ਫਗਵਾਡ਼ਾ, (ਜਲੋਟਾ, ਹਰਜੋਤ) -ਮਾਨਸੂਨ ਦੇ ਮੌਸਮ ’ਚ ਫਗਵਾਡ਼ਾ ਵਿਖੇ ਅੱਜ ਫਿਰ ਪਿਆ ਤੇਜ਼ ਮੀਂਹ ਲੋਕਾਂ ਲਈ ਕਹਿਰ ਬਣ ਗਿਆ, ਜਦੋਂ ਵੇਖਦੇ ਹੀ ਵੇਖਦੇ ਸ਼ਹਿਰ ਦੇ ਕਈ ਇਲਾਕਿਆਂ ਵਿਚ ਮੌਜੂਦ ਦੁਕਾਨਾਂ ਅਤੇ ਘਰਾਂ ’ਚ ਸੀਵਰੇਜ ਦਾ ਗੰਦਾ ਪਾਣੀ ਭਰ ਗਿਆ। ਜਿਸ ਕਾਰਨ ਲੋਕਾਂ ਨੂੰ ਕਈ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਿਅਾ।
ਲੋਕਾਂ ਨੇ ‘ਜਗ ਬਾਣੀ’ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਉਹ ਹੈਰਾਨ ਹਨ ਕਿ ਅਪਣੇ ਆਪ ਨੂੰ ਜਨਤਾ ਦਾ ਪਰਮ ਸੇਵਕ ਦੱਸਣ ਵਾਲੇ ਰਾਜਨੇਤਾਵਾਂ ਨੂੰ ਫਗਵਾਡ਼ਾ ਵਿਚ ਬੰਦ ਪਈਆਂ ਸੀਵਰੇਜ ਦੀਆਂ ਲਾਈਨਾਂ ਦੀ ਸੱਚਾਈ ਵਿਖਾਈ ਕਿਉਂ ਨਹੀਂ ਦੇ ਰਹੀ ਹੈ? ਲੋਕਾਂ ਨੇ ਕਿਹਾ ਕਿ ਕਦੇ ਅਖਬਾਰਾਂ ’ਚ ਸੁਰੱਖਿਆ ਬਟੋਰ ਜਨਤਾ ਦੀ ਸੇਵਾ ਦੇ ਪ੍ਰਤੀ ਸਮਰਪਿਤ ਰਹਿਣ ਵਾਲੇ ਸ਼ਹਿਰ ਦੇ ਉਨ੍ਹਾਂ ਰਾਜਨੇਤਾਵਾਂ ਨੂੰ ਉਹ ਪੁੱਛਣਾ ਚਾਹੁੰਦੇ ਹਨ ਕਿ ਉਨ੍ਹਾਂ ਨੂੰ ਫਗਵਾਡ਼ਾ ’ਚ ਆਮ ਜਨਤਾ ਨੂੰ ਹੋ ਰਹੀ ਪ੍ਰੇਸ਼ਾਨੀ ਨਹੀਂ ਦਿਸ ਰਹੀ ਹੈ?
ਲੋਕਾਂ ਨੇ ਕਿਹਾ ਕਿ ਫਗਵਾਡ਼ਾ ’ਚ ਜਦੋਂ ਦਾ ਬਰਸਾਤੀ ਮੌਸਮ ਸ਼ੁਰੂ ਹੋਇਆ ਹੈ, ਉਦੋਂ ਤੋਂ ਲੱਗਭੱਗ ਹਰ ਇਕ ਮੀਂਹ ਉਨ੍ਹਾਂ ਦੇ ਲਈ ਭਾਰੀ ਮੁਸਿਬਤਾਂ ਦਾ ਕਾਰਨ ਬਣਿਆ ਹੈ। ਬਾਵਜੂਦ ਇਸਦੇ ਅਜਿਹੇ ਰਾਜਨੇਤਾ ਸਿਰਫ ਫੋਕੇ ਦਾਵਿਆਂ ਤਕ ਹੀ ਸੀਮਿਤ ਰਹਿ ਚੁੱਕੇ ਹਨ । ਲੋਕਾਂ ਨੇ ਕਿਹਾ ਕਿ ਹੱਦ ਤਾਂ ਇਹ ਹੋ ਗਈ ਹੈ ਕਿ ਉਹ ਬਰਸਾਤੀ ਮੌਸਮ ਵਿਚ ਆਏ ਦਿਨ ਗੰਦੇ ਸੀਵਰੇਜ ਦੇ ਪਾਣੀ ਦੇ ਘਰਾਂ ਅਤੇ ਦੁਕਾਨਾਂ ਵਿਚ ਵਡ਼ਣ ਨਾਲ ਤੰਗ ਪ੍ਰੇਸ਼ਾਨ ਹਨ ਅਤੇ ਇਹ ਸਾਰੀ ਹਕੀਕਤ ਅਖਬਾਰਾਂ ਵਿਚ ਆਏ ਦਿਨ ਹੈਡਲਾਈਨ ਬਣ ਰਹੀ ਹੈ ਪਰ ਉਨ੍ਹਾਂ ਦੀ ਇਸ ਸਮੱਸਿਆ ਦਾ ਠੋਸ ਹੱਲ ਕਰਨ ਲਈ ਕੋਈ ਵੱਡੀ ਪਹਿਲ ਨਹੀਂ ਹੋ ਰਹੀ ਹੈ । ਅਖੀਰ ਉਹ ਇਹ ਸਭ ਕਦੋਂ ਤੱਕ ਨਿਜੀ ਨੁਕਸਾਨ ਝੱਲਦੇ ਹੋਏ ਸਹਿਣ ਕਰਦੇ ਰਹਿਣਗੇ?
ਰੇਤ ਦੀ ਗੈਰ-ਕਾਨੂੰਨੀ ਮਾਈਨਿੰਗ ਰੋਕਣ ਲਈ ਟੀਮਾਂ ਵੱਲੋਂ ਛਾਪੇਮਾਰੀ
NEXT STORY