ਇਸਲਾਮਾਬਾਦ (ਭਾਸ਼ਾ)- ਪਾਕਿਸਤਾਨ ਦੀਆਂ ਚੋਣਾਂ ਇਤਿਹਾਸ ਵਿਚ ਪਹਿਲੀ ਵਾਰ ਖੈਬਰ ਪਖਤੂਨਖਵਾ ਅਤੇ ਪੰਜਾਬ ਸੂਬੇ ਦੇ ਸੱਤਾਧਾਰੀ ਇਲਾਕਿਆਂ ਦੀਆਂ ਔਰਤਾਂ ਨੇ ਆਮ ਚੋਣਾਂ ਵਿਚ ਵੋਟਿੰਗ ਕੀਤੀ ਹੈ। ਨਿਊਜ਼ ਪੇਪਰ ਦਿ ਡਾਨ ਨੇ ਆਪਣੀ ਇਕ ਰਿਪੋਰਟ ਵਿਚ ਇਹ ਜਾਣਕਾਰੀ ਦਿੱਤੀ। ਇਸ ਵਿਚ ਕਿਹਾ ਗਿਆ ਹੈ ਕਿ ਅੱਤਵਾਦੀ ਹਮਲਿਆਂ ਅਤੇ ਲਗਾਤਾਰ ਧਮਾਕਿਆਂ ਦੇ ਬਾਵਜੂਦ ਅਸ਼ਾਂਤ ਬਲੋਚਿਸਤਾਨ ਵਿਚ ਵੀ ਕਲ ਔਰਤਾਂ ਵੱਡੀ ਗਿਣਤੀ ਵਿਚ ਵੋਟਿੰਗ ਲਈ ਨਿਕਲੀ। ਇਸ ਤੋਂ ਪਹਿਲਾਂ ਆਮ ਚੋਣਾਂ ਵਿਚ ਕਬਾਇਲੀ ਅਤੇ ਸੱਤਾਧਾਰੀ ਇਲਾਕਿਆਂ ਵਿਚ ਔਰਤਾਂ ਦੀ ਵੋਟਿੰਗ 'ਤੇ ਪਾਬੰਦੀ ਸੀ। ਇਨ੍ਹਾਂ ਇਲਾਕਿਆਂ ਵਿਚ ਔਰਤਾਂ ਨੂੰ ਵੋਟਿੰਗ ਤੋਂ ਦੂਰ ਰੱਖਣ ਲਈ ਉਮੀਦਵਾਰਾਂ ਅਤੇ ਪਰਿਵਾਰ ਦੇ ਮੁਖੀਆ ਵਿਚਾਲੇ ਇਕ ਲਿਖਿਤ ਅਤੇ ਮੌਖਿਕ ਸਮਝੌਤੇ ਦਾ ਨਿਯਮ ਸੀ। ਹਾਲਾਂਕਿ ਪਹਿਲੀ ਵਾਰ ਪਾਕਿਸਤਾਨੀ ਚੋਣ ਕਮਿਸ਼ਨ (ਈ.ਸੀ.ਪੀ.) ਨੇ 2015 ਵਿਚ ਦਿਰ ਲੋਵਰ ਉਪ ਚੋਣਾਂ ਦੇ ਨਤੀਜੇ ਨੂੰ ਇਹ ਕਹਿੰਦੇ ਹੋਏ ਰੱਦ ਕਰ ਦਿੱਤਾ ਸੀ ਕਿ ਇਕ ਵੀ ਰਜਿਸਟਰਡ ਔਰਤਾਂ ਨੇ ਇਸ ਵਿਚ ਵੋਟਿੰਗ ਨਹੀਂ ਕੀਤੀ ਹੈ। ਚੋਣ ਕਾਨੂੰਨ ਮੁਤਾਬਕ ਜੇਕਰ ਵਿਧਾਨ ਸਭਾ ਖੇਤਰ ਵਿਚ ਕਲ ਵੋਟਿੰਗ ਵਿਚ ਔਰਤਾਂ ਦੀ ਵੋਟਿੰਗ ਫੀਸਦੀ 10 ਤੋਂ ਘੱਟ ਹੈ ਤਾਂ ਈ.ਪੀ.ਸੀ. ਚੋਣਾਂ ਨੂੰ ਰੱਦ ਕਰ ਦੇਵੇਗਾ। ਈ.ਸੀ.ਪੀ. ਦੇ ਦਿਸ਼ਾ-ਨਿਰਦੇਸ਼ 'ਤੇ ਕਲ ਉਮੀਦਵਾਰਾਂ ਅਤੇ ਸਥਾਨਕ ਪ੍ਰਸ਼ਾਸਨ ਨੇ ਇਨ੍ਹਾਂ ਇਲਾਕਿਆਂ ਵਿਚ ਘੱਟੋ-ਘੱਟ 10 ਫੀਸਦੀ ਔਰਤਾਂ ਵੋਟਿੰਗ ਦੀ ਭਾਈਵਾਲੀ ਯਕੀਨੀ ਕੀਤੀ।
ਪਾਕਿ ਦੀ ਨਵੀਂ ਸਰਕਾਰ ਨਾਲ ਕੰਮ ਕਰਨ ਨੂੰ ਇਛੁੱਕ : ਚੀਨ
NEXT STORY