ਸਪੋਰਟਸ ਡੈਸਕ- ਭਾਰਤ ਦੇ ਮਹਾਨ ਤੇਜ਼ ਗੇਂਦਬਾਜ਼ ਇਸ਼ਾਂਤ ਸ਼ਰਮਾ ਦਾ ਅੰਤਰਰਾਸ਼ਟਰੀ ਕ੍ਰਿਕਟ ਕਰੀਅਰ ਹੁਣ ਆਪਣੇ ਆਖਰੀ ਪੜਾਅ 'ਤੇ ਪਹੁੰਚ ਗਿਆ ਹੈ। ਟੀਮ ਇੰਡੀਆ ਨੂੰ ਆਪਣੀ ਜ਼ਿੰਦਗੀ ਦੇ 14 ਸਾਲ ਦੇਣ ਵਾਲੇ ਇਸ਼ਾਂਤ ਪਿਛਲੇ ਲੰਬੇ ਸਮੇਂ ਤੋਂ ਟੀਮ ਤੋਂ ਬਾਹਰ ਚੱਲ ਰਹੇ ਹਨ ਅਤੇ ਹੁਣ ਉਨ੍ਹਾਂ ਦੀ ਰਾਸ਼ਟਰੀ ਟੀਮ ਵਿੱਚ ਵਾਪਸੀ ਲਗਭਗ ਨਾਮੁਮਕਿਨ ਨਜ਼ਰ ਆ ਰਹੀ ਹੈ
1279 ਵਿਕਟਾਂ ਦਾ ਸ਼ਾਨਦਾਰ ਰਿਕਾਰਡ
ਇਸ਼ਾਂਤ ਸ਼ਰਮਾ ਨੇ ਆਪਣੇ ਕਰੀਅਰ ਦੌਰਾਨ ਅੰਤਰਰਾਸ਼ਟਰੀ ਅਤੇ ਘਰੇਲੂ ਕ੍ਰਿਕਟ ਦੇ ਸਾਰੇ ਫਾਰਮੈਟਾਂ ਵਿੱਚ ਮਿਲਾ ਕੇ ਕੁੱਲ 1279 ਵਿਕਟਾਂ ਹਾਸਲ ਕੀਤੀਆਂ ਹਨ।
ਉਨ੍ਹਾਂ ਦੇ ਅੰਕੜਿਆਂ ਦਾ ਵੇਰਵਾ ਇਸ ਪ੍ਰਕਾਰ ਹੈ:
ਟੈਸਟ ਕ੍ਰਿਕਟ: 105 ਮੈਚਾਂ ਵਿੱਚ 311 ਵਿਕਟਾਂ
ਵਨਡੇ (ODI): 80 ਮੈਚਾਂ ਵਿੱਚ 115 ਵਿਕਟਾਂ
ਟੀ-20 (T20I): 14 ਮੈਚਾਂ ਵਿੱਚ 8 ਵਿਕਟਾਂ
ਘਰੇਲੂ ਕ੍ਰਿਕਟ: ਫਰਸਟ ਕਲਾਸ ਵਿੱਚ 486, ਲਿਸਟ-ਏ ਵਿੱਚ 201 ਅਤੇ ਘਰੇਲੂ ਟੀ-20 ਵਿੱਚ 158 ਵਿਕਟਾਂ
ਚੋਣਕਾਰਾਂ ਨੇ ਮੋੜਿਆ ਮੂੰਹ
37 ਸਾਲਾ ਇਸ਼ਾਂਤ ਸ਼ਰਮਾ ਨੂੰ ਪਿਛਲੇ ਪੰਜ ਸਾਲਾਂ ਤੋਂ ਚੋਣਕਾਰਾਂ ਵੱਲੋਂ ਲਗਾਤਾਰ ਨਜ਼ਰਅੰਦਾਜ਼ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਨੇ ਆਪਣਾ ਆਖਰੀ ਅੰਤਰਰਾਸ਼ਟਰੀ ਮੈਚ ਨਵੰਬਰ 2021 ਵਿੱਚ ਨਿਊਜ਼ੀਲੈਂਡ ਵਿਰੁੱਧ ਕਾਨਪੁਰ ਟੈਸਟ ਵਿੱਚ ਖੇਡਿਆ ਸੀ, ਜਿਸ ਵਿੱਚ ਉਹ ਇੱਕ ਵੀ ਵਿਕਟ ਲੈਣ ਵਿੱਚ ਨਾਕਾਮ ਰਹੇ ਸਨ। ਜ਼ਿਕਰਯੋਗ ਹੈ ਕਿ ਇਸ਼ਾਂਤ ਨੇ ਸਾਲ 2016 ਤੋਂ ਬਾਅਦ ਕੋਈ ਵਨਡੇ ਮੈਚ ਵੀ ਨਹੀਂ ਖੇਡਿਆ ਹੈ।
ਨੌਜਵਾਨ ਗੇਂਦਬਾਜ਼ਾਂ ਦਾ ਵਧਿਆ ਦਬਦਬਾ
ਮੌਜੂਦਾ ਸਮੇਂ ਵਿੱਚ ਟੀਮ ਇੰਡੀਆ ਕੋਲ ਜਸਪ੍ਰੀਤ ਬੁਮਰਾਹ, ਮੁਹੰਮਦ ਸਿਰਾਜ, ਪ੍ਰਸਿੱਧ ਕ੍ਰਿਸ਼ਨਾ ਅਤੇ ਆਕਾਸ਼ਦੀਪ ਵਰਗੇ ਤੇਜ਼ ਗੇਂਦਬਾਜ਼ਾਂ ਦੇ ਬਦਲ ਮੌਜੂਦ ਹਨ। ਇਸ ਤੋਂ ਇਲਾਵਾ ਫਾਸਟ ਬੋਲਿੰਗ ਆਲਰਾਊਂਡਰ ਵਜੋਂ ਨੀਤੀਸ਼ ਰੈੱਡੀ ਦਾ ਦਾਅਵਾ ਵੀ ਮਜ਼ਬੂਤ ਹੋ ਰਿਹਾ ਹੈ, ਜਿਸ ਕਾਰਨ ਇਸ਼ਾਂਤ ਲਈ ਟੀਮ ਦੇ ਸਾਰੇ ਦਰਵਾਜ਼ੇ ਬੰਦ ਹੁੰਦੇ ਜਾਪਦੇ ਹਨ।
ਸੰਨਿਆਸ ਹੀ ਇੱਕੋ-ਇੱਕ ਰਸਤਾ
ਇਸ਼ਾਂਤ ਕੋਲ ਹੁਣ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ (Retirement) ਲੈਣ ਤੋਂ ਇਲਾਵਾ ਕੋਈ ਹੋਰ ਵਿਕਲਪ ਨਹੀਂ ਬਚਿਆ ਹੈ। ਉਨ੍ਹਾਂ ਨੇ ਸਾਲ 2007 ਵਿੱਚ ਟੈਸਟ ਕ੍ਰਿਕਟ ਰਾਹੀਂ ਆਪਣਾ ਡੈਬਿਊ ਕੀਤਾ ਸੀ ਅਤੇ ਭਾਰਤ ਦੇ ਸਭ ਤੋਂ ਸਫਲ ਤੇਜ਼ ਗੇਂਦਬਾਜ਼ਾਂ ਵਿੱਚੋਂ ਇੱਕ ਰਹੇ ਹਨ।
ਇੰਡੀਆ ਨੂੰ ਵਿਸ਼ਵ ਕੱਪ ਜਿਤਾਉਣ ਵਾਲੇ ਧਾਕੜ ਕ੍ਰਿਕਟਰ ਨੂੰ ਮਿਲਿਆ ਫ਼ਿਲਮ ਦਾ ਆਫ਼ਰ ! ਪਰ ਆਪੇ ਕਰ'ਤਾ ਇਨਕਾਰ
NEXT STORY 
