ਨਵੀਂ ਦਿੱਲੀ(ਬਿਊਰੋ)— ਇਹ ਧਨ-ਦੌਲਤ ਦਾ ਹੀ ਪ੍ਰਭਾਵ ਹੈ ਕਿ ਵਿਅਕਤੀ ਇਸ ਦੇ ਹੋਣ 'ਤੇ ਕਿਸੇ ਵੀ ਤਰ੍ਹਾਂ ਨਾਲ ਘਬਰਾਉਂਦਾ ਨਹੀਂ ਹੈ ਸਗੋਂ ਉਸ ਦੇ ਆਤਮਵਿਸ਼ਵਾਸ 'ਚ ਵਾਧਾ ਹੁੰਦਾ ਹੈ। ਲਕਸ਼ਮੀ ਦੀ ਮਹਿਮਾ ਕਿਸੇ ਵੀ ਤਰ੍ਹਾਂ ਨਾਲ ਘੱਟ ਨਹੀਂ ਹੈ ਪਰ ਸਵਾਲ ਇਹ ਉਠਦਾ ਹੈ ਕਿ ਘਰ 'ਚ ਲਕਸ਼ਮੀ ਅਤੇ ਧਨ-ਦੌਲਤ ਆਵੇ ਕਿਵੇਂ? ਕੀ ਸਿਰਫ ਲਕਸ਼ਮੀ ਦੀ ਪੂਜਾ ਕਰਨਾ ਹੀ ਕਾਫੀ ਹੈ? ਸ਼ੁੱਕਰਵਾਰ ਨੂੰ ਇਹ ਉਪਾਅ ਕਰਨ ਨਾਲ ਤੁਹਾਨੂੰ ਕਾਫੀ ਲਾਭ ਹੋਵੇਗਾ ਅਤੇ ਧਨ ਵਿਚ ਵਾਧਾ ਹੋਵੇਗਾ। ਸ਼ੁੱਕਰਵਾਰ ਨੂੰ ਇਕ ਸਟੀਲ ਜਾਂ ਲੋਹੇ ਦਾ ਤਾਲਾ ਖਰੀਦੋ ਪਰ ਧਿਆਨ ਰੱਖੋ ਕਿ ਤਾਲਾ ਬੰਦ ਹੋਣਾ ਚਾਹੀਦਾ ਹੈ ਖੁੱਲ੍ਹਾ ਨਹੀਂ। ਤਾਲਾ ਖਰੀਦਦੇ ਸਮੇਂ ਉਸ ਨੂੰ ਨਾ ਤਾਂ ਦੁਕਾਨਦਾਰ ਨੂੰ ਖੋਲਣ ਦਿਓ ਅਤੇ ਨਾ ਹੀ ਖੁਦ ਖੋਲ੍ਹੋ। ਉਸ ਨੂੰ ਡਿੱਬੇ 'ਚ ਰੱਖੋ। ਸ਼ੁੱਕਰਵਾਰ ਦੀ ਰਾਤ ਨੂੰ ਸੌਂਣ ਤੋਂ ਪਹਿਲਾਂ ਕਮਰੇ 'ਚ ਬਿਸਤਰ ਦੇ ਕੋਲ ਰੱਖ ਲਓ। ਸ਼ਨੀਵਾਰ ਨੂੰ ਸਵੇਰੇ ਉੱਠ ਕੇ ਨਹਾਉਣ ਤੋਂ ਬਾਅਦ ਤਾਲੇ ਨੂੰ ਬਿਨਾਂ ਖੋਲ੍ਹੇ ਮੰਦਰ ਜਾਂ ਕਿਸੇ ਵੀ ਧਾਰਮਿਕ ਸਥਾਨ 'ਤੇ ਰੱਖ ਦਿਓ। ਤਾਲੇ ਨੂੰ ਰੱਖ ਕੇ ਬਿਨਾਂ ਕੁਝ ਬੋਲੇ,ਬਿਨਾਂ ਪਿੱਛੇ ਮੁੜੇ ਘਰ ਵਾਪਸ ਆ ਜਾਓ। ਵਿਸ਼ਵਾਸ ਅਤੇ ਸ਼ਰਧਾ ਰੱਖੋ। ਜਿਵੇਂ ਹੀ ਕੋਈ ਉਸ ਤਾਲੇ ਨੂੰ ਖੋਲ੍ਹੇਗਾ। ਤੁਹਾਡੀ ਕਿਸਮਤ ਦਾ ਤਾਲਾ ਵੀ ਖੁਲ੍ਹ ਜਾਵੇਗਾ।
ਮੱਥੇ 'ਤੇ ਤਿਲਕ ਲਗਾਉਣ ਨੂੰ ਸ਼ੁੱਭ ਅਤੇ ਸਾਤਵਿਕਤਾ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਸਫਲਤਾ ਪ੍ਰਾਪਤੀ ਲਈ ਮੋਲੀ, ਹਲਦੀ, ਚੰਦਨ ਜਾਂ ਫਿਰ ਸੰਧੂਰ ਦਾ ਤਿਲਕ ਲਗਾਉਣ ਦੀ ਪ੍ਰਥਾ ਹੈ। ਜੇ ਤੁਸੀਂ ਕਿਸੇ ਵੀ ਨਵੇਂ ਕੰਮ ਲਈ ਜਾ ਰਹੇ ਹੋ, ਤਾਂ ਹਲਦੀ ਦਾ ਟਿੱਕਾ ਲਗਾ ਕੇ ਜਾਓ। ਇਹ ਟਿੱਕਾ ਤੁਹਾਡੀ ਸਫਲਤਾ ਵਿਚ ਮਦਦਗਾਰ ਸਾਬਤ ਹੋਵੇਗਾ। ਜੋ ਵਿਅਕਤੀ ਟਿੱਕੇ 'ਤੇ ਉੱਪਰ ਚਾਵਲ ਲਗਾਉਂਦਾ ਹੈ ਲਕਸ਼ਮੀ ਉਸ ਦੇ ਆਕਰਸ਼ਨ 'ਚ ਬਝ ਜਾਂਦੀ ਹੈ ਅਤੇ ਹਮੇਸ਼ਾ ਉਸ ਦੇ ਅੰਗ-ਸੰਗ ਰਹਿੰਦੀ ਹੈ।
ਘਰ ਦੇ ਕਲੇਸ਼ ਨੂੰ ਦੂਰ ਕਰਨ ਲਈ ਸ਼ੁੱਕਰਵਾਰ ਨੂੰ ਸ਼ੁੱਧ ਜਲ 'ਚ ਥੋੜ੍ਹੀ ਜਿਹੀ ਸ਼ੱਕਰ ਮਿਲਾ ਕੇ ਸ਼ਿਵ ਜੀ ਨੂੰ ਚੜ੍ਹਾਓ ਅਤੇ ਸੱਤ ਅਗਰਬੱਤੀਆਂ ਅਤੇ ਦੇਸੀ ਘਿਉ ਦਾ ਦੀਵਾ ਜਗਾਓ।
ਰਾਸ਼ੀਫਲ: ਅੱਜ ਇਨ੍ਹਾਂ ਰਾਸ਼ੀਆਂ ਨੂੰ ਹੋ ਸਕਦਾ ਹੈ ਧਨ-ਲਾਭ
NEXT STORY 
