ਕੈਨਬਰਾ- ਚੀਨ ਨੇ ਆਸਟ੍ਰੇਲੀਆ ਦੇ ਸਭ ਤੋਂ ਵੱਡੇ ਜੌਂ ਬਰਾਮਦਕਾਰ 'ਤੇ ਪਾਬੰਦੀ ਲਗਾ ਦਿੱਤੀ ਹੈ, ਜਿਸ ਦੇ ਜਵਾਬ ਵਿਚ ਜੌਂ ਬਰਾਮਦਕਾਰ ਨੇ ਚੀਨ ਦੀ ਵਪਾਰ ਪਾਬੰਦੀ ਨੂੰ ਚੁਣੌਤੀ ਦੇਣ ਦਾ ਫੈਸਲਾ ਲਿਆ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਚੀਨ ਨੇ 2019 ਵਿਚ ਭੇਜੀ ਗਈ ਖੇਪ ਨੂੰ ਆਧਾਰ ਬਣਾ ਕੇ ਇਹ ਕਾਰਵਾਈ ਕੀਤੀ ਹੈ।
ਚੀਨ ਨੇ ਆਸਟ੍ਰੇਲੀਆ ਦੀ ਸਭ ਤੋਂ ਵੱਡੀ ਅਨਾਜ ਬਰਾਮਦ ਕੰਪਨੀ ਸੀ. ਬੀ. ਐੱਚ. ਗ੍ਰੇਨ ਪ੍ਰਾਈਵੇਟ ਲਿਮਿਟਡ ਦੇ ਜੌਂ ਬਰਾਮਦ 'ਤੇ ਮੰਗਲਵਾਰ ਨੂੰ ਰੋਕ ਲਗਾ ਦਿੱਤੀ ਸੀ।
ਚੀਨ ਨੇ ਕਿਹਾ ਕਿ ਅਨਾਜ ਵਿਚ ਮਿਲਾਵਟ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ। ਚੀਨ ਨੇ ਆਸਟ੍ਰੇਲੀਆ ਦੇ ਅਧਿਕਾਰੀਆਂ ਦੀ ਨਿਗਰਾਨੀ ਵਿਚ ਸੁਧਾਰ ਕਰਨ ਨੂੰ ਵੀ ਕਿਹਾ ਹੈ। ਸੀ. ਬੀ. ਐੱਚ ਦੇ ਮੁੱਖ ਮਾਰਕਟਿੰਗ ਤੇ ਵਪਾਰ ਅਧਿਕਾਰੀ ਜੈਸਨ ਕ੍ਰੈਗ ਨੇ ਬੁੱਧਵਾਰ ਨੂੰ ਕਿਹਾ ਕਿ ਪਿਛਲੇ ਸਾਲ ਦਸੰਬਰ ਵਿਚ ਜੋ ਖੇਪ ਭੇਜੀ ਗਈ ਸੀ ਅਤੇ ਉਸ ਵਿਚ ਮਿਲਾਵਟ ਦੀ ਮਾਤਰਾ ਉਸ ਸੀਮਾ ਦੇ ਅੰਦਰ ਸੀ, ਜਿਸ ਦੇ ਉੱਪਰ ਦੋਵਾਂ ਦੇਸ਼ਾਂ ਵਿਚਕਾਰ ਸਹਿਮਤੀ ਹੈ। ਕ੍ਰੈਗ ਨੇ ਕਿਹਾ ਕਿ ਇਹ ਵਿੱਤੀ ਪ੍ਰਭਾਵ ਨੂੰ ਲੈ ਕੇ ਨਹੀਂ ਹੈ। ਇਹ ਵਿਚ ਅਸਲ ਵੱਕਾਰ ਦਾ ਸਵਾਲ ਹੈ।
ਜ਼ਿਕਰਯੋਗ ਹੈ ਕਿ ਜਦੋਂ ਤੋਂ ਆਸਟ੍ਰੇਲੀਆ ਨੇ ਕੋਰੋਨਾ ਵਾਇਰਸ ਦੀ ਜਾਂਚ ਦੀ ਗੱਲ ਕੀਤੀ ਸੀ ਉਦੋਂ ਤੋਂ ਚੀਨ ਨਾਰਾਜ਼ ਹੋ ਗਿਆ ਸੀ। ਚੀਨ ਪਹਿਲਾਂ ਹੀ ਮਈ ਵਿਚ ਭਾਰੀ ਟੈਕਸ ਰਾਹੀਂ ਆਸਟ੍ਰੇਲੀਆਈ ਜੌਂ ਦੇ ਰਾਹ ਬੰਦ ਕਰ ਚੁੱਕਾ ਹੈ। ਅਜਿਹੇ ਵਿਚ ਕੰਪਨੀ 'ਤੇ ਇਸ ਨਵੀਂ ਰੋਕ ਦਾ ਵਿੱਤੀ ਪ੍ਰਭਾਵ ਘੱਟ ਹੋਣ ਦੀ ਉਮੀਦ ਹੈ।
ਨਿਊਜ਼ੀਲੈਂਡ 'ਚ ਕੋਵਿਡ-19 ਦੇ ਨਵੇਂ ਮਾਮਲੇ ਆਏ ਸਾਹਮਣੇ
NEXT STORY 
