ਮਾਮਲਾ 6 ਦਸੰਬਰ 1992 'ਚ ਬਾਬਰੀ ਮਸਜਿਦ ਨੂੰ ਢਾਹੁਣ ਦਾ
ਮਾਲੇਰਕੋਟਲਾ(ਜ਼ਹੂਰ/ਸ਼ਹਾਬੂਦੀਨ)-ਭਾਰਤ ਦੇ ਰਾਸ਼ਟਰਪਤੀ ਸ਼੍ਰੀ ਰਾਮ ਨਾਥ ਕੋਵਿੰਦ ਦੇ ਨਾਂ ਅੱਜ ਮੁਸਲਿਮ ਫ਼ੈੱਡਰੇਸ਼ਨ ਆਫ਼ ਪੰਜਾਬ ਦੇ ਪ੍ਰਧਾਨ ਐਡਵੋਕੇਟ ਮੁਬੀਨ ਫ਼ਾਰੂਕੀ, ਇੰਡੀਅਨ ਯੂਨੀਅਨ ਮੁਸਲਿਮ ਲੀਗ (ਪੰਜਾਬ) ਦੇ ਆਗੂ ਮਹਿਮੂਦ ਅਹਿਮਦ ਥਿੰਦ, ਮੁਸਲਿਮ ਨੌਜਵਾਨ ਸਭਾ ਪੰਜਾਬ ਦੇ ਆਗੂ ਮੁਨਸ਼ੀ ਮੁਹੰਮਦ ਅਰਸ਼ਦ ਤੇ ਬਹੁਜਨ ਸਮਾਜ ਪਾਰਟੀ ਮਾਲੇਰਕੋਟਲਾ ਦੇ ਸ਼ਮਸ਼ਾਦ ਅਲੀ ਦੀ ਅਗਵਾਈ ਹੇਠ ਸਥਾਨਕ ਐੱਸ. ਡੀ. ਐੱਮ. ਡਾ. ਪ੍ਰੀਤੀ ਯਾਦਵ ਨੂੰ ਮੰਗ ਪੱਤਰ ਦਿੱਤਾ ਗਿਆ । ਇਸ ਮੌਕੇ ਉਕਤ ਜਥੇਬੰਦੀਆਂ ਦੇ ਆਗੂਆਂ ਨੇ ਕਿਹਾ ਕਿ 6 ਦਸੰਬਰ 1992 ਨੂੰ ਭਾਰਤੀ ਇਤਿਹਾਸ 'ਚ ਮੁਸਲਮਾਨਾਂ ਨਾਲ ਹੋਈ ਸਭ ਤੋਂ ਵੱਡੀ ਬੇਇਨਸਾਫ਼ੀ ਜੋ ਕਿ ਬਾਬਰੀ ਮਸਜਿਦ ਨੂੰ ਢਾਹ ਦਿੱਤਾ ਗਿਆ ਸੀ, ਉਸ ਦਾ ਇਨਸਾਫ਼ ਲੱਗਭਗ 25 ਸਾਲ ਬੀਤ ਜਾਣ ਉਪਰੰਤ ਵੀ ਮੁਸਲਮਾਨਾਂ ਨੂੰ ਨਹੀਂ ਮਿਲਿਆ ਜਦੋਂ ਕਿ ਇਸ ਦੇ ਦੋਸ਼ੀਆਂ ਦੇ ਖਿਲਾਫ ਕਈ ਪੁਖ਼ਤਾ ਸਬੂਤ ਅਦਾਲਤਾਂ ਤੇ ਸਰਕਾਰ ਦੇ ਸਾਹਮਣੇ ਮੌਜੂਦ ਹਨ ਅਤੇ ਜਾਂਚ ਕਮਿਸ਼ਨਾਂ ਦੀ ਰਿਪੋਰਟ ਵੀ ਆ ਚੁੱਕੀ ਹੈ ਜਿਸ 'ਚ ਕਈ ਵੱਡੇ ਸਿਆਸੀ ਰਸੂਖ਼ਦਾਰ ਵੀ ਦੋਸ਼ੀ ਹਨ ਜੋ ਕਿ ਆਪਣੇ ਸਿਆਸੀ ਰੁਤਬੇ ਦਾ ਗਲਤ ਫਾਇਦਾ ਉਠਾ ਕੇ ਅੱਜ ਹਿੰਦੋਸਤਾਨ ਦੇ ਸੰਵਿਧਾਨ ਦਾ ਕਤਲ ਕਰ ਰਹੇ ਹਨ।
ਉਨ੍ਹਾਂ ਮੰਗ ਕੀਤੀ ਕਿ ਉਸ ਵੇਲੇ ਦੇ ਤਤਕਾਲੀਨ ਪ੍ਰਧਾਨ ਮੰਤਰੀ ਪੀ. ਵੀ. ਨਰਸਿਮਾ ਰਾਓ ਨੇ ਇਹ ਐਲਾਨ ਕੀਤਾ ਸੀ ਕਿ ਬਾਬਰੀ ਮਸਜਿਦ ਮੁੜ ਉਸੇ ਜਗ੍ਹਾ ਉੱਪਰ ਤਾਮੀਰ ਕਰਵਾਈ ਜਾਵੇਗੀ। ਉਨ੍ਹਾਂ ਮੰਗ ਕੀਤੀ ਕਿ ਬਾਬਰੀ ਮਸਜਿਦ ਨੂੰ ਉਸੇ ਜਗ੍ਹਾ ਤਾਮੀਰ ਕਰਵਾਇਆ ਜਾਵੇ ਤੇ ਦੋਸ਼ੀਆਂ ਖਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇ ਤਾਂ ਜੋ ਹਿੰਦੋਸਤਾਨ ਦੇ 32 ਕਰੋੜ ਮੁਸਲਮਾਨਾਂ ਦਾ ਯਕੀਨ ਹਿੰਦੋਸਤਾਨ ਦੇ ਸੰਵਿਧਾਨ ਅਤੇ ਕਾਨੂੰਨ ਉਤੇ ਬਣਿਆ ਰਹੇ ।
ਨਾਜਾਇਜ਼ ਸ਼ਰਾਬ ਸਣੇ ਵਿਅਕਤੀ ਕਾਬੂ
NEXT STORY 
