ਨਵੀਂ ਦਿੱਲੀ - ਮੁੰਬਈ ਏਅਰਪੋਰਟ ਤੋਂ ਫਲਾਈਟ ਲੈਣ ਵਾਲੇ ਯਾਤਰੀਆਂ ਲਈ ਇਹ ਖਬਰ ਬਹੁਤ ਮਹੱਤਵਪੂਰਣ ਹੈ। ਅਜਿਹਾ ਇਸ ਲਈ ਹੈ ਕਿਉਂਕਿ ਕੋਰੋਨਾਵਾਇਰਸ ਦੇ ਵਧ ਰਹੇ ਮਾਮਲਿਆਂ ਵਿਚਕਾਰ ਮੁੰਬਈ ਦੇ ਛਤਰਪਤੀ ਸ਼ਿਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡੇ (ਸੀਐਸਐਮਆਈਏ) ਤੋਂ ਕਈ ਉਡਾਣਾਂ ਦੇ ਸੰਚਾਲਨ ਲਈ ਟਰਮੀਨਲ ਬਦਲ ਦਿੱਤੇ ਗਏ ਹਨ। ਹੁਣ ਇਹ ਉਡਾਣਾਂ 21 ਅਪ੍ਰੈਲ ਤੋਂ ਟਰਮੀਨਲ-ਟੀ 2 ਤੋਂ ਸ਼ੁਰੂ ਹੋਣਗੀਆਂ। ਬਜਟ ਕੈਰੀਅਰ GoAir ਨੇ ਇੱਕ ਟਵੀਟ ਵਿਚ ਆਪਣੇ ਯਾਤਰੀਆਂ ਨੂੰ ਟਰਮੀਨਲ ਦੀ ਤਬਦੀਲੀ ਬਾਰੇ ਦੱਸਿਆ ਹੈ।
ਕੰਪਨੀ ਨੇ ਟਵੀਟ ਕਰਕੇ ਕਿਹਾ, '21 ਅਪ੍ਰੈਲ 2021 ਤੋਂ ਪ੍ਰਭਾਵੀ, ਗੋਏਅਰ ਦੀਆਂ ਸਾਰੀਆਂ ਘਰੇਲੂ ਉਡਾਣਾਂ ਛਤਰਪਤੀ ਸ਼ਿਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦੇ ਟਰਮੀਨਲ 2 ਵਿਖੇ ਉਤਰਣਗੀਆਂ ਅਤੇ ਉਡਾਣ ਭਰਨਗੀਆਂ । ਇਸ ਦੌਰਾਨ 15 ਅਪ੍ਰੈਲ 2021 ਤੋਂ ਇੰਡੀਗੋ ਦੀਆਂ ਸਾਰੀਆਂ ਉਡਾਣਾਂ ਟੀ 2 ਤੋਂ ਟੇਕਆਫ ਕਰਨਗੀਆਂ ਹਨ ਅਤੇ ਲੈਂਡ ਕਰਨਗੀਆਂ।
ਇਹ ਵੀ ਪੜ੍ਹੋ : ਬਜ਼ੁਰਗ ਨਾਗਰਿਕਾਂ ਲਈ ਕਿਹੜੀ ਬਚਤ ਯੋਜਨਾ ਹੈ ਵਧੇਰੇ ਫਾਇਦੇਮੰਦ, ਜਾਣੋ ਕੁਝ ਖ਼ਾਸ ਸਕੀਮਾਂ ਬਾਰੇ
ਘਰੇਲੂ ਉਡਾਣਾਂ ਦੇ ਸੰਚਾਲਨ ਲਈ ਤਕਰੀਬਨ ਇਕ ਸਾਲ ਬੰਦ ਰਹਿਣ ਤੋਂ ਬਾਅਦ ਪ੍ਰਾਈਵੇਟ ਏਅਰਪੋਰਟ ਅਪਰੇਟਰ ਨੇ 10 ਮਾਰਚ ਨੂੰ ਆਪਣਾ ਟਰਮੀਨਲ 1 (ਟੀ 1) ਦੁਬਾਰਾ ਖੋਲ੍ਹਿਆ ਹੈ। ਸੀ.ਐਸ.ਐਮ.ਆਈ.ਏ. ਨੇ ਇੱਕ ਬਿਆਨ ਵਿਚ ਕਿਹਾ, 'ਮੌਜੂਦਾ ਮਹਾਂਮਾਰੀ ਦੀ ਸਥਿਤੀ ਦੇ ਮੱਦੇਨਜ਼ਰ, ਸੀ.ਐਸ.ਐਮ.ਆਈ.ਏ. ਨੇ ਇਸ ਸਮੇਂ ਟਰਮੀਨਲ-ਟੀ 1 ਤੋਂ ਚੱਲ ਰਹੀਆਂ ਸਾਰੀਆਂ ਘਰੇਲੂ ਯਾਤਰੀਆਂ ਦੀਆਂ ਉਡਾਣਾਂ ਨੂੰ ਮੁੜ ਨਿਰਧਾਰਤ ਕਰਨ ਦਾ ਫੈਸਲਾ ਕੀਤਾ ਹੈ। ਸਾਰੇ ਅੰਤਰਰਾਸ਼ਟਰੀ ਅਤੇ ਘਰੇਲੂ ਹਵਾਈ ਅੱਡੇ ਇਸ ਦੇ ਟਰਮੀਨਲ-ਟੀ 2 ਤੋਂ 21 ਅਪ੍ਰੈਲ ਤੋਂ ਉਡਾਣ ਸੰਚਾਲਿਤ ਕਰਨਗੇ।
