ਵਾਰਸਾ (ਏਜੰਸੀ)- ਵਿਦੇਸ਼ ਮੰਤਰੀ ਐੱਸ. ਜੈਸ਼ੰਕਰ ਨੇ ਸ਼ਨੀਵਾਰ ਨੂੰ ਵਾਰਸਾ ’ਚ 2 ਯਾਦਗਾਰਾਂ ਦਾ ਦੌਰਾ ਕੀਤਾ। ਇਹ ਯਾਦਗਾਰਾਂ ਦੂਜੀ ਵਿਸ਼ਵ ਜੰਗ ਦੌਰਾਨ ਪੋਲਿਸ਼ ਸ਼ਰਨਾਰਥੀਆਂ ਨੂੰ ਆਸਰਾ ਦੇਣ ’ਚ ਭਾਰਤ ਦੀ ਮਨੁੱਖਤਾਵਾਦੀ ਭੂਮਿਕਾ ਦੀ ਯਾਦ ਦਿਵਾਉਂਦੀਆਂ ਹਨ ਅਤੇ ਉਸ ਘੱਟ ਜਾਣੇ-ਪਛਾਣੇ ਅਧਿਆਏ ਨੂੰ ਉਜਾਗਰ ਕਰਦੀਆਂ ਹਨ, ਜਿਸ ਨੇ ਦੋਵਾਂ ਦੇਸ਼ਾਂ ਵਿਚਾਲੇ ਡੂੰਘੇ ਸਬੰਧਾਂ ਨੂੰ ਆਕਾਰ ਦਿੱਤਾ ਹੈ।
ਜੈਸ਼ੰਕਰ ਨੇ ਸ਼ੁੱਕਰਵਾਰ ਨੂੰ ਪੋਲੈਂਡ ਦੇ ਉਪ-ਪ੍ਰਧਾਨ ਮੰਤਰੀ ਅਤੇ ਵਿਦੇਸ਼ ਮੰਤਰੀ ਰਾਡੋਸਲਾਵ ਸਿਕੋਰਸਕੀ ਨਾਲ ਵਿਆਪਕ ਗੱਲਬਾਤ ਤੋਂ ਇਕ ਦਿਨ ਬਾਅਦ ਯਾਦਗਾਰਾਂ ਦਾ ਦੌਰਾ ਕੀਤਾ।
ਇਸ ਗੱਲਬਾਤ ’ਚ ਵਪਾਰ ਅਤੇ ਨਿਵੇਸ਼, ਸੁਰੱਖਿਆ, ਪੁਲਾੜ, ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏ. ਆਈ.), ਸੈਮੀਕੰਡਕਟਰ, ਊਰਜਾ ਅਤੇ ਸਪਲਾਈ ਲੜੀ ਦੀ ਮਜ਼ਬੂਤੀ ਵਰਗੇ ਮੁੱਦਿਆਂ ’ਤੇ ਚਰਚਾ ਹੋਈ। ਉਨ੍ਹਾਂ ਨੇ ਵੀਰਵਾਰ ਨੂੰ ਕੀਵ ਦਾ ਦੌਰਾ ਕੀਤਾ, ਜਿੱਥੇ ਉਨ੍ਹਾਂ ਨੇ ਯੂਕ੍ਰੇਨ ਦੇ ਚੋਟੀ ਦੇ ਨੇਤਾਵਾਂ ਨਾਲ ਗੱਲਬਾਤ ਕੀਤੀ ਸੀ।
ਨਵਾਨਗਰ ਦੇ ਮਹਾਰਾਜਾ ਦਿਗਵਿਜੇਸਿੰਘਜੀ ਰਣਜੀਤਸਿੰਘਜੀ ਜਡੇਜਾ ਦੀ ਯਾਦਗਾਰ ’ਤੇ ਜੈਸ਼ੰਕਰ ਨੇ ਉਨ੍ਹਾਂ ਸ਼ਬਦਾਂ ਨੂੰ ਯਾਦ ਕੀਤਾ ਜਿਨ੍ਹਾਂ ਨਾਲ ਭਾਰਤੀ ਸ਼ਾਸਕ ਨੇ ਜੰਗ ਦੀ ਤਬਾਹੀ ਤੋਂ ਬਚ ਕੇ ਆਏ ਪੋਲਿਸ਼ ਬੱਚਿਆਂ ਦਾ ਸਵਾਗਤ ਕੀਤਾ ਸੀ: ‘ਮੈਂ ਬਾਪੂ ਹਾਂ, ਨਵਾਨਗਰ ਦੇ ਸਾਰੇ ਲੋਕਾਂ ਦਾ ਪਿਤਾ, ਜਿਸ ’ਚ ਤੁਸੀਂ ਸਾਰੇ ਵੀ ਸ਼ਾਮਲ ਹੋ।’ ਜੈਸ਼ੰਕਰ ਨੇ ‘ਐਕਸ’ ’ਤੇ ਇਕ ਪੋਸਟ ’ਚ ਕਿਹਾ ਕਿ ਜਡੇਜਾ ਨੂੰ ‘ਦੂਜੀ ਵਿਸ਼ਵ ਜੰਗ ਦੌਰਾਨ 1000 ਪੋਲਿਸ਼ ਬੱਚਿਆਂ ਦੀ ਦੇਖਭਾਲ ਕਰਨ ਲਈ ਪਿਆਰ ਨਾਲ ਯਾਦ ਕੀਤਾ ਜਾਂਦਾ ਹੈ’ ਅਤੇ ‘ਉਨ੍ਹਾਂ ਦੀ ਨਰਮ ਦਿਲੀ ਅਤੇ ਹਮਦਰਦੀ ਭਾਰਤ ਅਤੇ ਪੋਲੈਂਡ ਵਿਚਾਲੇ ਇਕ ਸਥਾਈ ਪੁਲ ਬਣੀ ਹੋਈ ਹੈ।’
ਯੂਕਰੇਨ ਪਹੁੰਚੇ ਅਮਰੀਕੀ ਰਾਜਦੂਤ ਵਿਟਕੌਫ ਅਤੇ ਕੁਸ਼ਨਰ
NEXT STORY 
