ਮੁੰਬਈ- ਗਲੋਬਲ ਬਾਜ਼ਾਰਾਂ ਵਿਚ ਤੇਜ਼ੀ ਵਿਚਕਾਰ ਮੰਗਲਵਾਰ ਦਾ ਦਿਨ ਭਾਰਤੀ ਬਾਜ਼ਾਰਾਂ ਲਈ ਸ਼ਾਨਦਾਰ ਰਿਹਾ। ਬੀ. ਐੱਸ. ਈ. ਸੈਂਸੈਕਸ 660.68 ਅੰਕ ਯਾਨੀ 1.38 ਫ਼ੀਸਦੀ ਦੇ ਉਛਾਲ ਨਾਲ 48,544.06 ਦੇ ਪੱਧਰ 'ਤੇ ਬੰਦ ਹੋਇਆ। ਨਿਫਟੀ ਵੀ 194 ਅੰਕ ਯਾਨੀ 1.36 ਫ਼ੀਸਦੀ ਦੀ ਛਲਾਂਗ ਲਾ ਕੇ 14,504.80 ਦੇ ਪੱਧਰ 'ਤੇ ਪਹੁੰਚ ਗਿਆ। ਬੈਂਕਿੰਗ, ਆਟੋ, ਫਾਈਨੈਂਸ ਸਰਵਿਸਿਜ਼ ਸੈਕਟਰ ਦੇ ਸ਼ੇਅਰਾਂ ਵਿਚ ਜ਼ੋਰਦਾਰ ਤੇਜ਼ੀ ਦੇ ਦਮ 'ਤੇ ਬਾਜ਼ਾਰ ਨੂੰ ਬੜ੍ਹਤ ਮਿਲੀ।
ਉੱਥੇ ਹੀ, ਆਈ. ਟੀ. ਅਤੇ ਫਾਰਮਾ ਸੈਕਟਰ ਵਿਚ ਨਰਮੀ ਦੇਖਣ ਨੂੰ ਮਿਲੀ। ਬੀ. ਐੱਸ. ਈ. ਮਿਡਕੈਪ 1.46 ਫ਼ੀਸਦੀ, ਸਮਾਲਕੈਪ 1.21 ਫ਼ੀਸਦੀ ਅਤੇ ਲਾਰਜਕੈਪ 1.41 ਫ਼ੀਸਦੀ ਦੀ ਮਜਬੂਤੀ ਵਿਚ ਬੰਦ ਹੋਏ।
ਬੀ. ਐੱਸ. ਈ. ਵਿਚ ਅੱਜ ਟਾਪ ਗੇਨਰ ਮਹਿੰਦਰਾ ਐਂਡ ਮਹਿੰਦਰਾ ਰਿਹਾ, ਇਸ ਦੇ ਸ਼ੇਅਰ ਨੇ 8.02 ਫ਼ੀਸਦੀ ਤੇਜ਼ੀ ਦਰਜ ਕੀਤੀ। ਉੱਥੇ ਹੀ ਟਾਪ ਲੂਜ਼ਰ ਟੀ. ਸੀ. ਐੱਸ. ਰਿਹਾ, ਜਿਸ ਨੇ 4.21 ਫ਼ੀਸਦੀ ਦੀ ਗਿਰਾਵਟ ਦਰਜ ਕੀਤੀ। ਸੈਂਸੈਕਸ ਦੇ 30 ਪ੍ਰਮੁੱਖ ਸ਼ੇਅਰਾਂ ਵਿਚੋਂ 23 ਸਟਾਕਸ ਨੇ ਬੜ੍ਹਤ ਬਣਾਈ, ਜਦੋਂ ਕਿ 7 ਲਾਲ ਨਿਸ਼ਾਨ 'ਤੇ ਬੰਦ ਹੋਏ।
ਨਿਫਟੀ 'ਚ ਕਾਰੋਬਾਰ-
ਨਿਫਟੀ ਵਿਚ ਮਹਿੰਦਰਾ ਐਂਡ ਮਹਿੰਦਰਾ ਦਾ ਸਟਾਕ 7.95 ਫ਼ੀਸਦੀ ਦੀ ਤੇਜ਼ੀ ਨਾਲ ਟਾਪ ਗੇਨਰ ਰਿਹਾ, ਜਦੋਂ ਕਿ 4.4 ਫ਼ੀਸਦੀ ਦੀ ਗਿਰਾਵਟ ਨਾਲ ਡਾ. ਰੈਡੀਜ਼ ਟਾਪ ਲੂਜ਼ਰ ਰਿਹਾ। ਨਿਫਟੀ 50 ਦੇ 13 ਸਟਾਕਸ ਗਿਰਾਵਟ ਵਿਚ ਬੰਦ ਹੋਏ ਅਤੇ ਬਾਕੀ 37 ਹਰੇ ਨਿਸ਼ਾਨ 'ਤੇ ਬੰਦ ਹੋਏ ਹਨ। ਨਿਫਟੀ 50 ਦੇ ਹੋਰ ਟਾਪ ਗੇਨਰ ਵਿਚ ਬਜਾਜ ਫਿਨਸਰਵ, ਟਾਟਾ ਮੋਟਰਜ਼, ਬਜਾਜ ਫਾਈਨੈਂਸ ਤੇ ਮਾਰੂਤੀ ਰਹੇ, ਇਨ੍ਹਾਂ ਸਟਾਕਸ ਵਿਚ 4.67 ਫ਼ੀਸਦੀ ਤੋਂ 6.58 ਫ਼ੀਸਦੀ ਤੱਕ ਦੀ ਤੇਜ਼ੀ ਆਈ।
ਵਿਪਰੋ, ਟੀ. ਸੀ. ਐੱਸ., ਐੱਚ. ਸੀ. ਐੱਲ. ਟੈੱਕ 2 ਤੋਂ 4 ਫ਼ੀਸਦੀ ਵਿਚਕਾਰ ਗਿਰਾਵਟ ਵਿਚ ਬੰਦ ਹੋਏ। ਨਿਫਟੀ ਦੇ ਸੈਕਟਰਲ ਇੰਡੈਕਸ ਵਿਚ ਸਭ ਤੋਂ ਜ਼ਿਆਦਾ 4.18 ਫ਼ੀਸਦੀ ਦੀ ਤੇਜ਼ੀ ਨਾਲ ਨਿਫਟੀ ਆਟੋ, 3.18 ਫ਼ੀਸਦੀ ਦੀ ਤੇਜ਼ੀ ਨਾਲ ਨਿਫਟੀ ਬੈਂਕ ਰਹੇ। ਉੱਥੇ ਹੀ, ਸੈਕਟਰਲ ਇੰਡੈਕਸ ਵਿਚ ਨਿਫਟੀ ਆਈ. ਟੀ. 3.28 ਫ਼ੀਸਦੀ ਅਤੇ ਨਿਫਟੀ ਫਾਰਮਾ 1.19 ਫ਼ੀਸਦੀ ਦੀ ਗਿਰਾਵਟ ਵਿਚ ਬੰਦ ਹੋਏ।
2020-21 'ਚ ਟਾਪ-5 ਕਾਰਾਂ ਦੀ ਵਿਕਰੀ 'ਚ ਰਿਹਾ ਮਾਰੂਤੀ ਦਾ ਦਬਦਬਾ
NEXT STORY 
