ਗਿੱਦੜਬਾਹਾ (ਸੰਧਿਆ) - ਨੈਸ਼ਨਲ ਹਾਈਵੇ ਨੰਬਰ 15 'ਤੇ ਸਥਿਤ ਸਰਹਿੰਦ ਨਹਿਰ ਅਤੇ ਰਾਜਸਥਾਨ ਫੀਡਰ ਦੇ ਨੇੜੇ ਉਸ ਵੇਲੇ ਲੋਕਾਂ ਦੀ ਭਾਰੀ ਭੀੜ ਇਕੱਠੀ ਹੋ ਗਈ, ਜਦੋਂ ਕਬਰਵਾਲਾ ਪੁਲਸ ਸਟੇਸ਼ਨ ਦੇ ਥਾਣਾ ਮੁਖੀ ਕੁਲਦੀਪ ਸ਼ਰਮਾ ਦੀ ਯੋਗ ਰਹਿਨੁਮਾਈ ਹੇਠ ਪੂਰੀ ਪੁਲਸ ਟੀਮ ਨੇ ਰਾਜਸਥਾਨ ਨਹਿਰ ਵਿਚ ਗੋਤਾਖੋਰਾਂ ਨੂੰ ਉਤਾਰਿਆ ਅਤੇ ਇਕੋ ਪਰਿਵਾਰ ਦੇ ਚਾਰ ਮੈਂਬਰਾਂ ਸਮੇਤ ਕਾਰ ਗੁੰਮ ਹੋ ਜਾਣ ਦੇ ਸ਼ੱਕ ਦੇ ਆਧਾਰ 'ਤੇ ਰਾਜਸਥਾਨ ਨਹਿਰ ਵਿਚ ਸਰਚ ਅਭਿਆਨ ਚਾਲੂ ਕੀਤਾ ਗਿਆ। ਕਬਰਵਾਲਾ ਦੇ ਥਾਣਾ ਮੁਖੀ ਕੁਲਦੀਪ ਸ਼ਰਮਾ ਨੇ ਦੱਸਿਆ ਕਿ ਪਿੰਡ ਸਰਾਵਾਂ ਬੋਦਲਾ ਦੇ ਢਾਣੀ 'ਚ ਰਹਿੰਦੇ ਮਹਾਵੀਰ ਸਿੰਘ ਪੁੱਤਰ ਦਰਬਾਰਾ ਸਿੰਘ, ਸੁਖਦੀਪ ਕੌਰ ਪਤਨੀ ਮਹਾਵੀਰ ਸਿੰਘ, ਲਵਇੰਦਰ ਸਿੰਘ ਪੁੱਤਰ ਮਹਾਵੀਰ ਸਿੰਘ ਅਤੇ ਬੀਬੀ ਬਲਜਿੰਦਰ ਕੌਰ ਪਤਨੀ ਦਰਬਾਰਾ ਸਿੰਘ 3 ਮਾਰਚ ਨੂੰ ਪਿੰਡ ਸਰਾਵਾਂ ਬੋਦਲਾ ਤੋਂ ਆਪਣੇ ਘਰ ਤੋਂ ਇਕ ਕਾਰ 'ਤੇ ਸਵਾਰ ਹੋ ਕੇ ਮਲੋਟ ਲਈ ਰਵਾਨਾ ਹੋਏ ਪਰ ਘਰ ਵਾਪਸ ਨਾ ਆਉਣ 'ਤੇ ਜਦੋਂ ਉਨ੍ਹਾਂ ਦੇ ਮੋਬਾਇਲ 'ਤੇ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਦੇ ਮੋਬਾਇਲ ਬੰਦ ਹੋ ਗਏ ਸਨ, ਜਿਸ 'ਤੇ ਸ਼ੱਕ ਕਰਦਿਆਂ ਕਿ ਕਿਧਰੇ ਸਾਰਾ ਪਰਿਵਾਰ ਨਹਿਰ ਵਿਚ ਨਾ ਡਿੱਗ ਪਿਆ ਹੋਵੇ ਦੀ ਭਾਲ ਲਈ ਸਰਚ ਅਭਿਆਨ ਗਿੱਦੜਬਾਹਾ ਦੇ ਕੋਲ ਸਥਿਤ ਲੰਘਦੀ ਨਹਿਰ 'ਤੇ ਸ਼ੁਰੂ ਕਰਵਾਇਆ ਗਿਆ ਤਾਂ ਜੋ ਇਕੋ ਪਰਿਵਾਰ ਦੇ ਚਾਰੇ ਮੈਂਬਰਾਂ ਦਾ ਜੋ ਕਿ ਕਾਰ ਸਮੇਤ ਲਾਪਤਾ ਹਨ, ਦਾ ਕੁਝ ਸੁਰਾਗ ਮਿਲ ਸਕੇ।
ਨਕਲੀ ਪਲਾਈ-ਬੋਰਡ ਵੇਚਣ ਵਾਲੇ 2 ਦੁਕਾਨਦਾਰਾਂ ਖਿਲਾਫ ਮਾਮਲਾ ਦਰਜ
NEXT STORY 
