ਜਲੰਧਰ (ਵਰੁਣ)–ਕੁੱਕੀ ਢਾਬ ਵਿਚ ਘਰ ਅੰਦਰ ਦਾਖ਼ਲ ਹੋ ਕੇ ਮਾਂ-ਪੁੱਤ ਨੂੰ ਬੰਦੀ ਬਣਾ ਕੇ ਗਹਿਣੇ ਲੁੱਟਣ ਵਾਲੇ 4 ਲੁਟੇਰਿਆਂ ਦੀ ਪੁਲਸ ਨੇ ਗ੍ਰਿਫ਼ਤਾਰੀ ਵਿਖਾ ਦਿੱਤੀ ਹੈ। ਘਟਨਾ ਦਾ ਮਾਸਟਰਮਾਈਂਡ ਨੌਜਵਾਨ ਅਜੇ ਫ਼ਰਾਰ ਹੈ ਅਤੇ ਉਸ ਕੋਲ ਹੀ ਲੁੱਟੇ ਹੋਏ ਸਾਰੇ ਗਹਿਣੇ ਹਨ। ਜਾਂਚ ਵਿਚ ਪਤਾ ਲੱਗਾ ਕਿ 15 ਦਿਨਾਂ ਤੋਂ ਮੁਲਜ਼ਮ ਅਨਿਲ ਕੁਮਾਰ ਉਰਫ ਰਿੰਕੂ ਦੇ ਘਰ ਦੀ ਰੇਕੀ ਕਰ ਰਹੇ ਸਨ। ਰੇਕੀ ਤੋਂ ਬਾਅਦ ਕੋਟ ਸਦੀਕ ਦੇ ਮਾਸਟਰਮਾਈਂਡ ਮੁਲਜ਼ਮ ਨੇ ਕਰਤਾਰਪੁਰ ਤੋਂ ਰਿਸ਼ਤੇਦਾਰੀ ਵਿਚ ਭਰਾ ਲੱਗਦੇ ਨੌਜਵਾਨ ਅਤੇ ਉਸ ਦੇ ਸਾਥੀ ਨੂੰ ਵੀ ਬੁਲਾ ਲਿਆ ਸੀ। ਕੋਟ ਸਦੀਕ ਵਿਚ ਚਾਹ ਦੀਆਂ ਚੁਸਕੀਆਂ ਦੇ ਨਾਲ-ਨਾਲ ਉਨ੍ਹਾਂ ਵਾਰਦਾਤ ਕਰਨ ਦਾ ਢੰਗ ਚੁਣਿਆ ਅਤੇ ਵਾਰਦਾਤ ਤੋਂ ਬਾਅਦ ਫਿਰ ਕੋਟ ਸਦੀਕ ਇਲਾਕੇ ਵਿਚ ਆ ਗਏ।
ਇਹ ਵੀ ਪੜ੍ਹੋ: ਸਿੱਧੂ ਨੂੰ ਪ੍ਰਧਾਨ ਬਣਾਉਣ 'ਤੇ ਖ਼ੁਸ਼ੀ ਜ਼ਾਹਰ ਕਰਦਿਆਂ ਵਿਧਾਇਕ ਗਿਲਜ਼ੀਆਂ ਨੇ ਕੈਪਟਨ ਬਾਰੇ ਆਖੀ ਵੱਡੀ ਗੱਲ
ਕਾਬੂ ਮੁਲਜ਼ਮਾਂ ਦੀ ਪਛਾਣ ਕੋਟ ਸਦੀਕ ਦੇ ਕਾਂਸੀ ਮੁਹੱਲਾ ਦਾ ਰਹਿਣ ਵਾਲੇ ਰਾਜਨ ਉਰਫ ਰਾਜੂ ਪੁੱਤਰ ਸੁਰਜੀਤ ਸਿੰਘ, ਹਰਨੂਰ ਉਰਫ ਨੂਰ ਪੁੱਤਰ ਅਵਤਾਰ ਸਿੰਘ, ਨਵਪ੍ਰੀਤ ਸਿੰਘ ਉਰਫ਼ ਅਭੀ ਪੁੱਤਰ ਕਰਨੈਲ ਸਿੰਘ ਨਿਵਾਸੀ ਰਹੀਮਪੁਰ (ਕਰਤਾਰਪੁਰ) ਅਤੇ ਦੀਪ ਸਿੰਘ ਪੁੱਤਰ ਦਲਵੀਰ ਸਿੰਘ ਨਿਵਾਸੀ ਰਹੀਮਪੁਰ ਵਜੋਂ ਹੋਈ ਹੈ। ਡੀ. ਸੀ. ਪੀ. ਇਨਵੈਸਟੀਗੇਸ਼ਨ ਗੁਰਮੀਤ ਸਿੰਘ ਨੇ ਦੱਸਿਆ ਕਿ ਕੋਟ ਸਦੀਕ ਇਲਾਕੇ ਦਾ ਰਹਿਣ ਵਾਲਾ ਦੀਪਕ ਉਰਫ਼ ਦੀਪੂ ਪੁੱਤਰ ਮਦਨ ਲਾਲ ਵਾਰਦਾਤ ਦਾ ਮਾਸਟਰਮਾਈਂਡ ਹੈ, ਜਿਹੜਾ ਲੁੱਟੇ ਹੋਏ ਗਹਿਣਿਆਂ ਸਮੇਤ ਫ਼ਰਾਰ ਹੈ। ਰਾਜਨ, ਨੂਰ ਅਤੇ ਦੀਪਕ ਵਾਰਦਾਤ ਤੋਂ 15 ਦਿਨ ਪਹਿਲਾਂ ਰਿੰਕੂ ਦੇ ਕੁੱਕੀ ਢਾਬ ’ਤੇ ਸਥਿਤ ਘਰ ਵਿਚ ਵਿਆਹ ਦਾ ਡੱਬਾ ਦੇਣ ਬਹਾਨੇ ਰੇਕੀ ਕਰਨ ਆਏ ਸਨ।
ਇਹ ਵੀ ਪੜ੍ਹੋ: ਕੈਪਟਨ ਵੱਲੋਂ ਆਪਣੇ ਧੜੇ ਨੂੰ ਮਜ਼ਬੂਤੀ ਦੇਣ ਦਾ ਕੰਮ ਸ਼ੁਰੂ, ਸੰਸਦ ਮੈਂਬਰਾਂ ਤੇ ਵਿਧਾਇਕਾਂ ਨੂੰ ਦਿੱਤੀਆਂ ਇਨੋਵਾ ਗੱਡੀਆਂ
ਜਾਂਚ ਵਿਚ ਪਤਾ ਲੱਗਾ ਕਿ ਮੁਲਜ਼ਮਾਂ ਨੇ 15 ਦਿਨਾਂ ਤੋਂ ਘਰ ’ਤੇ ਨਜ਼ਰ ਰੱਖੀ ਹੋਈ ਸੀ ਅਤੇ ਆਉਣ-ਜਾਣ ਵਾਲੇ ਲੋਕਾਂ ਅਤੇ ਪਰਿਵਾਰਕ ਮੈਂਬਰਾਂ ਦੀ ਮੂਵਮੈਂਟ ਦੇਖ ਰਹੇ ਸਨ। ਰੇਕੀ ਕਰਨ ਤੋਂ ਬਾਅਦ ਦੀਪਕ ਨੇ ਆਪਣੇ ਤਾਏ ਦੇ ਪੁੱਤ ਅਭੀ ਨੂੰ ਫੋਨ ਕਰਕੇ ਜਲੰਧਰ ਵਿਚ ਵਾਰਦਾਤ ਕਰਨ ਬਾਰੇ ਕਿਹਾ। ਦੀਪਕ ਦੇ ਕਹਿਣ ’ਤੇ ਅਭੀ ਆਪਣੇ ਸਾਥੀ ਦੀਪ ਸਿੰਘ ਨੂੰ ਵੀ ਮੋਟਰਸਾਈਕਲ ’ਤੇ ਬਿਠਾ ਕੇ ਜਲੰਧਰ ਲੈ ਆਇਆ। ਜਿਉਂ ਹੀ ਦੀਪ ਤੇ ਅਭੀ ਕੋਟ ਸਦੀਕ ਇਲਾਕੇ ਵਿਚ ਪਹੁੰਚੇ ਤਾਂ ਰਾਜਨ, ਨੂਰ ਤੇ ਦੀਪਕ ਉਨ੍ਹਾਂ ਦੀ ਉਡੀਕ ਕਰ ਰਹੇ ਸਨ। ਦੋਵਾਂ ਨੇ ਉਥੇ ਹੀ ਚਾਹ ਪੀਤੀ ਅਤੇ ਦੀਪਕ ਨੇ ਉਨ੍ਹਾਂ ਨੂੰ ਵਾਰਦਾਤ ਕਰਨ ਦਾ ਢੰਗ ਦੱਸਿਆ।
ਇਹ ਵੀ ਪੜ੍ਹੋ: ਜਲੰਧਰ: ਜੀਜੇ ਨਾਲ ਵਿਆਹ ਕਰਵਾਉਣਾ ਚਾਹੁੰਦੀ ਸੀ ਛੋਟੀ ਭੈਣ, ਦੁਖੀ ਭਰਾ ਨੇ ਜ਼ਹਿਰ ਨਿਗਲ ਕੇ ਕੀਤੀ ਖ਼ੁਦਕੁਸ਼ੀ
ਦੀਪਕ ਨੇ ਕਿਹਾ ਕਿ ਉਹ ਅਭੀ ਅਤੇ ਨੂਰ ਦੇ ਨਾਲ ਘਰ ਵਿਚ ਦਾਖ਼ਲ ਹੋਵੇਗਾ, ਜਦੋਂ ਕਿ ਰਸਤੇ ਵਿਚ ਰਾਜਨ ਅਤੇ ਦੀਪ ਸਿੰਘ ਬਦਲਣ ਲਈ ਕੱਪੜੇ ਦੇਣਗੇ। ਵਾਰਦਾਤ ਤੋਂ ਪਹਿਲਾਂ ਘਰ ਵਿਚ ਦਾਖ਼ਲ ਹੋਣ ਵਾਲੇ ਤਿੰਨਾਂ ਮੁਲਜ਼ਮਾਂ ਨੇ ਕੱਪੜੇ ਬਦਲੇ, ਤਿੰਨਾਂ ਨੇ ਯੋਜਨਾ ਅਨੁਸਾਰ ਸਿਰਾਂ ’ਤੇ ਪੱਗਾਂ ਬੰਨ੍ਹ ਲਈਆਂ ਅਤੇ ਨਾਖਾਂ ਵਾਲੇ ਬਾਗ ਇਲਾਕੇ ਵਿਚ ਮਠਿਆਈ ਦਾ ਡੱਬਾ ਲੈ ਕੇ ਅਨਿਲ ਉਰਫ ਰਿੰਕੂ ਦੇ ਘਰ ਦੇ ਬਾਹਰ ਪਹੁੰਚ ਗਏ। ਅਭੀ ਨੇ ਪੁੱਛਗਿੱਛ ਦੌਰਾਨ ਕਬੂਲਿਆ ਕਿ ਸਭ ਤੋਂ ਪਹਿਲਾਂ ਦੀਪਕ ਡੱਬਾ ਲੈ ਕੇ ਘਰ ਅੰਦਰ ਦਾਖ਼ਲ ਹੋਇਆ। ਦੀਪਕ ਕੋਲ ਰਿਵਾਲਵਰ ਸੀ, ਜਦੋਂ ਕਿ ਰਾਜਨ ਅਤੇ ਅਭੀ ਕੋਲ ਦਾਤਰ ਸੀ। ਅੰਦਰ ਜਾ ਕੇ ਜਿਉਂ ਹੀ ਅਨਿਲ ਆਪਣੇ ਮਾਂ ਦੇ ਕਮਰੇ ਵਿਚ ਆਇਆ ਤਾਂ ਉਨ੍ਹਾਂ ਦੋਵਾਂ ਨੂੰ ਬੰਦੀ ਬਣਾ ਲਿਆ। ਦੀਪਕ ਨੇ ਸ਼ਾਰਦਾ ਰਾਣੀ ਦੇ ਸਾਰੇ ਗਹਿਣੇ ਲਾਹੇ ਅਤੇ ਉਥੋਂ ਭੱਜ ਗਏ।
ਡੀ. ਸੀ. ਪੀ. ਨੇ ਦੱਸਿਆ ਕਿ ਵਾਰਦਾਤ ਤੋਂ ਬਾਅਦ ਮੁਲਜ਼ਮ ਘਾਹ ਮੰਡੀ ਤੋਂ ਹੁੰਦੇ ਹੋਏ ਕੋਟ ਸਦੀਕ ਪਹੁੰਚ ਗਏ ਅਤੇ ਉਥੇ ਨਹਿਰ ਦੇ ਨੇੜੇ ਕੱਪੜੇ ਬਦਲੇ। ਕੱਪੜੇ ਮੋਟਰਸਾਈਕਲ ’ਤੇ ਆਏ ਦੀਪ ਸਿੰਘ ਅਤੇ ਰਾਜਨ ਲੈ ਕੇ ਆਏ ਸਨ। ਉਥੇ ਹੀ ਉਨ੍ਹਾਂ ਮੂੰਹ ਤੋਂ ਮਾਸਕ ਹਟਾਇਆ ਅਤੇ ਪੱਗ ਵੀ ਲਾਹ ਿਦੱਤੀ। ਉਸੇ ਜਗ੍ਹਾ ਨੇੜੇ ਲੱਗੇ ਸੀ. ਸੀ. ਟੀ. ਵੀ. ਕੈਮਰੇ ਵਿਚ ਮੁਲਜ਼ਮ ਕੈਦ ਹੋ ਗਏ ਅਤੇ ਪੁਲਸ ਨੇ 4 ਲੁਟੇਰਿਆਂ ਨੂੰ ਗ੍ਰਿਫ਼ਤਾਰ ਕਰਨ ਤੋਂ ਬਾਅਦ ਵਾਰਦਾਤ ਵਿਚ ਵਰਤੇ ਐਕਟਿਵਾ ਅਤੇ ਮੋਟਰਸਾਈਕਲ ਵੀ ਬਰਾਮਦ ਕਰ ਲਏ।
ਇਹ ਵੀ ਪੜ੍ਹੋ: ਕਰਤਾਰਪੁਰ: ਨਸ਼ਾ ਛੁਡਾਊ ਕੇਂਦਰ 'ਚ ਨੌਜਵਾਨ ਦੀ ਸ਼ੱਕੀ ਹਾਲਾਤ 'ਚ ਮੌਤ, ਸਰੀਰ 'ਤੇ ਮਿਲੇ ਸੱਟਾਂ ਦੇ ਨਿਸ਼ਾਨ
ਥਾਣਾ ਨੰਬਰ 7 ਦੇ ਇੰਚਾਰਜ ਗਗਨਦੀਪ ਸਿੰਘ ਦਾ ਕਹਿਣਾ ਹੈ ਕਿ ਫ਼ਰਾਰ ਚੱਲ ਰਹੇ ਮਾਸਟਰਮਾਈਂਡ ਦੀਪਕ ਦੀ ਗ੍ਰਿਫ਼ਤਾਰੀ ਲਈ ਛਾਪੇ ਮਾਰੇ ਜਾ ਰਹੇ ਹਨ। ਦੀਪਕ ਦੇ ਹੱਥ ਵਿਚ ਖਿਡੌਣਾ ਪਿਸਤੌਲ ਫੜਿਆ ਹੋਇਆ ਸੀ। ਉਨ੍ਹਾਂ ਕਿਹਾ ਕਿ ਜਲਦ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰਕੇ ਲੁੱਟੇ ਹੋਏ ਗਹਿਣੇ ਬਰਾਮਦ ਕਰ ਲਏ ਜਾਣਗੇ। ਦੱਸਿਆ ਜਾ ਰਿਹਾ ਹੈ ਕਿ ਦੀਪਕ ਨਸ਼ੇੜੀ ਕਿਸਮ ਦਾ ਹੈ ਅਤੇ ਨਸ਼ਿਆਂ ਦੀ ਪੂਰਤੀ ਲਈ ਉਸ ਨੇ ਵਾਰਦਾਤ ਨੂੰ ਅੰਜਾਮ ਦਿੱਤਾ ਹੈ।
ਮਾਂ ਦੇ ਗਹਿਣੇ ਵੇਖ ਕੇ ਹੀ ਮੁਲਜ਼ਮਾਂ ਨੇ ਕੀਤੀ ਹੋਵੇਗੀ ਰੇਕੀ : ਰਿੰਕੂ
ਅਨਿਲ ਕੁਮਾਰ ਉਰਫ਼ ਰਿੰਕੂ ਦਾ ਕਹਿਣਾ ਹੈ ਕਿ ਦੀਪਕ ਨੂੰ ਉਸ ਨੇ ਕੁੱਕੀ ਢਾਬ ਇਲਾਕੇ ਵਿਚ ਨਸ਼ੇੜੀਆਂ ਨਾਲ ਘੁੰਮਦਾ ਦੇਖਿਆ ਹੈ। ਹੋ ਸਕਦਾ ਹੈ ਕਿ ਉਸ ਦੀ ਮਾਂ ਨੂੰ ਉਥੇ ਵੇਖਿਆ ਹੋਵੇ ਅਤੇ ਉਸ ਦੇ ਗਹਿਣਿਆਂ ’ਤੇ ਮੁਲਜ਼ਮ ਦੀ ਅੱਖ ਹੋਵੇ। ਰਿੰਕੂ ਨੇ ਦੱਸਿਆ ਕਿ ਉਸ ਦੀ ਮਾਂ ਹਮੇਸ਼ਾ ਗਹਿਣੇ ਪਹਿਨ ਕੇ ਰੱਖਦੀ ਸੀ ਅਤੇ ਇਸੇ ਗੱਲ ਦਾ ਫਾਇਦਾ ਉਠਾ ਕੇ ਮੁਲਜ਼ਮਾਂ ਨੇ ਪਹਿਲਾਂ ਰੇਕੀ ਕੀਤੀ ਅਤੇ ਫਿਰ ਵਾਰਦਾਤ ਨੂੰ ਅੰਜਾਮ ਦਿੱਤਾ।
ਇਹ ਵੀ ਪੜ੍ਹੋ: ਵੱਡੇ-ਵੱਡੇ ਪੰਡਿਤਾਂ ਨੂੰ ਮਾਤ ਪਾਉਂਦੈ ਗੋਰਾਇਆ ਦਾ ਇਹ 7 ਸਾਲ ਦਾ ਬੱਚਾ, ਮੰਤਰ ਸੁਣ ਹੋ ਜਾਵੋਗੇ ‘ਮੰਤਰ ਮੁਗਧ’ (ਵੀਡੀਓ)
ਨੋਟ : ਇਸ ਖ਼ਬਰ ਬਾਰੇ ਤੁਸੀਂ ਕੀ ਕਹਿਣਾ ਚਾਹੁੰਦੇ ਹੋ, ਕੁਮੈਂਟ ਬਾਕਸ ’ਚ ਦਿਓ ਆਪਣੀ ਰਾਏ
ਵਿਆਹ ਦਾ ਝਾਂਸਾ ਦੇ ਕੇ ਨਾਬਾਲਗ ਕੁੜੀ ਨਾਲ ਮਿਟਾਈ ਹਵਸ ਦੀ ਭੁੱਖ
NEXT STORY 
