ਨੈਸ਼ਨਲ ਡੈਸਕ : ਗੁਜਰਾਤ ਦੇ ਜੂਨਾਗੜ੍ਹ ਜ਼ਿਲ੍ਹੇ ਦੇ ਪਿੰਡ ਖੰਭਾਲੀਆ 'ਚ ਇੱਕ ਅਜਿਹਾ ਨਜ਼ਾਰਾ ਦੇਖਣ ਨੂੰ ਮਿਲਿਆ, ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਇੱਕ ਧਾਰਮਿਕ ਪ੍ਰੋਗਰਾਮ 'ਚ ਕਲਾਕਾਰਾਂ 'ਤੇ ਇੰਨੇ ਨੋਟ ਵਰ੍ਹਾਏ ਗਏ ਕਿ ਉਹ ਨੋਟਾਂ ਦੇ ਢੇਰ ਹੇਠਾਂ ਦੱਬ ਗਏ। ਸੋਸ਼ਲ ਮੀਡੀਆ 'ਤੇ ਇਸ ਘਟਨਾ ਦੀਆਂ ਵੀਡੀਓਜ਼ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਖੰਭਾਲੀਆ ਵਿੱਚ ਚੱਲ ਰਹੇ 'ਸ਼੍ਰੀਮਦ ਭਾਗਵਤ ਸਪਤਾਹ ਗਿਆਨ ਯੱਗ' ਦੌਰਾਨ ਇਸ ਸੱਭਿਆਚਾਰਕ ਸ਼ਾਮ ਦਾ ਆਯੋਜਨ ਕੀਤਾ ਗਿਆ ਸੀ। ਜਦੋਂ ਮਸ਼ਹੂਰ ਲੋਕ ਗਾਇਕ ਮਾਇਆ ਭਾਈ ਅਹੀਰ ਤੇ ਗੋਪਾਲ ਭਾਈ ਨੇ ਆਪਣੀ ਪੇਸ਼ਕਾਰੀ ਸ਼ੁਰੂ ਕੀਤੀ, ਤਾਂ ਸਰੋਤਾ ਇੰਨੇ ਮੁਗਧ ਹੋ ਗਏ ਕਿ ਮੰਚ 'ਤੇ 10, 20, 100 ਅਤੇ 500 ਰੁਪਏ ਦੇ ਨੋਟਾਂ ਦੀ ਬਾਰਿਸ਼ ਹੋਣ ਲੱਗੀ। ਪੂਰਾ ਸਟੇਜ ਨੋਟਾਂ ਨਾਲ ਭਰ ਗਿਆ ਅਤੇ ਲੋਕਾਂ ਦਾ ਉਤਸ਼ਾਹ ਦੇਖਣ ਯੋਗ ਸੀ।
ਭਾਵੇਂ ਗੁਜਰਾਤ ਵਿੱਚ ਕਲਾਕਾਰਾਂ 'ਤੇ ਨੋਟ ਬਰਸਾਉਣ ਦੀ ਪਰੰਪਰਾ ਪੁਰਾਣੀ ਹੈ, ਪਰ ਇਸ ਵਾਰ ਇਸ ਦੇ ਪਿੱਛੇ ਦਾ ਮਕਸਦ ਬਹੁਤ ਨੇਕ ਹੈ। ਆਯੋਜਕਾਂ ਅਨੁਸਾਰ ਇਸ ਪ੍ਰੋਗਰਾਮ ਤੋਂ ਇਕੱਠੀ ਹੋਈ ਸਾਰੀ ਰਾਸ਼ੀ, ਪ੍ਰਬੰਧਕੀ ਖਰਚੇ ਕੱਢਣ ਤੋਂ ਬਾਅਦ 'ਅਹੀਰ ਚੈਰੀਟੇਬਲ ਟਰੱਸਟ' ਨੂੰ ਦਾਨ ਕੀਤੀ ਜਾਵੇਗੀ। ਇਸ ਦਾਨ ਦਾ ਇਸਤੇਮਾਲ ਕੁੜੀਆਂ ਦੀ ਉੱਚ ਸਿੱਖਿਆ ਤੇ ਉਨ੍ਹਾਂ ਦੇ ਉਜਵਲ ਭਵਿੱਖ ਲਈ ਕੀਤਾ ਜਾਵੇਗਾ। ਇਕੱਠੀ ਹੋਈ ਰਕਮ ਨਾਲ ਅਹਿਮਦਾਬਾਦ ਵਿੱਚ 'ਗੁਜਰਾਤ ਅਹੀਰ ਗਰਲਜ਼ ਹੋਸਟਲ' ਅਤੇ ਇੱਕ ਆਧੁਨਿਕ ਵਿਦਿਅਕ ਕੰਪਲੈਕਸ ਦਾ ਨਿਰਮਾਣ ਕੀਤਾ ਜਾਵੇਗਾ। ਇਲਾਕੇ ਦੇ ਲੋਕ ਇਸ ਉਪਰਾਲੇ ਦੀ ਭਰਪੂਰ ਸ਼ਲਾਘਾ ਕਰ ਰਹੇ ਹਨ ਕਿਉਂਕਿ ਇਹ ਸਿੱਖਿਆ ਵਰਗੇ ਮਹੱਤਵਪੂਰਨ ਕਾਰਜ ਨੂੰ ਸਮਰਪਿਤ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਆਨਲਾਈਨ ਸ਼ੇਅਰ ਟ੍ਰੇਡਿੰਗ ਦੇ ਨਾਂ 'ਤੇ ਸਾਈਬਰ ਠੱਗ ਗੈਂਗ ਦਾ ਇਕ ਮੈਂਬਰ ਲੁਧਿਆਣਾ ਤੋਂ ਗ੍ਰਿਫ਼ਤਾਰ
NEXT STORY 
