ਨਵੀਂ ਦਿੱਲੀ—ਦੇਸ਼ ਦੀ ਵੱਡੀ ਬਿਸਕੁੱਟ ਕੰਪਨੀ ਬ੍ਰਿਟਾਨੀਆ ਮੰਦੀ ਦੇ ਚੱਲਦੇ ਬਿਸਕੁੱਟ ਦੀ ਕੀਮਤ 'ਚ ਵਾਧਾ ਕਰਨ ਜਾ ਰਹੀ ਹੈ। ਬੁੱਧਵਾਰ ਨੂੰ ਕੰਪਨੀ ਨੇ ਅਧਿਕਾਰਿਕ ਬਿਆਨ ਜਾਰੀ ਕਰਕੇ ਦੱਸਿਆ ਕਿ ਆਰਥਿਕ ਮੰਦੀ ਦੀ ਵਜ੍ਹਾ ਨਾਲ ਕੰਪਨੀ ਦੇ ਉਤਪਾਦਾਂ ਦੀ ਵਿਕਰੀ ਘਟੀ ਹੈ, ਜਿਸ ਦੀ ਵਜ੍ਹਾ ਨਾਲ ਕੰਪਨੀ ਚਾਲੂ ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ 'ਚ ਅੰਸ਼ਕ ਤੌਰ 'ਤੇ ਆਪਣੇ ਉਤਪਾਦਾਂ ਦੀ ਕੀਮਤ ਵਧਾਉਣ ਦੀ ਯੋਜਨਾ ਬਣਾ ਰਹੀ ਹੈ। ਮੰਦੀ ਦਾ ਅਸਰ ਐੱਫ.ਐੱਸ.ਸੀ.ਜੀ. ਸੈਕਟਰ ਦੀਆਂ ਕਈ ਕੰਪਨੀਆਂ 'ਤੇ ਹੋ ਰਿਹਾ ਹੈ।
ਪਾਰਲੇ ਕਰੇਗੀ 10 ਹਜ਼ਾਰ ਕਰਮਚਾਰੀਆਂ ਦੀ ਛਾਂਟੀ
ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ ਦੇਸ਼ ਦੀ ਸਭ ਤੋਂ ਵੱਡੀ ਬਿਸਕੁੱਟ ਨਿਰਮਾਤਾ ਕੰਪਨੀ ਪਾਰਲੇ ਪ੍ਰੋਡੈਕਟਸ ਨੇ ਕਿਹਾ ਸੀ ਕਿ ਉਹ 10 ਹਜ਼ਾਰ ਕਰਮਚਾਰੀਆਂ ਦੀ ਛਾਂਟੀ ਕਰ ਸਕਦੀ ਹੈ। ਕੰਪਨੀ ਨੇ ਚਿੰਤਾ ਜਤਾਉਂਦੇ ਹੋਏ ਕਿਹਾ ਸੀ ਕਿ ਪੰਜ ਰੁਪਏ ਦੇ ਬਿਸਕੁੱਟ ਦੇ ਪੈਕ ਨੂੰ ਵੀ ਖਰੀਦਾਰ ਨਹੀਂ ਮਿਲ ਰਹੇ ਹਨ। ਖਾਸ ਤੌਰ 'ਤੇ ਉਦੋਂ ਤੱਕ ਪੇਂਡੂ ਖੇਤਰਾਂ 'ਚ ਪੰਜ ਰੁਪਏ ਦੇ ਪੈਕ ਕਾਫੀ ਪਾਪੁਲਰ ਹੋਇਆ ਕਰਦਾ ਹੈ।
ਪਿਛਲੇ ਕਈ ਮਹੀਨਿਆਂ ਤੋਂ ਗਿਰਾਵਟ
ਕੰਪਨੀ ਦੇ ਮਾਰਕਟਿੰਗ ਹੈੱਡ ਵਿਨੇ ਸੁਬਰਮਣੀਅਮ ਨੇ ਕਿਹਾ ਕਿ ਅਸੀਂ ਪਿਛਲੇ ਪੰਜ-ਛੇ ਮਹੀਨੇ ਤੋਂ ਨਰਮੀ ਦੇਖਦੇ ਰਹੇ ਹਾਂ। ਅਗਲੇ ਪੰਜ-ਛੇ ਮਹੀਨੇ ਵੀ ਆਸਾਨ ਨਹੀਂ ਹੋਣ ਵਾਲੇ ਹਨ। ਉਦਯੋਗ ਇੰਡਸਟਰੀ 'ਚ ਹਾਂ-ਪੱਖੀ ਨਹੀਂ ਹੈ। ਵਿਨੇ ਨੇ ਦੱਸਿਆ ਕਿ ਮੁੱਲ ਦੇ ਸੰਦਰਭ 'ਚ ਕੰਪਨੀ ਦੀ ਵਿਕਰੀ ਅੱਧੀ ਰਹਿ ਗਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਕੰਪਨੀ ਸਥਿਤੀ 'ਤੇ ਸਖਤ ਨਜ਼ਰ ਰੱਖ ਰਹੀ ਹੈ ਅਤੇ ਮਾਨਸੂਨ ਦਾ ਹਾਂ-ਪੱਖੀ ਅਸਰ ਹੋਣ ਦੀ ਉਮੀਦ ਕਰ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਉਤਪਾਦਾਂ ਦੀ ਕੀਮਤ ਵਧਾਉਣ ਦੇ ਨਾਲ ਹੀ ਕੰਪਨੀ ਖਰਚ 'ਚ ਕਟੌਤੀ ਕਰਨ 'ਤੇ ਵੀ ਵਿਚਾਰ ਕਰ ਰਹੀ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇਦਿੱਲੀ ਤੋਂ ਕੈਨੇਡਾ ਦੀ ਉਡਾਣ ਹੋਈ 1.10 ਲੱਖ ਰੁਪਏ!
NEXT STORY 
