ਫਗਵਾੜਾ(ਜਲੋਟਾ) : ਜੀ. ਐੱਨ. ਏ. ਯੂਨੀਵਰਸਿਟੀ ’ਚ ਫੈਕਲਟੀ ਆਫ ਹਾਸਪੀਟੈਲਿਟੀ ਦੀ ਸਰਪ੍ਰਸਤੀ ਹੇਠ ਹਾਸਪੀਟੈਲਿਟੀ ਅਤੇ ਟੂਰਿਜ਼ਮ ’ਤੇ ਇੱਕ ਦਿਨਾ ਪੰਜਵੀਂ ਅੰਤਰਰਾਸ਼ਟਰੀ ਆਈਸੀਓਸਟ 2023 ਕਾਨਫਰੰਸ ਦਾ ਸ਼ਾਨਦਾਰ ਆਯੋਜਨ ਕੀਤਾ। ਕਾਨਫਰੰਸ ਦਾ ਮੁੱਖ ਵਿਸ਼ਾ ,‘‘ਸੈਰ-ਸਪਾਟੇ ਬਾਰੇ ਮੁੜ ਵਿਚਾਰ ਕਰਨਾ, ਪ੍ਰਾਹੁਣਚਾਰੀ ਅਤੇ ਸੈਰ-ਸਪਾਟਾ ਉਦਯੋਗ ਦੇ ਭਵਿੱਖ ਨੂੰ ਨਵਾਂ ਰੂਪ ਦੇਣਾ’’ ਸੀ ਅਤੇ ਇਸਦੇ ਭਵਿੱਖ ਬਾਰੇ ਮੁੜ ਵਿਚਾਰ ਕਰਨਾ ਸੀ। ਕਾਨਫਰੰਸ ਦਾ ਉਦਘਾਟਨ ਜੀ. ਐੱਨ. ਏ. ਯੂਨੀਵਰਸਿਟੀ ਦੇ ਪ੍ਰੋ. ਵਾਈਸ ਚਾਂਸਲਰ ਪ੍ਰੋ. ਹੇਮੰਤ ਸ਼ਰਮਾ ਨੇ ਕੀਤਾ। ਇਸ ਮੌਕੇ ਮੁੱਖ ਮਹਿਮਾਨ ਸ਼ਿਵਦੁਲਾਰ ਸਿੰਘ ਢਿੱਲੋਂ, ਆਈ. ਏ. ਐੱਸ (ਸੇਵਾਮੁਕਤ) ਸਕੱਤਰ ਕਮ ਮੁੱਖ ਕਾਰਜਕਾਰੀ ਅਫ਼ਸਰ, ਪੰਜਾਬ ਰਾਜ ਰੈੱਡ ਕਰਾਸ ਸਨ। ਮੁੱਖ ਭਾਸ਼ਣ ਡਾ. ਰਾਬਰਟ ਜੇ. ਥਾਮਪਸਨ, ਸੀ.ਐੱਚ.ਏ., ਟੀ.ਐੱਮ.ਪੀ., ਵਿਲੀਅਮ ਕੈਰੀ ਯੂਨੀਵਰਸਿਟੀ, ਅਮਰੀਕਾ ਅਤੇ ਡਾ. ਨਿਮਿਤ ਚੌਧਰੀ, ਪ੍ਰੋਫੈਸਰ, ਸੈਰ-ਸਪਾਟਾ ਅਤੇ ਹਾਸਪੀਟੈਲਿਟੀ ਮੈਨੇਜਮੈਂਟ ਵਿਭਾਗ, ਫੈਕਲਟੀ ਆਫ ਮੈਨੇਜਮੈਂਟ ਸਟੱਡੀਜ਼, ਜਾਮੀਆ ਮਿਲੀਆ ਇਸਲਾਮੀਆ, ਨਵੀਂ ਦਿੱਲੀ ਨੇ ਦਿੱਤਾ। ਇਸ ਮੌਕੇ ਗੈਸਟ ਆਫ ਆਨਰ ਡਾ. ਸਵਿਤਾ ਸ਼ਰਮਾ ਐਸੋਸੀਏਟ ਪ੍ਰੋਫੈਸਰ ਵਿਸ਼ਵਕਰਮਾ ਸਕਿੱਲ ਯੂਨੀਵਰਸਿਟੀ, ਗੁਰੂਗ੍ਰਾਮ ਸਨ। ਉੱਘੇ ਉਦਯੋਗ ਮਾਹਿਰ ਡਾ.ਸ਼ੈੱਫ ਪਰਵਿੰਦਰ ਸਿੰਘ ਬਾਲੀ, ਕਾਰਪੋਰੇਟ ਸ਼ੈੱਫ-ਲਰਨਿੰਗ ਐਂਡ ਡਿਵੈਲਪਮੈਂਟ, ਓਬਰਾਏ ਸੈਂਟਰ ਆਫ ਲਰਨਿੰਗ ਐਂਡ ਡਿਵੈਲਪਮੈਂਟ ਸਨ।
