ਇੰਟਰਨੈਸ਼ਨਲ ਡੈਸਕ: ਅਮਰੀਕਾ 'ਚ ਇਮੀਗ੍ਰੇਸ਼ਨ ਨੂੰ ਲੈ ਕੇ ਪਹਿਲਾਂ ਤੋਂ ਚੱਲ ਰਹੀ ਬਹਿਸ 'ਚ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਡੈਮੋਕਰੇਟ ਸੰਸਦ ਮੈਂਬਰ ਇਲਹਾਨ ਓਮਰ 'ਤੇ ਆਪਣੇ ਹਮਲੇ ਹੋਰ ਵੀ ਤੇਜ਼ ਕਰ ਦਿੱਤੇ ਹਨ। ਵਾਈਟ ਹਾਊਸ ਦੇ ਬਾਹਰ ਹੋਈ ਗੋਲੀਬਾਰੀ , ਜਿਸ 'ਚ ਦੋਸ਼ੀ ਅਫਗਾਨਿਸਤਾਨ ਦਾ ਦੱਸਿਆ ਗਿਆ ਹੈ, ਦੇ ਬਾਅਦ ਟਰੰਪ ਨੇ ਇਸਨੂੰ ਆਧਾਰ ਬਣਾ ਕੇ ਸਖਤ ਇਮੀਗ੍ਰੇਸ਼ਨ ਸ਼ੁਰੂ ਕਰ ਦਿੱਤਾ ਹੈ। ਜਿਸਦੇ ਤਹਿਤ ਉਨ੍ਹਾਂ ਓਮਰ ਨੂੰ ਵਿਅਕਤੀਗਤ ਅਤੇ ਧਾਰਮਿਕ ਤੌਰ 'ਤੇ ਨਿਸ਼ਾਨਾ ਬਣਾਇਆ।
ਕੀ ਕਿਹਾ ਟਰੰਪ ਨੇ ?
ਟਰੰਪ ਨੇ ਆਪਣੇ ਸ਼ੋਸ਼ਲ ਮੀਡੀਆ ਪਲੇਟਫਾਰਮ 'ਟਰੁੱਥ ਸ਼ੋਸ਼ਲ' 'ਤੇ ਪੋਸਟ ਕਰਕੇ ਇਲਹਾਨ ਓਮਰ ਅਤੇ ਮਿਨੇਸੋਟਾ ਦੇ ਗਵਰਨਰ ਟਿਮ ਵਾਲਜ਼ 'ਤੇ ਤਿੱਖਾ ਹਮਲਾ ਕੀਤਾ। ਉਨ੍ਹਾਂ ਵਾਲਜ਼ ਨੂੰ ''seriously retarded'' ਕਿਹਾ। ਓਮਰ 'ਤੇ ਅਮਰੀਕਾ ਨੂੰ 'ਨਫਰਤ' ਕਰਨ ਦਾ ਦੋਸ਼ ਲਗਾਇਆ ਗਿਆ। ਇਸ ਤੋਂ ਇਲਾਵਾ ਓਮਰ ਦੇ ਹਿਜਾਬ ਪਹਿਨਣ 'ਤੇ ਵੀ ਟਿੱਪਣੀ ਕੀਤੀ ਅਤੇ ਦਾਅਵਾ ਕੀਤਾ ਕਿ ਉਹ "ਪੱਛੜੇ ਹੋਏ, ਅਰਾਜਕਤਾ ਅਤੇ ਅਪਰਾਧ ਨਾਲ ਭਰੇ" ਦੇਸ਼ ਤੋਂ ਆਈ ਹੈ। ਟਰੰਪ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਓਮਰ ਨੇ ਕਥਿਤ ਤੌਰ 'ਤੇ ਆਪਣੇ ਹੀ ਭਾਈ ਨਾਲ ਵਿਆਹ ਕੀਤਾ ਸੀ। ਹਾਲਾਂਕਿ ਇਸ ਦਾਅਵੇ ਨੂੰ ਕਈ ਵਾਰ ਤੱਥ-ਜਾਂਚਕਰਤਾਵਾਂ ਦੁਆਰਾ ਝੂਠਾ ਅਤੇ ਅਪ੍ਰਮਾਣਿਤ ਘੋਸ਼ਿਤ ਕੀਤਾ ਗਿਆ ਹੈ। ਟਰੰਪ ਨੇ ਨਾਲ ਹੀ ਇਹ ਵੀ ਕਿਹਾ ਕਿ ਉਹ 'ਥਰਡ ਵਰਲਡ ਦੇਸ਼ਾਂ' ਤੋਂ ਆਉਣ ਵਾਲੇ ਪ੍ਰਵਾਸੀਆਂ 'ਤੇ ਸਥਾਈ ਪਾਬੰਦੀ ਲਗਾਉਣਗੇ।
ਕੌਣ ਹਨ ਇਲਹਾਨ ਓਮਰ ?
