ਜੈਪੁਰ— ਰਾਜਸਥਾਨ ਦੇ ਇਕ ਹਜ਼ਾਰ ਤੋਂ ਵਧ ਸੀ.ਏ. (ਚਾਰਟਰਡ ਅਕਾਊਂਟੈਂਟ) ਦੇਸ਼ 'ਚ ਆਰਥਿਕ ਮੰਦੀ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੂੰ ਪੋਸਟ ਕਾਰਡ ਭੇਜਣਗੇ। ਰਾਜਸਥਾਨ ਪ੍ਰਦੇਸ਼ ਕਾਂਗਰਸ ਕਮੇਟੀ ਦਾ ਸੀ.ਏ. ਸੈੱਲ ਦੇ ਪ੍ਰਧਾਨ ਸੀ.ਏ. ਵਿਜੇ ਗਰਗ ਨੇ ਦੱਸਿਆ ਕਿ ਅੱਜ ਯਾਨੀ ਸ਼ਨੀਵਾਰ ਨੂੰ ਇੱਥੇ ਸੰਪੰਨ ਸੀ.ਏ. ਸੈੱਲ ਦੇ ਅਹੁਦਾ ਅਧਿਕਾਰੀਆਂ ਦੀ ਬੈਠਕ 'ਚ ਇਹ ਫੈਸਲਾ ਲਿਆ ਗਿਆ। ਗਰਗ ਨੇ ਦੱਸਿਆ ਕਿ ਇਸ ਰਾਹੀਂ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਦਾ ਆਰਥਿਕ ਮੰਦੀ ਦੇ ਪ੍ਰਤੀ ਧਿਆਨ ਆਕਰਸ਼ਿਤ ਕੀਤਾ ਜਾਵੇਗਾ। ਉਨ੍ਹਾਂ ਨੇ ਦੱਸਿਆ ਕਿ ਇਨ੍ਹਾਂ ਪੋਸਟ ਕਾਰਡਾਂ 'ਤੇ ਭਾਜਪਾ ਦੀ ਗਲਤ ਆਰਥਿਕ ਨੀਤੀਆਂ ਕਾਰਨ ਜੋ ਆਰਥਿਕ ਮੰਦੀ ਆਈ ਹੈ, ਉਸ ਨੂੰ ਸਵੀਕਾਰ ਕਰਨ ਲਈ ਪੀ.ਐੱਮ. ਨੂੰ ਲਿਖਿਆ ਜਾਵੇਗਾ।
ਇਸ ਮੰਦੀ ਕਾਰਨ ਜੋ ਗਲਤ ਪ੍ਰਭਾਵ ਦੇਸ਼ ਦੇ ਲਘੁ ਅਤੇ ਮਾਈਕ੍ਰੋ ਉਦਯੋਗਾਂ 'ਤੇ, ਰੋਜ਼ਗਾਰ 'ਤੇ, ਕਿਸਾਨਾਂ 'ਤੇ, ਛੋਟੇ ਇਨਵੈਸਟਰਾਂ 'ਤੇ, ਉਦਯੋਗ-ਧੰਦਿਆਂ ਦੇ ਬੰਦ ਹੋਣ 'ਤੇ, ਸਰਕਾਰੀ ਫਿਜ਼ੂਲਖਰਚੀ ਨੂੰ ਘੱਟ ਕਰਨ, ਸਰਕਾਰੀ ਯੰਤਰਾਂ ਨੂੰ ਬਚਾਉਣ ਅਤੇ ਦੇਸ਼ 'ਚ ਨਿਵੇਸ਼ ਦਾ ਮਾਹੌਲ ਬਣੇ ਇਸ ਤਰ੍ਹਾਂ ਦੇ ਸੁਝਾਵਾਂ ਨੂੰ ਪੋਸਟ ਕਾਰਡ 'ਤੇ ਲਿਖ ਕੇ ਭੇਜਿਆ ਜਾਵੇਗਾ। ਉਨ੍ਹਾਂ ਨੇ ਦੱਸਿਆ ਕਿ 50 ਤੋਂ ਵਧ ਕਾਂਗਰਸ ਦੇ ਸੀ.ਏ. ਸੈੱਲ ਦੇ ਅਹੁਦਾ ਅਧਿਕਾਰੀ ਇਕੱਠੇ ਹੋ ਕੇ ਭੇਜੇ ਜਾਣ ਵਾਲੇ ਪੋਸਟ ਕਾਰਡ ਜਾਰੀ ਕਰ ਕੇ ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ। ਉਨ੍ਹਾਂ ਨੇ ਦੱਸਿਆ ਕਿ ਦੇਸ਼ 'ਚ ਪਹਿਲੀ ਵਾਰ ਪਿਛਲੇ ਲੰਬੇ ਸਮੇਂ ਤੋਂ ਚੱਲ ਰਹੀ ਆਰਥਿਕ ਮੰਦੀ 'ਤੇ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਧਿਆਨ ਆਕਰਸ਼ਿਤ ਕਰਵਾਉਣ ਲਈ ਇਸ ਤਰ੍ਹਾਂ ਦੇ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ ਜਾ ਹੀ ਹੈ। ਇਸ ਪ੍ਰੋਗਰਾਮ 'ਚ ਪਹਿਲੇ ਪੜਾਅ 'ਚ ਰਾਜਸਥਾਨ ਦੇ ਕਾਂਗਰਸ ਸੀ.ਏ. ਸੈੱਲ ਨਾਲ ਜੁੜੇ ਹੋਏ ਸੀ.ਏ. ਸਾਥੀ ਇਹ ਪੋਸਟ ਕਾਰਡ ਭੇਜਣਗੇ, ਇਸ ਦੇ ਬਾਵਜੂਦ ਜੇਕਰ ਕੇਂਦਰ ਦੀ ਭਾਜਪਾ ਸਰਕਾਰ ਨੇ ਆਰਥਿਕ ਨੀਤੀਆਂ 'ਚ ਸੁਧਾਰ ਕਰ ਕੇ ਮੰਦੀ ਨੂੰ ਦੂਰ ਕਰਨ ਦੀ ਕੋਸ਼ਿਸ਼ ਨਹੀਂ ਕੀਤੀ ਤਾਂ ਦੂਜੇ ਪੜਾਅ ਦੇ ਅਧੀਨ ਪ੍ਰਦੇਸ਼ 'ਚ ਉਦਯੋਗ ਅਤੇ ਵਪਾਰ ਨਾਲ ਜੁੜੇ ਹੋਏ ਲੋਕਾਂ ਵਲੋਂ ਇਸ ਤਰ੍ਹਾਂ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਆਓ ਜਾਣਦੇ ਹਾਂ ਰਿਜ਼ਰਵ ਬੈਂਕ ਦੇ ਮਿਊਜ਼ਿਅਮ 'ਚ ਕੀ ਹੈ ਖਾਸ
NEXT STORY