ਕਾਨਫਰੰਸ ’ਚ ਦੇਸ਼ ਭਰ ਤੋਂ ਬਹੁਤ ਸਾਰੇ ਡੈਲੀਗੇਟਾਂ ਅਤੇ ਖੋਜ ਵਿਦਵਾਨਾਂ ਨੇ ਹਿੱਸਾ ਲਿਆ। ਇਸ ਮੌਕੇ ਉਦਯੋਗ ਮਾਹਿਰ ਵਲੋਂ ਵਿਦਿਆਰਥੀਆਂ ਨਾਲ ਗੱਲਬਾਤ ਕੀਤੀ ਗਈ ਅਤੇ ਪੈਨਲ ਵਿਚਾਰ ਚਰਚਾ ਵੀ ਕੀਤੀ ਗਈ । ਇੱਥੇ ਦੋ ਤਕਨੀਕੀ ਸੈਸ਼ਨ ਹੋਏ, ਜਿਸ ’ਚ ਦੇਸ਼ ਭਰ ਦੇ ਡੈਲੀਗੇਟਾਂ ਅਤੇ ਖੋਜ ਵਿਦਵਾਨਾਂ ਵਲੋਂ 20 ਖੋਜ ਪੱਤਰ ਪੇਸ਼ ਕੀਤੇ ਗਏ। ਇਸ ਮੌਕੇ ਮੋਨਿਕਾ ਹੰਸਪਾਲ, ਡੀਨ ਅਕਾਦਮਿਕ ਜੀ. ਐੱਨ. ਏ. ਯੂਨੀਵਰਸਿਟੀ ਅਤੇ ਹੋਰ ਪਤਵੰਤੇ ਸੱਜਣਾਂ ਨੇ ਵੀ ਇਸ ਕਾਨਫਰੰਸ ’ਚ ਸ਼ਿਰਕਤ ਕੀਤੀ। ਕਾਨਫਰੰਸ ਚ ਡਾ. ਦੀਪਕ ਕੁਮਾਰ ਬਤੌਰ ਚੇਅਰਪਰਸਨ ਸਨ ਅਤੇ ਸ਼ੈੱਫ ਧੀਰਜ ਪਾਠਕ ਨੇ ਕਨਵੀਨਰ ਵਜੋਂ ਮੌਜੂਦ ਸਨ। ਜੀ. ਐੱਨ. ਏ. ਯੂਨੀਵਰਸਿਟੀ ਦੇ ਪ੍ਰੋ-ਚਾਂਸਲਰ ਗੁਰਦੀਪ ਸਿੰਘ ਸਿਹਰਾ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਕਾਨਫਰੰਸ ਨੂੰ ਪੂਰੇ ਜ਼ੋਰ-ਸ਼ੋਰ ਨਾਲ ਜੀ. ਐੱਨ. ਏ. ਵਿਖੇ ਆਯੋਜਿਤ ਕਰਨ ਲਈ ਟੀਮ ਦੇ ਯਤਨਾਂ ਨੂੰ ਦੇਖ ਕੇ ਖੁਸ਼ੀ ਹੋ ਰਹੀ ਹੈ।
ਡਾ. ਵੀ.ਕੇ ਰਤਨ ਨੇ ਕਿਹਾ ਕਿ ਅੰਤਰਰਾਸ਼ਟਰੀ ਪ੍ਰਸਿੱਧੀ ਦੇ ਸਮਾਗਮਾਂ ’ਚ ਵਿਦਿਆਰਥੀਆਂ ਦੀ ਸਰਗਰਮ ਭਾਗੀਦਾਰੀ ਨੂੰ ਦੇਖਣਾ ਮਾਣ ਵਾਲੀ ਗੱਲ ਹੈ। ਡਾ. ਮੋਨਿਕਾ ਹੰਸਪਾਲ ਨੇ ਕਿਹਾ ਕਿ ਯੂਨੀਵਰਸਿਟੀ ਹਮੇਸ਼ਾ ਅਕਾਦਮਿਕ ਅਤੇ ਸਹਿ-ਪਾਠਕ੍ਰਮ ਵਿਕਾਸ ਦੀਆਂ ਘਟਨਾਵਾਂ ਨੂੰ ਸ਼ੁਰੂ ਕਰਨ ਲਈ ਵਿਸ਼ੇਸ਼ ਯਤਨ ਕਰਦੀ ਹੈ ਜਿਸ ਨਾਲ ਜੀਵੀਆਂ ਨੂੰ ਉਨ੍ਹਾਂ ਦੇ ਜੀਵਨ ਦੇ ਸਾਰੇ ਖੇਤਰਾਂ ’ਚ ਜਾਗਰੂਕ ਕੀਤਾ ਜਾ ਸਕੇ। ਇਸ ਮੌਕੇ ਕਈ ਪਤਵੰਤੇ ਮੌਜੂਦ ਸਨ।
ASI ਨੇ ਚਾਵਾਂ ਨਾਲ ਕੈਨੇਡਾ ਭੇਜੀ ਨੂੰਹ ਨੇ ਵਰਕ ਪਰਮਿਟ ਮਿਲਦਿਆਂ ਬਦਲੇ ਰੰਗ, ਕਰਤੂਤ ਨੇ ਉਡਾਏ ਹੋਸ਼
NEXT STORY 
