ਮੁੰਬਈ (ਬਿਊਰੋ) - ਗਣੇਸ਼ ਚਤੁਰਥੀ ਦੇ ਮੌਕੇ ‘ਤੇ ਅੰਬਾਨੀ ਪਰਿਵਾਰ ਨੇ ਮੁੰਬਈ ਸਥਿਤ ਆਪਣੇ ਘਰ ਐਂਟੀਲੀਆ ‘ਚ ਗਣਪਤੀ ਬੱਪਾ ਦਾ ਸਵਾਗਤ ਕੀਤਾ। ਇਸ ਖਾਸ ਮੌਕੇ ‘ਤੇ ਬਾਲੀਵੁੱਡ ਦੇ ਕਈ ਸਿਤਾਰੇ ਬੱਪਾ ਦੇ ਦਰਸ਼ਨ ਕਰਨ ਪਹੁੰਚੇ ਅਤੇ ਉਨ੍ਹਾਂ ਦਾ ਆਸ਼ੀਰਵਾਦ ਲਿਆ। ਹਰ ਕਿਸੇ ਦਾ ਸਟਾਈਲ ਦੂਜੇ ਤੋਂ ਵੱਖਰਾ ਸੀ ਪਰ ਲਾਲ ਪਰੰਪਰਾਗਤ ਪਹਿਰਾਵੇ ਨੇ ਇੱਕ ਵੱਖਰਾ ਗਲੈਮਰ ਦਿਖਾਇਆ। ਲਾਲ ਪਹਿਰਾਵੇ ‘ਚ ਪਹੁੰਚੀਆਂ ਹੀਰੋਇਨਾਂ ਦੀ ਦਿੱਖ ਦਾ ਮੁਕਾਬਲਾ ਕਰਨ ਲਈ ਕੋਈ ਹੋਰ ਰੰਗ ਨਜ਼ਰ ਨਹੀਂ ਆਇਆ। ਆਓ ਦੇਖਦੇ ਹਾਂ ਉਨ੍ਹਾਂ ਦੀਆਂ ਖੂਬਸੂਰਤ ਤਸਵੀਰਾਂ…
ਸ਼ਰਧਾ ਕਪੂਰ ਅਕਸਰ ਲਾਲ ਰੰਗ ਦੀ ਡਰੈੱਸ ‘ਚ ਨਜ਼ਰ ਆਉਂਦੀ ਹੈ। ਪ੍ਰਸ਼ੰਸਕਾਂ ਦਾ ਇਹ ਵੀ ਕਹਿਣਾ ਹੈ ਕਿ ਇਹ ਉਨ੍ਹਾਂ ਦਾ ਪਸੰਦੀਦਾ ਰੰਗ ਹੈ। ਗਣਪਤੀ ਬੱਪਾ ਦੇ ਦਰਸ਼ਨਾਂ ਲਈ ਪਹੁੰਚੀ ਸ਼ਰਧਾ ਨੇ ਇੱਥੇ ਵੀ ਲਾਲ ਰੰਗ ਚੁਣਿਆ। ਗੂੜ੍ਹੇ ਲਾਲ ਸੂਟ ‘ਚ ਉਹ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ। ਸਾਦੇ ਸੂਟ ਅਤੇ ਹਲਕੇ ਮੇਕਅੱਪ ‘ਚ ਉਸ ਦੀ ਖੂਬਸੂਰਤੀ ਹੋਰ ਵੀ ਸਾਹਮਣੇ ਆ ਰਹੀ ਹੈ। ਉਨ੍ਹਾਂ ਦੇ ਫਲੇਅਰਡ ਪਲਾਜ਼ੋ ਅਤੇ ਦੁਪੱਟੇ ਦੇ ਬਾਰਡਰ ‘ਤੇ ਗੋਟਾ ਪੱਟੀ ਦਾ ਕੰਮ ਹੈ।
ਇਸ ਮੌਕੇ ‘ਤੇ ਕਰੀਨਾ ਆਪਣੇ ਪਤੀ ਸੈਫ ਅਲੀ ਖ਼ਾਨ ਨਾਲ ਪਹੁੰਚੀ ਅਤੇ ਦੋਵੇਂ ਰੈੱਡ ਐਥਨਿਕ ਡਰੈੱਸ ‘ਚ ਬੇਹੱਦ ਖੂਬਸੂਰਤ ਲੱਗ ਰਹੇ ਸਨ। ਅੰਬਾਨੀ ਪਰਿਵਾਰ ਵੱਲੋਂ ਆਯੋਜਿਤ ਗਣੇਸ਼ ਦਰਸ਼ਨ ਦੌਰਾਨ ਦੋਵਾਂ ਨੇ ਕੈਮਰੇ ਦੇ ਸਾਹਮਣੇ ਪੋਜ਼ ਦਿੱਤੇ ਅਤੇ ਕਲਿੱਕ ਕੀਤੇ। ਕਰੀਨਾ ਨੇ ਪੂਰੇ ਲਾਲ ਅਤੇ ਸੁਨਹਿਰੀ ਵਰਕ ਵਿੱਚ ਇੱਕ ਰਵਾਇਤੀ ਕੁੜਤਾ ਪਾਇਆ ਅਤੇ ਇਸ ਦੇ ਹੇਠਾਂ ਚੂੜੀਦਾਰ ਪਜਾਮੀ ਅਤੇ ਭਾਰੀ ਵਰਕ ਦੁਪੱਟੇ ਦੇ ਨਾਲ ਲੁੱਕ ਨੂੰ ਪੂਰਾ ਕੀਤਾ। ਸੈਫ ਨੇ ਵੀ ਕਰੀਨਾ ਨਾਲ ਮੇਲ ਖਾਂਦਾ ਪਹਿਰਾਵਾ ਚੁਣਿਆ।
