ਲਾਂਬੜਾ (ਵਰਿੰਦਰ)-ਜੇਲ ਤੋਂ ਛੁੱਟੀ 'ਤੇ ਆਏ ਨਸ਼ਾ ਸਮੱਗਲਰ ਕੋਲੋਂ ਹੈਰੋਇਨ ਖਰੀਦ ਕੇ ਵੇਚਣ ਵਾਲੇ ਦੋ ਮੁਲਜ਼ਮਾਂ ਨੂੰ ਪੁਲਸ ਨੇ ਗ੍ਰਿਫਤਾਰ ਕੀਤਾ ਹੈ। ਦੋਵੇਂ ਸਮੱਗਲਰ ਕਪੂਰਥਲਾ ਤੋਂ ਲਾਂਬੜਾ ਏਰੀਏ ਵਿਚ ਹੈਰੋਇਨ ਵੇਚਣ ਆਉਂਦੇ ਸਨ। ਪੁਲਸ ਨੇ ਇਨ੍ਹਾਂ ਦੋਵਾਂ ਤੋਂ ਇਲਾਵਾ ਮੁੱਖ ਸਮੱਗਲਰ ਤੀਰਥ ਨੂੰ ਵੀ ਨਾਮਜ਼ਦ ਕੀਤਾ ਹੈ। ਤੀਰਥ ਨੂੰ ਨਸ਼ਾ ਸਮੱਗਲਰੀ ਵਿਚ 10 ਸਾਲ ਦੀ ਸਜ਼ਾ ਹੋ ਚੁੱਕੀ ਹੈ ਪਰ ਕੁਝ ਸਮਾਂ ਪਹਿਲਾਂ ਹੀ ਉਹ ਛੁੱਟੀ 'ਤੇ ਆਇਆ ਸੀ।
ਥਾਣਾ ਲਾਂਬੜਾ ਦੇ ਇੰਚਾਰਜ ਪੁਸ਼ਪ ਬਾਲੀ ਨੇ ਦੱਸਿਆ ਕਿ ਏ. ਐੱਸ. ਆਈ. ਜਸਵਿੰਦਰ ਸਿੰਘ ਨੇ ਗੁਪਤ ਸੂਚਨਾ ਦੇ ਆਧਾਰ 'ਤੇ ਚਿੱਟੀ ਪਿੰਡ ਕੋਲ ਨਾਕਾਬੰਦੀ ਕੀਤੀ ਹੋਈ ਸੀ। ਇਸ ਦੌਰਾਨ ਪੈਦਲ ਆ ਰਹੇ ਨੌਜਵਾਨ ਨੂੰ ਰੋਕ ਕੇ ਉਸ ਦੀ ਤਲਾਸ਼ੀ ਲਈ ਗਈ ਤਾਂ ਉਸ ਦੀ ਜੇਬ ਵਿਚੋਂ ਮਿਲੇ ਤਿੰਨ ਛੋਟੇ ਲਿਫਾਫਿਆਂ ਵਿਚ ਤਿੰਨ ਗ੍ਰਾਮ ਹੈਰੋਇਨ ਮਿਲੀ। ਤਿੰਨਾਂ ਵਿਚ 1-1 ਗ੍ਰਾਮ ਹੈਰੋਇਨ ਪੈਕ ਕੀਤੀ ਹੋਈ ਸੀ। ਮੁਲਜ਼ਮ ਦੀ ਪਛਾਣ ਲਵਪ੍ਰੀਤ ਸਿੰਘ ਪੁੱਤਰ ਸਤਨਾਮ ਸਿੰਘ ਵਾਸੀ ਕੋਟ ਗੋਬਿੰਦਪੁਰਾ (ਕਪੂਰਥਲਾ) ਦੇ ਤੌਰ 'ਤੇ ਹੋਈ ਹੈ।
ਪੁਲਸ ਨੇ ਲਵਪ੍ਰੀਤ ਕੋਲੋਂ ਪੁੱਛਗਿੱਛ ਕੀਤੀ ਤਾਂ ਪਤਾ ਲੱਗਾ ਕਿ ਲਵਪ੍ਰੀਤ ਆਪਣੇ ਪਿੰਡ ਦੇ ਰਹਿਣ ਵਾਲੇ ਸਤਨਾਮ ਸਿੰਘ ਪੁੱਤਰ ਤਰਸੇਮ ਸਿੰਘ ਕੋਲੋਂ ਹੈਰੋਇਨ ਖਰੀਦਦਾ ਸੀ। ਪੁਲਸ ਨੇ ਟਰੈਪ ਲਾ ਕੇ ਸਤਨਾਮ ਸਿੰਘ ਨੂੰ ਕਾਬੂ ਕਰ ਲਿਆ। ਉਸ ਕੋਲੋਂ ਪੁਲਸ ਨੇ 14 ਲਿਫਾਫੇ ਬਰਾਮਦ ਕੀਤੇ, ਜਿਨ੍ਹਾਂ ਵਿਚ ਪੰਜ ਗ੍ਰਾਮ ਹੈਰੋਇਨ ਪੈਕ ਕੀਤੀ ਹੋਈ ਸੀ। ਸਤਨਾਮ ਉਰਫ ਸੱਤੂ ਕੋਲੋਂ ਪੁੱਛਗਿੱਛ ਵਿਚ ਪਤਾ ਲੱਗਾ ਕਿ ਕਪੂਰਥਲਾ ਦੇ ਪਿੰਡ ਗੋਬਿੰਦਪੁਰਾ ਦੇ ਹੀ ਰਹਿਣ ਵਾਲੇ ਤੀਰਥ ਕੋਲੋਂ ਹੈਰੋਇਨ ਖਰੀਦ ਕੇ ਉਹ ਅੱਗੇ ਵੇਚਦਾ ਸੀ। ਤੀਰਥ ਸਿੰਘ ਨੂੰ ਨਸ਼ਾ ਸਮੱਗਲਿੰਗ ਦੇ ਕੇਸ ਵਿਚ 10 ਸਾਲ ਦੀ ਸਜ਼ਾ ਸੁਣਾਈ ਗਈ ਸੀ ਪਰ ਕੁਝ ਸਮਾਂ ਪਹਿਲਾਂ ਹੀ ਉਹ ਛੁੱਟੀ 'ਤੇ ਆਇਆ ਸੀ ਪਰ ਦੁਬਾਰਾ ਨਸ਼ਾ ਵੇਚਣ ਲੱਗਾ। ਪੁਲਸ ਨੇ ਤੀਰਥ ਨੂੰ ਵੀ ਨਾਮਜ਼ਦ ਕੀਤਾ ਹੈ, ਜਿਸ ਦੀ ਭਾਲ ਵਿਚ ਰੇਡ ਕੀਤੀ ਜਾ ਰਹੀ ਹੈ। ਫੜੇ ਗਏ ਮੁਲਜ਼ਮਾਂ ਨੂੰ ਅਦਾਲਤ ਵਿਚ ਪੇਸ਼ ਕਰਨ ਤੋਂ ਬਾਅਦ ਜੇਲ ਭੇਜ ਦਿੱਤਾ ਗਿਆ ਹੈ।
ਪੰਜਾਬ ਦਾ ਇਸ ਵਾਰ ਵੀ ਨਹੀਂ ਘਟਿਆ ‘ਝੋਨੇ ਨਾਲੋਂ ਮੋਹ’
NEXT STORY 