ਇਲਹਾਨ ਓਮਰ ਸੋਮਾਲੀਆ ਦੀ ਵਸਨੀਕ ਹੈ। 1995 'ਚ ਉਹ ਅਮਰੀਕਾ ਆ ਗਈ। ਸਾਲ 2000 'ਚ ਉਸਨੇ ਅਮਰੀਕੀ ਨਾਗਰਿਕਤਾ ਹਾਸਿਲ ਕੀਤੀ। 2018 'ਚ ਪਹਿਲੀ ਵਾਰ ਕਾਂਗਰਸ ਲਈ ਚੁਣੀ ਗਈ ਅਤੇ ਹੁਣ ਉਹ ਚੌਥੀ ਟਰਮ 'ਚ ਹੈ। ਉਹ ਅਮਰੀਕਾ ਦੀ ਪ੍ਰਮੁੱਖ ਪ੍ਰਗਤੀਸ਼ੀਲ (ਪ੍ਰੋਗਰੈਸਿਵ) ਨੇਤਾਵਾਂ ਵਿਚੋਂ ਇਕ ਹੈ।
ਭਾਈ ਨਾਲ ਵਿਆਹ 'ਤੇ ਚੱਲ ਰਿਹਾ ਵਿਵਾਦ
2016 'ਚ ਕੱਟੜਪੰਥੀ ਅਤੇ ਦੱਖਣਪੰਥੀ ਸਮੂਹ ਇਹ ਅਫਵਾਹ ਉਡਾਉਂਦੇ ਰਹੇ ਕਿ ਓਮਰ ਨੇ ਇਮੀਗ੍ਰੇਸ਼ਨ ਫਰਾਡ ਲਈ ਆਪਣੇ ਹੀ ਭਾਈ ਨਾਲ ਵਿਆਹ ਕੀਤਾ ਸੀ, ਪ੍ਰੰਤੂ ਇਸਦਾ ਕਦੇ ਕੋਈ ਸਬੂਤ ਨਹੀਂ ਮਿਲਿਆ। ਕਈ ਜਾਚਾਂ ਅਤੇ ਰਿਪੋਰਟਾਂ ਨੇ ਇਸਨੂੰ ਝੂਠ ਵੀ ਦੱਸਿਆ। ਫਿਰ ਵੀ ਇਹ ਦਾਅਵਾ ਸਮੇਂ-ਸਮੇਂ 'ਤੇ ਟਰੰਪ ਅਤੇ ਉਨ੍ਹਾਂ ਦੇ ਸਮਰਥਕਾਂ ਵੱਲੋਂ ਸਮੇਂ-ਸਮੇਂ 'ਤੇ ਉਠਾਇਆ ਜਾਂਦਾ ਰਿਹਾ ਹੈ।
ਟਰੰਪ ਦੀਆਂ ਟਿੱਪਣੀਆਂ 'ਤੇ ਓਮਰ ਦੀ ਪ੍ਰਤੀਕਿਰਿਆ
ਟਰੰਪ ਨੇ ਪਹਿਲਾਂ ਵੀ ਕਈ ਵਾਰ ਕਿਹਾ ਕਿ ਓਮਰ ਆਪਣੇ ਦੇਸ਼ ਸੋਮਾਲੀਆ ਵਾਪਿਸ ਚਲੀ ਜਾਵੇ। ਉਨ੍ਹਾਂ ਸਤੰਬਰ ਮਹੀਨੇ 'ਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਇਹ ਦਾਅਵਾ ਕਰਦਿਆਂ ਦੋਸ਼ ਲਗਾਇਆ ਕਿ ਸੋਮਾਲੀਆ ਦੇ ਰਾਸ਼ਟਰਪਤੀ ਓਮਰ ਨੂੰ ਵਾਪਿਸ ਨਹੀਂ ਲੈਣਾ ਚਾਹੁੰਦੇ। ਇਲਹਾਨ ਓਮਰ ਨੇ ਇਨ੍ਹਾਂ ਧਮਕੀਆਂ 'ਤੇ ਟਿੱਪਣੀ ਕਰਦਿਆਂ ਕਿਹਾ ਕਿ ਮੈਨੂੰ ਕੋਈ ਡਰ ਨਹੀਂ ਹੈ। ਮੈਨੂੰ ਨਹੀਂ ਲੱਗਦਾ ਕਿ ਮੇਰੇ ਤੋਂ ਕੋਈ ਮੇਰੀ ਨਾਗਰਿਕਤਾ ਖੋਹ ਕੇ ਮੈਨੂੰ ਦੇਸ਼ ਤੋਂ ਬਾਹਰ ਕਰ ਸਕਦਾ ਹੈ। ਮੈਂ ਕੋਈ 8 ਸਾਲ ਦੀ ਬੱਚੀ ਨਹੀਂ ਜੋ ਯੁੱਧ ਤੋਂ ਭੱਜ ਕੇ ਆਈ ਹਾਂ। ਮੈਂ ਜਿੱਥੇ ਜਾਣਾ ਚਾਹਵਾਂ, ਉਥੇ ਜਾ ਸਕਦੀ ਹਾਂ।
ਹਾਂਗਕਾਂਗ : ਬਹੁ-ਮੰਜ਼ਿਲਾ ਰਿਹਾਇਸ਼ੀ ਇਮਾਰਤ ’ਚ ਅੱਗ ਲੱਗਣ ਦੇ ਮਾਮਲੇ ’ਚ 8 ਗ੍ਰਿਫ਼ਤਾਰ
NEXT STORY 
