ਨਵਾਂਗਰਾਓਂ (ਮੁਨੀਸ਼) - ਸਿਸਵਾਂ ਵਿਚ ਨਾਜਾਇਜ਼ ਮਾਈਨਿੰਗ ਦਾ ਕਾਰੋਬਾਰ ਧੜੱਲੇ ਨਾਲ ਚੱਲ ਰਿਹਾ ਹੈ। ਨਹਿਰ ਵਿਚੋਂ ਰੇਤਾ ਚੋਰੀ ਦੀਆਂ ਸ਼ਿਕਾਇਤਾਂ ਤੋਂ ਬਾਅਦ ਪੰਚਾਇਤ ਤੇ ਪੇਂਡੂ ਵਿਕਾਸ ਵਿਭਾਗ ਦੀ ਟੀਮ ਨੇ ਜਦੋਂ ਮੌਕੇ 'ਤੇ ਜਾ ਕੇ ਦੌਰਾ ਕੀਤਾ ਤਾਂ ਵੇਖਿਆ ਕਿ ਰੇਤਾ ਚੋਰੀ ਕੀਤੀ ਗਈ ਸੀ ਤੇ ਨਹਿਰ ਵਿਚ ਟੋਏ ਪਏ ਹੋਏ ਸਨ। ਵਿਭਾਗ ਦੇ ਸਮਾਜਿਕ ਸਿੱਖਿਆ ਤੇ ਪੰਚਾਇਤ ਅਫਸਰ ਰਾਜਵਿੰਦਰ ਸਿੰਘ ਤੇ ਸੈਕਟਰੀ ਸੁਰਿੰਦਰਪਾਲ ਸਿੰਘ ਨੇ ਨਹਿਰ ਦਾ ਨਿਰੀਖਣ ਕੀਤਾ ਤਾਂ ਵੇਖਿਆ ਕਿ ਇਕ ਟਰੱਕ ਰੇਤਾ ਨਾਲ ਲੋਡ ਕੀਤਾ ਜਾ ਰਿਹਾ ਸੀ। ਜਿਹੜੇ ਟਰੱਕ (ਪੀ. ਬੀ. 12 ਟੀ- 8081) ਵਿਚ ਰੇਤਾ ਸੀ, ਉਹ ਸਰਪੰਚ ਦਾ ਦੱਸਿਆ ਗਿਆ। ਜਦੋਂ ਟੀਮ ਨੇ ਪੜਤਾਲ ਕੀਤੀ ਤਾਂ ਉਹ ਟਰੱਕ ਸਰਪੰਚ ਅਮਰ ਗਿਰ ਦਾ ਨਿਕਲਿਆ, ਜਿਸ ਤੋਂ ਬਾਅਦ ਵਿਭਾਗ ਦੇ ਅਧਿਕਾਰੀਆਂ ਨੇ ਪੁਲਸ ਨੂੰ ਸ਼ਿਕਾਇਤ ਦਿੱਤੀ।
ਭੈਰੋਂ ਮੰਦਰ ਦੇ ਪਿੱਛੇ ਡੰਪ ਹੁੰਦੀ ਹੈ ਰੇਤਾ
ਪੰਚਾਇਤ ਤੇ ਪੇਂਡੂ ਵਿਕਾਸ ਵਿਭਾਗ ਦੇ ਸੈਕਟਰੀ ਸੁਰਿੰਦਰ ਪਾਲ ਸਿੰਘ ਨੇ ਵੇਖਿਆ ਕਿ ਨਹਿਰ 'ਚੋਂ ਰੇਤਾ ਲਿਆਉਣ ਤੋਂ ਬਾਅਦ ਉਸ ਨੂੰ ਭੈਰੋਂ ਮੰਦਰ ਦੇ ਪਿੱਛੇ ਡੰਪ ਕੀਤਾ ਜਾਂਦਾ ਹੈ, ਜਿਥੋਂ ਇਹ ਅੱਗੇ ਲੋਕਾਂ ਨੂੰ ਵੇਚੀ ਜਾਂਦੀ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ਇਹ ਸਾਰਾ ਏਰੀਆ ਪੀ. ਐੱਲ. ਪੀ. ਏ. ਦੀ ਧਾਰਾ 4 ਤੇ 5 ਅਧੀਨ ਆਉਂਦਾ ਹੈ, ਜਿਸ ਕਾਰਨ ਇਸ ਖੇਤਰ ਵਿਚ ਕਿਸੇ ਵੀ ਤਰ੍ਹਾਂ ਦੀ ਮਾਈਨਿੰਗ ਨਹੀਂ ਕੀਤੀ ਜਾ ਸਕਦੀ।
ਕ੍ਰਿਕਟ ਖੇਡਣ ਤੇ ਨਸ਼ਾ ਕਰਨ ਤੋਂ ਰੋਕਣ 'ਤੇ ਕੀਤਾ ਸੀ ਰਾਜੂ ਬਾਬਾ ਦਾ ਕਤਲ
NEXT STORY 
