ਨਵੀਂ ਦਿੱਲੀ : ਆਸਟਰੇਲੀਆ ਖਿਲਾਫ ਸਾਲ 2001 ਵਿਚ ਕੋਲਕਾਤਾ ਦੇ ਈਡਨ ਗਾਰਡਨ ਵਿਚ ਖੇਡੇ ਗਏ ਟੈਸਟ ਨੂੰ ਭਾਰਤ ਨੇ ਜਿੱਤ ਕੇ ਇਤਿਹਾਸਕ ਬਣਾ ਦਿੱਤਾ ਸੀ। ਇਸ ਦੌਰਾਨ ਵੀ. ਵੀ. ਐੱਸ. ਲਕਸ਼ਮਣ ਨੇ 281 ਦੌੜਾਂ ਦੀ ਇਤਿਹਾਸਕ ਪਾਰੀ ਖੇਡੀ ਸੀ ਜਦਕਿ ਸਪਿਨਰ ਹਰਭਜਨ ਸਿੰਘ ਨੇ ਹੈਟ੍ਰਿਕ ਲਈ ਸੀ। ਹਰਭਜਨ ਨੇ ਉਨ੍ਹਾਂ ਪਲਾਂ ਨੂੰ ਯਾਦ ਕਰਦਿਆਂ ਕਿਹਾ ਕਿ ਉਹ ਸਟੇਡੀਅਮ ਵਿਚ ਮੌਜੂਦ ਹੋਣ ਦੇ ਬਾਵਜੂਦ ਸਚਿਨ ਤੇਂਦੁਲਕਰ ਕਾਰਨ ਲਕਸ਼ਮਣ ਦੀ ਇਤਿਹਾਸਕ ਪਾਰੀ ਨਹੀਂ ਦੇਖ ਸਕੇ ਸੀ।
ਇਕ ਅਖਬਾਰ ਲਈ ਲਿਖੇ ਕਾਲਮ ਵਿਚ ਹਰਭਜਨ ਨੇ ਖੁਲਾਸਾ ਕੀਤੀ ਕਿ ਮੈਨੂੰ ਯਾਦ ਹੈ ਕਿ ਉਸ ਸਾਂਝੇਦਾਰੀ ਦੌਰਾਨ ਅਸੀਂ ਡ੍ਰੈਸਿੰਗ ਰੂਮ ਵਿਚ ਆਪਣੀ ਸੀਟ ਨਾਲ ਹਿਲੇ ਤਕ ਨਹੀਂ ਸੀ। ਇਸ ਦਾ ਕਾਰਨ ਦੱਸਦਿਆਂ ਉਸ ਨੇ ਲਿਖਿਆ, ''ਦੂਜੀ ਪਾਰੀ ਵਿਚ ਵੀ ਸਾਡੀਆਂ ਵਿਕਟਾਂ ਲਗਾਤਾਰ ਡਿੱਗ ਰਹੀਆਂ ਸੀ ਪਰ ਜਦੋਂ ਰਾਹੁਲ ਦ੍ਰਾਵਿੜ ਅਤੇ ਲਕਸ਼ਮਣ ਵਿਚਾਲੇ ਸਾਂਝੇਦਾਰੀ ਹੋਈ ਤਾਂ ਸਚਿਨ ਨੇ ਫੈਸਲਾ ਲਿਆ ਕਿ ਅਸੀਂ ਜਿੱਥੇ ਬੈਠੇ ਹਾਂ ਉੱਥੇ ਹੀ ਬੈਠੇ ਰਹਾਂਗੇ। ਉਸ ਦਿਨ ਪੂਰਾ ਇਕ ਸੈਸ਼ਨ ਬਿਨਾ ਵਿਕਟ ਡਿੱਗੇ ਨਿਕਲਿਆ ਅਤੇ ਦੂਜੇ ਦਿਨ ਵੀ ਅਸੀਂ ਉੱਥੇ ਹੀ ਬੈਠੇ ਰਹੇ ਸੀ।
ਹਰਭਜਨ ਨੇ ਅੱਗੇ ਲਿਖਿਆ ਡ੍ਰੈਸਿੰਗ ਰੂਮ ਦੇ ਅੰਦਰ ਹੁੰਦਿਆਂ ਵੀ ਮੈਂ ਲਕਸ਼ਮਣ ਦੀ ਇਤਿਹਾਸਕ ਪਾਰੀ ਦੀ ਇਕ ਵੀ ਗੇਂਦ ਨੂੰ ਨਹੀਂ ਦੇਖ ਸਕਿਆ ਸੀ। ਹਾਲਾਂਕਿ ਜਦੋਂ ਲਕਸ਼ਮਣ ਨੇ ਸੈਂਕੜਾ ਲਾਇਆ ਤਾਂ ਤਾੜੀਆਂ ਮਾਰਨ ਲਈ ਉਹ ਬਾਹਰ ਨਿਕਲੇ ਸੀ ਅਤੇ ਅਗਲੇ ਤੋਂ ਪਹ੍ਰਾਂ ਫਿਰ ਡ੍ਰੈਸਿੰਗ ਰੂਮ ਵਿਚ ਪਰਤ ਕੇ ਆਪਣੀ ਜਗ੍ਹਾ ਬੈਠ ਗਏ ਸੀ। ਮੈਨੂੰ ਚੰਗੀ ਤਰ੍ਹਾਂ ਯਾਦ ਹੈ ਕਿ ਸੌਰਵ ਗਾਂਗੁਲੀ ਨੇ ਆਪਣੀ ਟੀ-ਸ਼ਰਟ ਉਤਾਰੀ ਸੀ ਅਤੇ ਤੌਲੀਆ ਮੋਢਿਆ 'ਤੇ ਰੱਖਿਆ ਸੀ।
ਜ਼ਿਕਰਯੋਗ ਹੈ ਕਿ ਪਹਿਲੀ ਪਾਰੀ ਵਿਚ ਆਸਟਰੇਲੀਆ ਨੇ 445 ਦੌੜਾਂ ਬਣਾਈਆਂ ਸੀ ਅਤੇ ਟੀਮ ਇੰਡੀਆ ਜਵਾਬ ਵਿਚ 171 ਦੌੜਾਂ 'ਤੇ ਆਲਆਊਟ ਹੋ ਗਈ ਸੀ। ਭਾਰਤ ਨੇ ਦੂਜੀ ਪਾਰੀ ਵਿਚ ਲਕਸ਼ਮਣ ਦੀ 281 ਦੌੜਾਂ ਦੀ ਸ਼ਾਨਦਾਰ ਪਾਰੀ ਦੀ ਬਦੌਲਤ ਵਾਪਸੀ ਕੀਤੀ ਅਤੇ ਉਸ ਦਾ ਸਾਥ ਦੇ ਰਹੇ ਦ੍ਰਾਵਿੜ ਨੇ ਵੀ ਸੈਂਕੜਾ (180) ਲਾਇਆ ਸੀ। ਦੋਵਾਂ ਨੇ 5ਵੀਂ ਵਿਕਟ ਲਈ 376 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਸੀ।
ਸਾਬਕਾ ਭਾਰਤੀ ਦਿੱਗਜ ਫੁੱਟਬਾਲਰ ਪੀ. ਕੇ. ਬੈਨਰਜੀ ਦੀ ਹਾਲਤ ਅਜੇ ਵੀ ਗੰਭੀਰ: ਹਸਪਤਾਲ
NEXT STORY