਾਰਨ ਇਸ ਵਾਰ ਜਸ਼ਨ ਉਸ ਪੱਧਰ ਤੱਕ ਸ਼ਾਇਦ ਨਾ ਹੋਵੇ।
ਕੈਨੇਡਾ ਵਿਚ ਕੋਰੋਨਾ ਦੇ ਮਾਮਲੇ ਲਗਾਤਾਰ ਜਾਰੀ ਹਨ। ਕੈਨੇਡਾ ਲਈ ਲੜਦੇ ਕਈ ਫ਼ੌਜੀ ਆਪਣੇ ਸਰੀਰ ਦੇ ਅੰਗ ਗੁਆ ਬੈਠਦੇ ਹਨ ਤੇ ਉਨ੍ਹਾਂ ਦੇ ਇਸ ਜਜ਼ਬੇ ਨੂੰ ਸਲਾਮੀ ਦੇਣ ਲਈ ਕੈਨੇਡਾ ਇਹ ਦਿਹਾੜਾ ਸ਼ਾਨ ਨਾਲ ਮਨਾਉਂਦਾ ਹੈ। ਬਹੁਤੇ ਫ਼ੌਜੀ ਹੱਥ-ਪੈਰ ਨਾ ਹੋਣ ਦੇ ਬਾਵਜੂਦ ਵੀ ਖੇਡਾਂ ਵਿਚ ਹਿੱਸਾ ਲੈ ਕੇ ਦੂਜਿਆਂ ਦਾ ਹੌਂਸਲਾ ਵਧਾਉਂਦੇ ਹਨ। ਫਿਲਹਾਲ ਕੋਰੋਨਾ ਕਾਰਨ ਕਈ ਯੋਧੇ ਮਾਨਸਿਕ ਪ੍ਰੇਸ਼ਾਨੀ ਵਿਚੋਂ ਲੰਘ ਰਹੇ ਹਨ।
ਕੋਰੋਨਾ ਕਾਰਨ ਬਹੁਤੇ ਡਾਕਟਰਾਂ ਦਾ ਧਿਆਨ ਕੋਰੋਨਾ ਪੀੜਤਾਂ ਵੱਲ ਹੋ ਗਿਆ ਹੈ ਤੇ ਇਨ੍ਹਾਂ ਲੋਕਾਂ ਨੂੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਕਈਆਂ ਨੇ ਤਾਂ ਇਸ ਪ੍ਰੇਸ਼ਾਨੀ ਲਈ ਸੰਘੀ ਸਰਕਾਰ ਤੱਕ ਪਹੁੰਚ ਕੀਤੀ ਹੈ। ਬਹੁਤ ਸਾਰੇ ਬਜ਼ੁਰਗ ਜੋ ਲੰਬੇ ਸਮੇਂ ਤੋਂ ਕੇਅਰ ਹੋਮਜ਼ ਵਿਚ ਸਨ, ਉਹ ਵੀ ਕੋਰੋਨਾ ਕਾਰਨ ਆਪਣੀ ਜਾਨ ਗੁਆ ਚੁੱਕੇ ਹਨ।
ਕੇਅਰ ਹੋਮਜ਼ ਵਿਚ ਰਹਿ ਰਹੇ ਫ਼ੌਜੀ ਕੋਰੋਨਾ ਕਾਰਨ ਉਹ ਆਪਣੇ ਦੋਸਤਾਂ-ਮਿੱਤਰਾਂ ਤੇ ਹੋਰ ਚੰਗੇ ਸਾਥੀਆਂ ਨੂੰ ਵੀ ਨਹੀਂ ਮਿਲ ਸਕਦੇ। ਕਈ ਵਾਰ ਉਹ ਆਪਣੀ ਪ੍ਰੇਸ਼ਾਨੀ ਦੇ ਹੱਲ ਲਈ ਆਨਲਾਈਨ ਕੌਂਸਲਿੰਗ ਦਾ ਸਹਾਰਾ ਲੈਂਦੇ ਹਨ। ਵੈਟੇਰਨਰਜ਼ ਅਫੇਅਰ ਮੁਤਾਬਕ ਲਾਂਗ ਟਾਈਮ ਕੇਅਰ ਹੋਮ ਵਿਚ ਰਹਿਣ ਵਾਲੇ ਕਈ ਵੈਟਰਨਰ ਕੋਰੋਨਾ ਦੇ ਸ਼ਿਕਾਰ ਹੋਏ ਤੇ ਕਈਆਂ ਦੀ ਮੌਤ ਹੋ ਚੁੱਕੀ ਹੈ।
ਸਕਾਟਲੈਂਡ : ਜੇਲ੍ਹ ਦੇ ਗਾਰਡ ਦੀ ਕਾਰ ਨੂੰ ਲਾਈ ਗਈ ਅੱਗ
NEXT STORY