ਜਲੰਧਰ (ਸੋਨੂੰ)— ਜਲੰਧਰ ਦੇ ਸੈਂਟਰਲ ਟਾਊਨ 'ਚ ਇਕ ਗੋਦਾਮ 'ਚ ਚੋਰਾਂ ਵੱਲੋਂ ਰਾਤੋਂ-ਰਾਤ ਹੱਥ ਸਾਫ ਕਰ ਦਿੱਤਾ ਹੈ। ਇਸ ਵਾਰਦਾਤ ਦਾ ਪਤਾ ਅੱਜ ਉਸ ਸਮੇਂ ਲੱਗਾ ਜਦੋਂ ਮਾਲਕਾਂ ਵੱਲੋਂ ਗੋਦਾਮ ਨੂੰ ਖੋਲ੍ਹਿਆ ਗਿਆ। ਫਗਵਾੜਾ ਗੇਟ ਸਥਿਤ ਸਕਾਈਲਾਈਨ ਇੰਟਰਪ੍ਰਾਈਜ਼ ਦੇ ਮਾਲਕ ਹਰਪ੍ਰੀਤ ਸਿੰਘ ਪੁੱਤਰ ਜਗਦੀਸ਼ ਪਾਲ ਵਾਸੀ ਸੈਂਟਰਲ ਟਾਊਨ ਨੇ ਦੱਸਿਆ ਕਿ ਘਰ ਦੇ ਕੋਲ ਹੀ ਉਨ੍ਹਾਂ ਦਾ ਇਕ ਸੈਂਟਰਲ ਟਾਊਨ 'ਚ ਗੋਦਾਮ ਹੈ। ਉਨ੍ਹਾਂ ਦੱਸਿਆ ਕਿ ਉਹ ਲੁਧਿਆਣਾ ਕਿਸੇ ਰਿਸ਼ਤੇਦਾਰ ਦੇ ਘਰ ਕਿਸੇ ਵਿਆਹ ਸਮਾਰੋਹ 'ਚ ਗਏ ਹੋਏ ਸਨ ਅਤੇ ਐਤਵਾਰ ਹੀ ਵਾਪਸ ਪਰਤੇ ਸਨ।
ਉਨ੍ਹਾਂ ਦੱਸਿਆ ਕਿ ਕਰੀਬ 5 ਚੋਰ 25 ਜਨਵਰੀ ਦੀ ਰਾਤ 1.30 ਵਜੇ ਦੇ ਕਰੀਬ ਗੋਦਾਮ 'ਚ ਤਾਲੇ ਤੋੜ ਕੇ ਦਾਖਲ ਹੋਏ ਅਤੇ ਰਾਤ 2 ਵਜੇ ਕੇ 7 ਮਿੰਟ 'ਤੇ ਰੇਹੜੇ 'ਤੇ ਕੁਝ ਸਾਮਾਨ ਲੱਦ ਕੇ ਲੈ ਗਏ। ਫਿਰ ਦੋਬਾਰਾ 3 ਵਜ ਕੇ 1 ਮਿੰਟ 'ਤੇ ਆਏ ਅਤੇ 3 ਵਜ ਕੇ 7 ਮਿੰਟ 'ਤੇ ਦੂਜੀ ਵਾਰ ਰੇਹੜੇ 'ਤੇ ਸਾਮਾਨ ਲੱਦ ਕੇ ਲੈ ਗਏ। ਇਸ ਤੋਂ ਸਾਫ ਜ਼ਾਹਰ ਹੁੰਦਾ ਹੈ ਕਿ ਚੋਰੀ ਭੇਤੀ ਹੋਣਗੇ। ਚੋਰੀ ਦੀ ਇਹ ਸਾਰੀ ਵਾਰਦਾਤ ਨੇੜੇ ਲੱਗੇ ਸੀ. ਸੀ. ਟੀ. ਵੀ. ਕੈਮਰੇ 'ਚ ਕੈਦ ਹੋ ਗਈ।
ਚੋਰ ਗੋਦਾਮ 'ਚੋਂ ਗੀਜ਼ਰ, ਏ. ਸੀ. ਦੀਆਂ ਪਾਈਪਾਂ ਸਮੇਤ ਹੋਰ ਕੀਮਤੀ ਸਾਮਾਨ ਚੁੱਕੇ ਕੇ ਲੈ ਗਏ ਹਨ। ਚੋਰੀ ਦੀ ਵਾਰਦਾਤ ਦਾ ਪਤਾ ਲੱਗਣ 'ਤੇ ਮੌਕੇ 'ਤੇ ਥਾਣਾ ਡਿਵੀਜ਼ਨ ਨੰਬਰ ਤਿੰਨ ਨੂੰ ਇਸ ਦੀ ਸੂਚਨਾ ਦਿੱਤੀ ਗਈ। ਮੌਕੇ 'ਤੇ ਪਹੁੰਚੀ ਪੁਲਸ ਨੇ ਸੀ. ਸੀ. ਟੀ. ਵੀ. ਦੇ ਆਧਾਰ 'ਤੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮਾਲਕਾਂ ਮੁਤਾਬਕ ਚੋਰ ਕਰੀਬ ਢਾਈ ਲੱਖ ਦਾ ਸਾਮਾਨ ਚੋਰੀ ਕਰਕੇ ਲੈ ਗਏ ਹਨ।
NGT ਸਖਤ, ਰੂਪਨਗਰ 'ਚ 31 ਮਾਰਚ ਤੱਕ ਸੀਵਰੇਜ ਸਿਸਟਮ ਦਰੁਸਤ ਕਰਨ ਦੇ ਦਿੱਤੇ ਹੁਕਮ
NEXT STORY 
