ਮਿਸ਼ੀਗਨ— ਅਮਰੀਕਾ 'ਚ ਇਕ ਅਜਿਹੇ ਪ੍ਰੇਮੀ ਨੂੰ 100 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ, ਜਿਸ ਨੇ ਆਪਣੀ ਪ੍ਰੇਮਿਕਾ ਦਾ ਕਤਲ ਕਰਕੇ ਉਸ ਦੀ ਲਾਸ਼ ਦੇ ਟੁਕੜੇ-ਟੁਕੜੇ ਕਰ ਦਿੱਤੇ ਸਨ। ਇਹ ਮਾਮਲਾ ਅਮਰੀਕਾ ਦੇ ਮਿਸ਼ੀਗਨ 'ਚ ਗ੍ਰੈਂਡ ਰੈਪਿਡਸ ਦਾ ਸੀ। ਜੱਜ ਨੇ ਫੈਸਲਾ ਸੁਣਾਉਂਦੇ ਹੋਏ ਕਿਹਾ ਕਿ ਇਹ ਅਜਿਹਾ ਮਾਮਲਾ ਹੈ, ਜਿਸ 'ਚ ਉਹ ਦੋਸ਼ੀ ਨੂੰ ਉਨਾਂ ਹੀ ਤੜਫਾਉਣਾ ਚਾਹੁੰਦੇ ਹਨ, ਜਿੰਨਾਂ ਉਸ ਨੇ ਪੀੜਤਾ ਨੂੰ ਤੜਫਾਇਆ।
![PunjabKesari](https://static.jagbani.com/multimedia/15_41_2848914321-ll.jpg)
ਗੈਂ੍ਰਡ ਰੈਪਿਡਸ ਦੀ ਕੈਂਟ ਕਾਊਂਟੀ ਸਰਕਿਟ ਕੋਰਟ 'ਚ 10 ਅਕਤੂਬਰ ਨੂੰ ਜੈਰੇਟ ਚਾਂਸ ਨੂੰ 31 ਸਾਲ ਦੀ ਐਸ਼ਲੇ ਯੰਗ ਦੇ ਕਤਲ ਦੇ ਮਾਮਲੇ 'ਚ 100 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ। ਚਾਂਸ ਸੈਕੇਂਡ ਡਿਗਰੀ ਕਤਲ ਤੇ ਫਿਰ ਸਰੀਰ ਨੂੰ ਪੂਰੀ ਤਰ੍ਹਾਂ ਖੁਰਦ-ਪੁਰਦ ਕਰਨ ਦਾ ਦੋਸ਼ੀ ਹੈ। ਉਸ ਨੇ ਆਪਣੇ ਫ੍ਰੈਂਕਫਿਟ ਸਟ੍ਰੀਟ ਦੇ ਐੱਸ.ਈ. ਅਪਾਰਟਮੈਂਟ 'ਚ ਯੰਗ ਦਾ ਕਤਲ ਕੀਤਾ ਸੀ। ਯੰਗ, ਚਾਂਸ ਨਾਲ ਮਿਲਣ ਆਈ ਸੀ ਤਦ ਚਾਂਸ ਨੇ ਉਸ ਦੀ ਹੱਤਿਆ ਕਰ ਦਿੱਤੀ ਸੀ। ਯੰਗ ਦੀਆਂ ਬਾਹਾਂ ਤੇ ਪੈਰ ਇਕ ਡਿੱਬੇ 'ਚ ਮਿਲੇ ਸਨ ਤੇ ਉਸ ਦਾ ਸਿਰ, ਹੱਥ ਅਜੇ ਤੱਕ ਪੁਲਸ ਨੂੰ ਨਹੀਂ ਮਿਲੇ ਹਨ। ਅਪਾਰਟਮੈਂਟ ਦੀ ਬੇਸਮੈਂਟ 'ਚ ਪੁਲਸ ਨੂੰ ਯੰਗ ਦਾ ਧੜ ਇਕ ਲਿਫਾਫੇ 'ਚ ਲਿਪਟਿਆ ਹੋਇਆ 2 ਦਸੰਬਰ ਨੂੰ ਮਿਲਿਆ ਸੀ।
![PunjabKesari](https://static.jagbani.com/multimedia/15_42_1722231102-ll.jpg)
