ਗੁਰਦੁਆਰਾ ਅੰਤਰਯਾਮਤਾ ਸਾਹਿਬ ਦੀ ਸੁੰਦਰ ਇਮਾਰਤ ਮਸਜਿਦ ਵਾਲੀ ਉਸ ਥਾਂ ਦੀ ਨਿਸ਼ਾਨਦੇਹੀ ਕਰਦੀ ਹੈ ਜਿਥੇ ਨਵਾਬ ਦੌਲਤ ਖ਼ਾਨ ਨੇ ਗੁਰੂ ਨਾਨਕ ਦੇਵ ਜੀ ਨੂੰ ਨਮਾਜ਼ ਪੜ੍ਹਨ ਲਈ ਸੱਦਿਆ ਸੀ । ਗੁਰੂ ਨਾਨਕ ਦੇਵ ਜੀ ਦੇ ਸਾਹਮਣੇ ਜਦੋਂ ਨਮਾਜ਼ ਸ਼ੁਰੂ ਹੋਈ ਤਾਂ ਆਪਜੀ ਨੇ ਵੇਖਿਆ ਕਿ ਨਵਾਬ ਤੇ ਕਾਜੀ ਦਾ ਮਨ ਨਮਾਜ਼ ਵਿੱਚ ਹਾਜ਼ਰ ਨਹੀਂ ਤੇ ਉਹ ਸਿਰਫ਼ ਬਾਹਰੀ ਤੌਰ 'ਤੇ ਰਸਮਾਂ-ਰੀਤਾਂ ਨਿਭਾਅ ਰਹੇ ਸਨ। ਇਸ ਲਈ ਗੁਰੂ ਜੀ ਆਪ ਇਕ ਪਾਸੇ ਖੜ੍ਹੇ ਹੋ ਕੇ ਸਭ ਕੁਝ ਵੇਖਦੇ ਰਹੇ। ਜਦੋਂ ਨਵਾਬ ਨੇ ਗੁਰੂ ਨਾਨਕ ਦੇਵ ਜੀ ਨੂੰ ਪੁੱਛਿਆ ਕਿ ਉਹ ਨਮਾਜ਼ ਪੜ੍ਹਨ ਲਈ ਉਹਨਾਂ ਨਾਲ ਸ਼ਾਮਲ ਕਿਉਂ ਨਹੀਂ ਹੋਏ ਤਾਂ ਗੁਰੂ ਜੀ ਨੇ ਸਾਫ਼ ਸ਼ਬਦਾ 'ਚ ਆਖ ਦਿੱਤਾ ਕਿ ਤੁਹਾਡਾ ਆਪਣਾ ਮਨ ਨਮਾਜ਼ ਵਿੱਚ ਹਾਜ਼ਰ ਨਹੀਂ ਸੀ । ਗੁਰੂ ਜੀ ਆਖਣ ਲੱਗੇ ਨਵਾਬ ਸਾਹਿਬ ਤੁਸੀਂ ਸਰੀਰ ਕਰਕੇ ਹੀ ਨਮਾਜ਼ 'ਚ ਹਾਜ਼ਰ ਸੀ ਅਸਲ 'ਚ ਤੁਸੀਂ ਕੰਧਾਰ 'ਚ ਘੋੜੇ ਖ਼ਰੀਦਣ ਗਏ ਹੋਏ ਸੀ । ਫਿਰ ਗੁਰੂ ਨਾਨਕ ਦੇਵ ਜੀ ਨੇ ਕਾਜੀ ਵੱਲ ਇਸ਼ਾਰਾ ਕਰਕੇ ਕਿਹਾ ਕਿ ਇਹ ਆਪਣੇ ਘਰ ਵਛੇਰੀ ਦੀ ਸੰਭਾਲ ਕਰ ਰਹੇ ਸਨ ਕਿ ਕਿਤੇ ਨਵਜੰਮੀ ਵਛੇਰੀ ਖੂਹ 'ਚ ਨਾ ਡਿੱਗ ਪਵੇ। ਜਦੋਂ ਗੁਰੂ ਸਾਹਿਬ ਨੇ ਅਸਲੀਅਤ ਦੱਸੀ ਕਿ ਨਮਾਜ਼ ਵੇਲੇ ਉਹ ਦੋਵੇਂ ਕੀ ਸੋਚ ਰਹੇ ਸਨ ਤਾਂ ਨਵਾਬ ਤੇ ਕਾਜੀ ਗੁਰੂ ਜੀ ਦੇ ਚਰਨਾਂ 'ਤੇ ਢਹਿ ਪਏ। ਗੁਰੂ ਸਾਹਿਬ ਜੀ ਦੀ ਯਾਦ 'ਚ ਇੱਥੇ ਗੁਰਦੁਆਰਾ ਸਾਹਿਬ ਮੌਜੂਦ ਹੈ ਤੇ ਇਸ ਥਾਂ ਗੁਰੂ ਜੀ ਵੱਲੋਂ ਨਵਾਬ ਤੇ ਕਾਜੀ ਦੇ ਅੰਦਰ ਦੀ ਗੱਲ ਦੱਸਣ ਕਾਰਨ ਇਸ ਗੁਰਦੁਆਰੇ ਦਾ ਨਾਂ ਗੁਰਦੁਆਰਾ ਅੰਤਰਯਾਮਤਾ ਸਾਹਿਬ ਪ੍ਰਸਿੱਧ ਹੋਇਆ ।
ਆਪਣੇ ਪਰਿਵਾਰ ਨੂੰ ਛੱਡ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ ‘ਸੁਲਤਾਨਪੁਰ’ ਆਉਣਾ
NEXT STORY 
