ਈਡਨਬਰਗ (ਬਿਊਰੋ)— ਸਕਾਟਲੈਂਡ ਦਾ ਇਕ ਦਿਲਚਸਪ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਇਕ ਐਂਟੀਕ ਡੀਲਰ ਨੇ ਸਾਲ 1964 ਵਿਚ 5 ਪੌਂਡ ਮਤਲਬ 439 ਰੁਪਏ ਦੇ ਕੇ ਸ਼ਤਰੰਜ ਦਾ ਇਕ ਮੋਹਰਾ ਖਰੀਦਿਆ ਸੀ। ਉਸ ਸਮੇਂ ਡੀਲਰ ਨੂੰ ਬਿਲਕੁੱਲ ਵੀ ਅੰਦਾਜ਼ਾ ਨਹੀਂ ਸੀ ਕਿ ਸਧਾਰਨ ਜਿਹਾ ਇਹ ਮੋਹਰਾ ਇੰਨਾ ਕੀਮਤੀ ਹੋਵੇਗਾ ਅਤੇ ਉਸ ਦੀ ਕਿਸਮਤ ਪਲਟ ਦੇਵੇਗਾ। ਡੀਲਰ ਨੂੰ ਹੈਰਾਨੀ ਉਦੋਂ ਹੋਈ ਜਦੋਂ ਉਸ ਨੂੰ ਪਤਾ ਚੱਲਿਆ ਕਿ ਸਿਰਫ 5 ਪੌਂਡ ਵਿਚ ਖਰੀਦੇ ਗਏ ਮੋਹਰੇ ਦੀ ਕੀਮਤ ਹੁਣ ਇਕ ਮਿਲੀਅਨ ਪੌਂਡ ਮਤਲਬ 8.7 ਕਰੋੜ ਰੁਪਏੇ ਹੋ ਗਈ ਹੈ।
ਅਸਲ ਵਿਚ ਇਹ ਮੋਹਰਾ ਹਾਥੀ ਦੰਦ ਦਾ ਬਣਿਆ ਹੋਇਆ ਹੈ ਜਿਸ ਨੂੰ ਲੁਈਸ ਵਾਰਡਰ ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ। ਡੀਲਰ ਦੇ ਖਰੀਦਣ ਦੇ ਬਾਅਦ ਇਹ ਮੋਹਰਾ 55 ਸਾਲ ਤੱਕ ਇਕ ਦਰਾਜ ਵਿਚ ਪਿਆ ਰਿਹਾ। ਹਾਲ ਹੀ ਵਿਚ ਇਸ ਨੂੰ ਸੋਦਬੀ ਆਕਸ਼ਨ ਹਾਊਸ ਲਿਆਇਆ ਗਿਆ, ਜਿੱਥੇ ਇਸ ਦੀ ਬੋਲੀ ਇਕ ਮਿਲੀਅਨ ਪੌਂਡ ਤੱਕ ਲੱਗ ਚੁੱਕੀ ਹੈ। ਇਸ ਨੂੰ 2 ਜੁਲਾਈ ਨੂੰ ਨੀਲਾਮ ਕੀਤਾ ਜਾਵੇਗਾ।
ਜ਼ਿਕਰਯੋਗ ਹੈ ਕਿ ਲੰਡਨ ਵਿਚ 12 ਵੀਂ ਸਦੀ ਦੇ ਆਖਿਰ ਵਿਚ ਲੁਈਸ ਵੈਸਮੈਨ ਨਾਮ ਨਾਲ ਕੁਝ ਕੀਮਤੀ ਸ਼ਤਰੰਜ ਦੇ ਮੋਹਰੇ ਬਣਾਏ ਗਏ ਸਨ। ਸਾਲ 1831 ਵਿਚ ਅਜਿਹੇ 93 ਮੋਹਰੇ ਸਕਾਟਲੈਂਡ ਦੇ ਲੁਈਸ ਟਾਪੂ 'ਤੇ ਮਿਲੇ ਸਨ। ਇਨ੍ਹਾਂ ਵਿਚੋਂ 82 ਲੰਡਨ ਦੇ ਬ੍ਰਿਟਿਸ਼ ਮਿਊਜ਼ੀਅਮ ਅਤੇ 11 ਈਡਨਬਰਗ ਵਿਚ ਰੱਖੇ ਹੋਏ ਹਨ। ਇਸ ਸੈੱਟ ਵਿਚ 5 ਮੋਹਰੇ ਲਾਪਤਾ ਦੱਸੇ ਜਾਂਦੇ ਰਹੇ ਹਨ। ਇਨ੍ਹਾਂ ਵਿਚ ਇਕ ਨਾਈਟ ਮਤਲਬ ਘੋੜਾ ਅਥੇ ਚਾਰ ਵਾਰਡਰ ਮਤਲਬ ਜੇਲਰ ਹਨ। ਇਹ ਮੋਹਰਾ ਉਨ੍ਹਾਂ ਲਾਪਤਾ ਮੋਹਰਾਂ ਵਿਚੋਂ ਇਕ ਹੈ।
ਪਿਘਲਦੇ ਗਲੇਸ਼ੀਅਰ ਅਲਾਸਕਾ ਟੂਰ ਸੰਚਾਲਕਾਂ ਲਈ ਬਣੇ ਨਵੇਂ ਬਾਜ਼ਾਰ
NEXT STORY