ਚਾਂਸ ਨੇ ਪੁਲਸ ਨੂੰ ਦੱਸਿਆ ਸੀ ਕਿ ਘਟਨਾ ਵਾਲੇ ਦਿਨ ਉਹ ਆਪਣੇ ਮਾਤਾ-ਪਿਤਾ ਨਾਲ ਹਾਲੈਂਡ 'ਚ ਸੀ। ਉਹ ਅਜੇ ਤੱਕ ਪੁਲਸ ਨੂੰ ਇਹ ਦੱਸਦਾ ਆ ਰਿਹਾ ਸੀ ਕਿ ਉਸ ਦੇ ਪਿਤਾ ਇਕ ਪੁਲਸ ਅਧਿਕਾਰੀ ਹਨ ਤੇ ਪੁਲਸ ਉਸ ਦਾ ਕੁਝ ਨਹੀਂ ਵਿਗਾੜ ਸਕਦੀ। ਉਧਰ ਐਸ਼ਲੇ ਦੀ ਮਾਂ ਬੇਟੀ ਦੇ ਨਾ ਮਿਲਣ ਕਾਰਨ ਬਹੁਤ ਪਰੇਸ਼ਾਨ ਸੀ। ਉਹ ਵਾਰ-ਵਾਰ ਆਪਣੀ ਬੇਟੀ ਨੂੰ ਮੈਸੇਜ ਕਰ ਰਹੀ ਸੀ ਪਰ ਕੋਈ ਜਵਾਬ ਨਹੀਂ ਮਿਲ ਰਿਹਾ ਸੀ। ਇਸ ਤੋਂ ਬਾਅਦ ਐਸ਼ਲੇ ਦੀ ਮਾਂ ਨੇ ਪੁਲਸ ਨੂੰ ਸੰਪਰਕ ਕੀਤਾ। ਉਹ ਜਾਣਦੀ ਸੀ ਕਿ ਉਸ ਦੀ ਬੇਟੀ ਜੈਰੇਟ ਨੂੰ ਮਿਲਣ ਵਾਲੀ ਸੀ। ਜੈਰੇਟ ਆਪਣੇ ਘਰ ਇਕ ਵੱਡਾ ਬਕਸਾ ਤੇ ਪਲਾਸਟਿਕ ਦੇ ਬੈਗ ਲੈ ਕੇ ਆਇਆ ਸੀ ਪਰ ਇਸ ਦੇ ਬਾਵਜੂਦ ਉਸ ਨੂੰ ਕਿਸੇ ਨੇ ਸਵਾਲ ਨਹੀਂ ਕੀਤਾ। ਪੁਲਸ ਨੂੰ ਇਹ ਬਕਸਾ ਜੈਰੇਟ ਦੀ ਬੇਸਮੈਂਟ 'ਚੋਂ ਮਿਲਿਆ ਸੀ ਤੇ ਪੁਲਸ ਦਾ ਸ਼ੱਕ ਜੈਰੇਟ 'ਤੇ ਹੋਰ ਗਹਿਰਾ ਹੋ ਗਿਆ। ਮਾਰੀਓ ਨਾਂ ਦੇ ਇਕ ਵਿਅਕਤੀ ਨੇ ਸਭ ਤੋਂ ਪੁਲਸ ਨੂੰ ਫੋਨ ਕੀਤਾ ਸੀ ਤੇ ਮਾਰੀਓ ਨੇ ਦੱਸਿਆ ਕਿ ਜੈਰੇਟ ਦੀ ਬੇਸਮੈਂਟ 'ਚੋਂ ਬਹੁਤ ਬਦਬੂ ਆ ਰਹੀ ਹੈ।
ਜਦੋਂ ਪੁਲਸ ਨੇ ਬੇਸਮੈਂਟ 'ਚ ਜਾ ਕੇ ਦੇਖਿਆ ਤਾਂ ਬੇਸਮੈਂਟ 'ਚ ਖੂਨ ਹੀ ਖੂਨ ਸੀ ਤੇ ਉਹ ਬਹੁਤ ਘਬਰਾ ਗਏ। ਜੱਜ ਮਾਰਕ ਟੁਸੋਕ ਨੇ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਜਦੋਂ ਤੱਕ ਜੈਰੇਟ ਦੀ ਉਮਰ 130 ਸਾਲ ਦੀ ਨਹੀਂ ਹੋ ਜਾਂਦੀ ਉਦੋਂ ਤੱਕ ਉਨ੍ਹਾਂ ਨੂੰ ਪੇਰੋਲ ਨਾ ਦਿੱਤੀ ਜਾਵੇ। ਉਨ੍ਹਾਂ ਕਿਹਾ ਕਿ ਜੈਰੇਟ ਨੇ ਇਕ ਅਜਿਹਾ ਅਪਰਾਧ ਕੀਤਾ ਹੈ ਜੋ ਸਾਰੀਆਂ ਹੱਦਾਂ ਤੋਂ ਬਾਹਰ ਸੀ। ਉਸ ਨੇ ਯੰਗ ਦੀ ਮਾਂ ਨੂੰ ਝੂਠ ਬੋਲਿਆ ਤੇ ਇਹ ਜਾਣਦੇ ਹੋਏ ਕਿ ਉਹ ਆਪਣੀ ਬੇਟੀ ਦੇ ਜਾਣ ਦੇ ਦੁੱਖ ਨਾਲ ਪਰੇਸ਼ਾਨ ਹਨ ਬਾਵਜੂਦ ਇਸ ਦੇ ਆਪਣੇ ਅਪਰਾਧ ਨੂੰ ਲੁਕਾਇਆ।
ਨੋਬਲ ਪੁਰਸਕਾਰ 2019: ਇਥੋਪੀਆ ਦੇ ਪੀ.ਐੱਮ ਨੂੰ ਮਿਲਿਆ ਸ਼ਾਂਤੀ ਦਾ ਨੋਬਲ ਪੁਰਸਕਾਰ
NEXT STORY