'ਗੋਏਅਰ, ਸਟਾਰ ਏਅਰ, ਏਅਰ ਏਸ਼ੀਆ, ਟਰੂਜੈੱਟ ਅਤੇ ਇੰਡੀਗੋ ਦੇ ਸਾਰੇ ਯਾਤਰੀਆਂ ਨੂੰ ਜ਼ਿਆਦਾ ਜਾਣਕਾਰੀ ਲਈ ਲਈ ਸਬੰਧਤ ਏਅਰਲਾਈਨਾਂ ਨਾਲ ਸੰਪਰਕ ਕਰਨ ਲਈ ਕਿਹਾ ਗਿਆ ਹੈ। 10 ਮਾਰਚ ਤੋਂ ਗੋਏਅਰ, ਸਟਾਰ ਏਅਰ, ਏਅਰ ਏਸ਼ੀਆ ਅਤੇ ਟਰੂਜੈੱਟ ਨੇ ਟਰਮੀਨਲ 1 ਤੋਂ ਆਪਣੀਆਂ ਸਾਰੀਆਂ ਘਰੇਲੂ ਉਡਾਣਾਂ ਦੀ ਮੁੜ ਸ਼ੁਰੂਆਤ ਕੀਤੀ ਸੀ।
ਇਹ ਵੀ ਪੜ੍ਹੋ : ਬਿਨਾਂ ਈ-ਵੇਅ ਤੋਂ ਚੱਲ ਰਹੇ ਵਾਹਨਾਂ 'ਤੇ ਸ਼ਿਕੰਜਾ ਕੱਸਣ ਦੀ ਤਿਆਰੀ, GST ਅਧਿਕਾਰੀਆਂ ਨੂੰ ਮਿਲੇਗੀ ਇਹ ਸਹੂਲਤ
ਇੰਡੀਗੋ ਲਈ ਨਿਰਧਾਰਤ ਕੀਤਾ ਗਿਆ ਟਰਨੀਮਨਲ
ਇੰਡੀਗੋ ਆਪਣੀਆਂ ਜ਼ਿਆਦਾਤਰ ਉਡਾਣਾਂ ਟਰਮੀਨਲ 2 ਤੋਂ ਹੀ ਚਲਾ ਰਹੀ ਸੀ, ਇਸ ਦੀਆਂ ਬੇਸ ਫਲਾਈਟਾਂ ਟਰਮੀਨਲ-ਟੀ 1 ਤੋਂ ਚਲਾਇਆ ਜਾ ਰਹੀਆਂ ਸਨ। ਦਰਅਸਲ ਟਰਮੀਨਲ-ਟੀ 1 ਘਰੇਲੂ ਉਡਾਣਾਂ ਨੂੰ ਸੰਭਾਲਦਾ ਹੈ ਅਤੇ ਟਰਮੀਨਲ-ਟੀ 2 ਵਿਚ ਕੁਝ ਭਾਰਤੀ ਏਅਰਲਾਇੰਸ ਦੇ ਘਰੇਲੂ ਸੰਚਾਲਨ ਦੇ ਨਾਲ-ਨਾਲ ਅੰਤਰਰਾਸ਼ਟਰੀ ਸੇਵਾਵਾਂ ਵੀ ਸ਼ਾਮਲ ਹਨ।
24 ਘੰਟਿਆਂ ਵਿਚ ਲਗਭਗ 59 ਹਜ਼ਾਰ ਨਵੇਂ ਕੇਸ
ਸੂਬੇ ਦੇ ਸਿਹਤ ਮੰਤਰਾਲੇ ਅਨੁਸਾਰ ਮਹਾਰਾਸ਼ਟਰ ਵਿਚ ਪਿਛਲੇ 24 ਘੰਟਿਆਂ ਵਿਚ ਕੋਵੀਡ -19 ਦੇ 58,924 ਨਵੇਂ ਕੇਸ ਸਾਹਮਣੇ ਆਏ ਹਨ। ਇਸ ਮਿਆਦ ਦੇ ਦੌਰਾਨ, 52,412 ਲੋਕ ਰਿਕਵਰ ਹੋਏ ਹਨ ਅਤੇ 351 ਦੀ ਮੌਤ ਹੋ ਗਈ ਹੈ। ਸੂਬੇ ਵਿਚ ਸੰਕਰਮਿਤ ਲੋਕਾਂ ਦੀ ਕੁੱਲ ਸੰਖਿਆ 38,98,262 'ਤੇ ਪਹੁੰਚ ਗਈ, ਜਦੋਂ ਕਿ ਮਰਨ ਵਾਲਿਆਂ ਦੀ ਗਿਣਤੀ 60,824 ਤੱਕ ਪਹੁੰਚ ਗਈ।
ਇਹ ਵੀ ਪੜ੍ਹੋ : ਇਸ ਵਾਰ ਤਾਲਾਬੰਦੀ ’ਚ ਨਹੀਂ ਹੋਵੇਗੀ ਜ਼ਰੂਰੀ ਚੀਜ਼ਾਂ ਦੀ ਘਾਟ, ਚੁਣੋਤੀਆਂ ਨਾਲ ਨਜਿੱਠਣ ਲਈ ਤਿਆਰ ਕੰਪਨੀਆਂ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਭਾਰਤੀ ਖਿਡਾਰੀਆਂ ਨੂੰ ਤੋਹਫ਼ੇ ਮਿਲਣ ਦਾ ਸਿਲਸਿਲਾ ਜਾਰੀ, ਆਨੰਦ ਮਹਿੰਦਰਾ ਨੇ ਹੁਣ ਇਸ ਖਿਡਾਰੀ ਨੂੰ ਦਿੱਤੀ ‘ਥਾਰ’
NEXT STORY 
