ਬਠਿੰਡਾ, (ਸੁਖਵਿੰਦਰ)- ਲਾਪਰਵਾਹੀ ਨਾਲ ਵਾਹਨ ਚਲਾਉਣ ਕਾਰਨ ਇਕ ਵਿਅਕਤੀ ਦੀ ਮੌਤ ਹੋ ਗਈ। ਪੁਲਸ ਨੇ ਵਾਹਨ ਚਾਲਕ ਖਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਜਾਣਕਾਰੀ ਅਨੁਸਾਰ ਮੱਖਣ ਲਾਲ ਵਾਸੀ ਗਨੇਸ਼ਾ ਬਸਤੀ ਨੇ ਪੁਲਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਦੱਸਿਆ ਕਿ ਉਸਦਾ ਭਾਣਜਾ ਅਵਤਾਰ ਗਰਗ ਸਕੂਟਰੀ ’ਤੇ ਨਹਿਰ ਵੱਲ ਜਾ ਰਿਹਾ ਸੀ। ਇਸ ਦੌਰਾਨ ਨਹਿਰ ਦੇ ਪੁਲ ’ਤੇ ਤੇਜ਼ ਰਫ਼ਤਾਰ ਬਲੈਰੋ ਚਾਲਕ ਯਸਪਾਲ ਵਾਸੀ ਬਠਿੰਡਾ ਨੇ ਸਕੂਟਰੀ ਨੂੰ ਟੱਕਰ ਮਾਰ ਦਿੱਤੀ। ਹਾਦਸੇ ਦੌਰਾਨ ਉਸਦੇ ਭਾਣਜੇ ਦੀ ਮੌਤ ਹੋ ਗਈ। ਉਨ੍ਹਾਂ ਕਿਹਾ ਕਿ ਮੁਲਜ਼ਮ ਨੇ ਲਾਪਰਵਾਹੀ ਨਾਲ ਉਸ ਨੂੰ ਟੱਕਰ ਮਾਰੀ ਹੈ। ਪੁਲਸ ਨੇ ਲਾਪਰਵਾਹੀ ਨਾਲ ਵਾਹਨ ਚਲਾਉਣ ’ਤੇ ਮੁਲਜ਼ਮ ਖਿਲਾਫ਼ ਮਾਮਲਾ ਦਰਜ ਕੀਤਾ ਹੈ।
ਬਾਦਲਾਂ ਨੂੰ ਹੁਣ ਲੋਕ ਕਚਹਿਰੀ ਤੋਂ ਬਾਅਦ ਕਾਨੂੰਨ ਦੀ ਕਚਹਿਰੀ 'ਚ ਦੇਣਾ ਪਵੇਗਾ ਜਵਾਬ: ਮਨਪ੍ਰੀਤ
NEXT STORY