ਭੂਮੀ ਪੇਡਨੇਕਰ ਅੰਬਾਨੀ ਪਰਿਵਾਰ ਵਲੋਂ ਆਯੋਜਿਤ ਗਣੇਸ਼ ਦਰਸ਼ਨ ‘ਚ ਇਸ ਅੰਦਾਜ਼ ‘ਚ ਪਹੁੰਚੀ। ਕਰੀਨਾ ਅਤੇ ਭੂਮੀ ਪੇਡਨੇਕਰ ਦਾ ਸੂਟ ਇਕ ਸਮਾਨ ਲੱਗਦਾ ਹੈ, ਫਰਕ ਸਿਰਫ ਦੁਪੱਟੇ ਦਾ ਹੈ। ਲਾਲ ਅਤੇ ਸੁਨਹਿਰੀ ਵਰਕ 'ਚ ਭੂਮੀ ਦੀ ਰਵਾਇਤੀ ਪਹਿਰਾਵਾ ਬਹੁਤ ਵਧੀਆ ਲੱਗ ਰਿਹਾ ਹੈ।
ਸੋਨਮ ਕਪੂਰ ਵੀ ਇਸ ਮੌਕੇ ‘ਤੇ ਲਾਲ ਰੰਗ ਦੀ ਡਰੈੱਸ ‘ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ। ਸੋਨਮ ਆਪਣੇ ਪਤੀ ਆਨੰਦ ਆਹੂਜਾ, ਪਿਤਾ ਅਨਿਲ ਕਪੂਰ ਅਤੇ ਮਾਂ ਸੁਨੀਤਾ ਕਪੂਰ ਨਾਲ ਬੱਪਾ ਦਾ ਆਸ਼ੀਰਵਾਦ ਲੈਣ ਪਹੁੰਚੀ ਸੀ।
ਆਯੁਸ਼ਮਾਨ ਖੁਰਾਨਾ ਦੀ ਪਤਨੀ ਤਾਹਿਰਾ ਕਸ਼ਯਪ ਵੀ ਗਣਪਤੀ ਬੱਪਾ ਨੂੰ ਲਾਲ ਰੰਗ ਦੀ ਡਰੈੱਸ ਪਹਿਨ ਕੇ ਦੇਖਣ ਪਹੁੰਚੀ। ਉਨ੍ਹਾਂ ਨੇ ਲਾਲ ਰੰਗ ਦੇ ਪਹਿਰਾਵੇ ‘ਤੇ ਹਰੇ ਰੰਗ ਦੇ ਹਾਰ ਨਾਲ ਲੁੱਕ ਨੂੰ ਪੂਰਾ ਕੀਤਾ। ਉਨ੍ਹਾਂ ਨੇ ਹਲਕੇ ਮੇਕਅੱਪ ਨਾਲ ਆਪਣੇ ਵਾਲਾਂ ਨੂੰ ਕਰਲ ਕੀਤਾ ਸੀ।
ਇਸ ਮੌਕੇ ਪ੍ਰਿਯੰਕਾ ਚੋਪੜਾ ਦੇ ਭਰਾ ਸਿਧਾਰਥ ਚੋਪੜਾ ਵੀ ਆਪਣੀ ਪਤਨੀ ਨੀਲਮ ਉਪਾਧਿਆਏ ਨਾਲ ਬੱਪਾ ਦੇ ਦਰਸ਼ਨ ਕਰਨ ਪਹੁੰਚੇ। ਨੀਲਮ ਨੇ ਵੀ ਸ਼ੁਭ ਲਾਲ ਰੰਗ ਦੀ ਚੋਣ ਕੀਤੀ। ਉਨ੍ਹਾਂ ਨੇ ਰਵਾਇਤੀ ਲਾਲ ਰੰਗ ਦੇ ਲਹਿੰਗਾ ਅਤੇ ਚੋਲੀ ਨਾਲ ਆਪਣੀ ਦਿੱਖ ਨੂੰ ਬਹੁਤ ਸੁੰਦਰ ਬਣਾਇਆ। ਉਨ੍ਹਾਂ ਇੱਕ ਗੁਜਰਾਤੀ ਪ੍ਰਿੰਟ ਲਹਿੰਗਾ ਪਾਇਆ ਅਤੇ ਹਲਕੇ ਮੇਕਅਪ ਅਤੇ ਇੱਕ ਹੀਰੇ ਦੇ ਹਰੇ ਹਾਰ ਨਾਲ ਆਪਣੀ ਦਿੱਖ ਨੂੰ ਪੂਰਾ ਕੀਤਾ।
ਗਣੇਸ਼ ਚਤੁਰਥੀ ਦੇ ਜਸ਼ਨ ਦੌਰਾਨ ਸਲਮਾਨ ਤੇ ਅੰਬਾਨੀ ਦੀ ਖ਼ਾਸ ਬੌਡਿੰਗ, ਸਾਹਮਣੇ ਆਈ ਵੀਡੀਓ
NEXT STORY 
