ਮੁੰਬਈ (ਬਿਊਰੋ) : ਬਾਲੀਵੁੱਡ ਸੈਲੇਬ੍ਰਿਟੀ ਹਰ ਤਿਉਹਾਰ ਨੂੰ ਆਪਣੇ ਖਾਸ ਤਰੀਕੇ ਨਾਲ ਮਨਾਉਂਦੇ ਹਨ। ਇਨ੍ਹਾਂ ਦਾ ਹੋਲੀ ਦਾ ਤਿਉਹਾਰ ਮਨਾਉਣ ਦਾ ਤਰੀਕਾ ਵੀ ਵੱਖਰਾ ਹੈ। ਕਈ ਬਾਲੀਵੁੱਡ ਹਸਤੀਆਂ ਨੇ ਰੰਗਾਂ ਦੇ ਇਸ ਤਿਉਹਾਰ ਨੂੰ ਵੱਖ-ਵੱਖ ਤਰੀਕਿਆਂ ਨਾਲ ਮਨਾਇਆ। ਜਿੱਥੇ ਕਰੀਨਾ ਕਪੂਰ ਨੇ ਆਪਣੇ ਬੱਚਿਆਂ ਨਾਲ ਹੋਲੀ ਮਨਾਈ, ਉਥੇ ਅਨੰਨਿਆ ਪਾਂਡੇ ਨੇ ਗੁਲਾਲ ਖੇਡ ਕੇ ਖ਼ਾਸ ਦਿਨ ਮਨਾਇਆ। ਕਈ ਥਾਵਾਂ ’ਤੇ ਪਾਰਟੀਆਂ ਵੀ ਕੀਤੀਆਂ ਗਈਆਂ। ਯੁਵਿਕਾ ਚੌਧਰੀ, ਅੰਕਿਤਾ ਲੋਖੰਡੇ, ਵਿੱਕੀ ਜੈਨ, ਉਰਵਸ਼ੀ ਰੌਤੇਲਾ, ਤੇਜੇ ਸਿੱਧੂ, ਸੌਂਦਰਿਆ ਸ਼ਰਮਾ, ਸ਼ਿਬਾਨੀ ਦਾਂਡੇਕਰ, ਫਰਹਾਨ ਅਖ਼ਤਰ, ਸਤੀਸ਼ ਕੌਸ਼ਿਕ, ਰਿਚਾ ਚੱਢਾ, ਅਲੀ ਫਜ਼ਲ ਤੇ ਮਹਿਮਾ ਚੌਧਰੀ ਹੋਲੀ ਖੇਡਦੇ ਨਜ਼ਰ ਆਏ। ਤਾਂ ਆਓ ਤਸਵੀਰਾਂ 'ਚ ਜਾਣਦੇ ਹਾਂ ਕਿ ਕਿਵੇਂ ਬਾਲੀਵੁੱਡ ਸੈਲੇਬਸ ਨੇ ਰੰਗਾਂ ਦਾ ਤਿਉਹਾਰ ਮਨਾਇਆ।
ਸਿਧਾਰਥ ਅਤੇ ਕਿਆਰਾ
ਬਾਲੀਵੁੱਡ ਦੇ ਨਵੇਂ ਵਿਆਹੇ ਜੋੜੇ ਸਿਧਾਰਥ ਮਲਹੋਤਰਾ ਅਤੇ ਕਿਆਰਾ ਅਡਵਾਨੀ ਵੀ ਹੋਲੀ 'ਤੇ ਇਕ-ਦੂਜੇ ਨੂੰ ਰੰਗ ਲਗਾਉਂਦੇ ਹੋਏ ਨਜ਼ਰ ਆਏ। ਦੋਵਾਂ ਨੇ ਇਕੱਠੇ ਹੋਲੀ 'ਤੇ ਖੂਬ ਮਸਤੀ ਕੀਤੀ। ਸਿਧਾਰਥ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਹੋਲੀ ਦੇ ਜਸ਼ਨ ਦੀਆਂ ਖਾਸ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਸ ਦੇ ਕੈਪਸ਼ਨ 'ਚ ਉਨ੍ਹਾਂ ਲਿਖਿਆ, 'ਫਸਟ ਹੋਲੀ ਵਿਦ ਮਿਸਿਜ਼।'
ਕਰੀਨਾ ਕਪੂਰ ਨੇ ਬੱਚਿਆਂ ਨਾਲ ਮਨਾਈ ਹੋਲੀ
ਹਾਲਾਂਕਿ ਕਰੀਨਾ ਕਪੂਰ ਇਸ ਦਿਨ ਨੂੰ ਆਪਣੇ ਘਰ ਬਿਤਾਉਣਾ ਪਸੰਦ ਕਰਦੀ ਹੈ ਪਰ ਇਸ ਵਾਰ ਉਨ੍ਹਾਂ ਨੇ ਬੱਚਿਆਂ ਨਾਲ ਇਸ ਤਿਉਹਾਰ ਨੂੰ ਵੱਖਰੇ ਤਰੀਕੇ ਨਾਲ ਮਨਾਇਆ। ਕਰੀਨਾ ਨੇ ਇੰਸਟਾਗ੍ਰਾਮ 'ਤੇ ਆਪਣੇ ਪ੍ਰਸ਼ੰਸਕਾਂ ਨਾਲ ਹੋਲੀ ਦੇ ਜਸ਼ਨ ਦੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਕਰੀਨਾ ਨਾਲ ਉਨ੍ਹਾਂ ਦੇ ਬੇਟੇ ਤੈਮੂਰ ਅਤੇ ਜੇਹ ਰੰਗਾਂ 'ਚ ਰੰਗੇ ਨਜ਼ਰ ਆ ਰਹੇ ਹਨ। ਕੁਝ ਪਿਚਕਾਰੀ ਨਾਲ ਖੇਡ ਰਹੇ ਹਨ ਅਤੇ ਕੁਝ ਦੂਜਿਆਂ 'ਤੇ ਰੰਗ ਲਗਾ ਰਹੇ ਹਨ। ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਕੈਪਸ਼ਨ 'ਚ ਲਿਖਿਆ, 'ਹੁਣ ਸੌਣ ਦਾ ਇੰਤਜ਼ਾਰ ਹੈ। (ਮਿਸ ਯੂ ਸੈਫੂ) ਸਾਰਿਆਂ ਲਈ ਰੰਗ, ਪਿਆਰ ਅਤੇ ਖੁਸ਼ੀਆਂ ਫੈਲਾਉਣਾ... ਲਵ ਯੂ ਇੰਸਟਾ ਫੈਮ! ਹੋਲੀ ਮੁਬਾਰਕ।'
ਸ਼ਿਲਪਾ ਸ਼ੈੱਟੀ ਨੇ ਖੇਡੀ ਫੁੱਲਾਂ ਦੀ ਹੋਲੀ
ਸ਼ਿਲਪਾ ਸ਼ੈੱਟੀ ਨੇ ਵੀ ਇਸ ਖ਼ਾਸ ਦਿਨ ਨੂੰ ਫੁੱਲਾਂ ਨਾਲ ਮਨਾਇਆ। ਸ਼ਿਲਪਾ ਦੇ ਹੱਥ 'ਚ ਫੁੱਲ ਨਜ਼ਰ ਆ ਰਹੇ ਹਨ, ਜਿਸ ਨਾਲ ਉਹ ਖੇਡ ਰਹੀ ਹੈ। ਇਸ ਗੱਲ ਨੂੰ ਉਨ੍ਹਾਂ ਨੇ ਆਪਣੇ ਪ੍ਰਸ਼ੰਸਕਾਂ ਨਾਲ ਵੀ ਸਾਂਝਾ ਕੀਤਾ ਹੈ। ਇਸ ਦੇ ਕੈਪਸ਼ਨ 'ਚ ਲਿਖਿਆ, 'ਰੰਗਾਂ ਦਾ ਇਹ ਤਿਉਹਾਰ 'ਹੋਲੀ' ਤੁਹਾਡੀ ਜ਼ਿੰਦਗੀ 'ਚ ਖੁਸ਼ੀਆਂ ਅਤੇ ਸਫ਼ਲਤਾ ਦੇ ਰੰਗ ਲੈ ਕੇ ਆਵੇ। ਹੋਲੀ ਮੁਬਾਰਕ।'
ਅਨੰਨਿਆ ਪਾਂਡੇ ਨੇ ਗੁਲਾਲ ਨਾਲ ਖੇਡੀ ਹੋਲੀ
ਅਨੰਨਿਆ ਪਾਂਡੇ ਨੇ ਗੁਲਾਲ ਖੇਡ ਕੇ ਹੋਲੀ ਮਨਾਈ। ਉਨ੍ਹਾਂ ਨੇ ਪੀਲੇ ਸੂਟ 'ਚ ਪ੍ਰਸ਼ੰਸਕਾਂ ਨਾਲ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਗੁਲਾਲ ਲਾਉਂਦੀ ਨਜ਼ਰ ਆ ਰਹੀ ਹੈ।
ਕਾਰਤਿਕ ਆਰੀਅਨ
ਕਾਰਤਿਕ ਆਰੀਅਨ ਨੇ ਇਸ ਵਾਰ ਅਮਰੀਕਾ 'ਚ ਹੋਲੀ ਮਨਾਈ। ਇਸ ਦੀ ਤਸਵੀਰ ਵੀ ਉਨ੍ਹਾਂ ਨੇ ਆਪਣੇ ਪ੍ਰਸ਼ੰਸਕਾਂ ਨਾਲ ਸ਼ੇਅਰ ਕੀਤੀ ਹੈ। ਜਿਸ ਦੇ ਕੈਪਸ਼ਨ 'ਚ ਉਨ੍ਹਾਂ ਨੇ ਲਿਖਿਆ, 'ਹੋਲੀ ਔਰ ਆਪਕੇ ਪਿਆਰ ਕੇ ਰੰਗ ਮੇਂ ਸਰਬੋਰ...❤️ ਅਮਰੀਕਾ ਤੋਂ ਤੁਹਾਨੂੰ ਸਾਰਿਆਂ ਨੂੰ ਹੋਲੀ ਦੀਆਂ ਮੁਬਾਰਕਾਂ।
ਜ਼ੋਇਆ ਅਖ਼ਤਰ ਨੇ ਮਨਾਈ ਹੋਲੀ
ਜ਼ੋਇਆ ਅਖਤਰ ਨੇ ਵੀ ਹੋਲੀ ਸੈਲੀਬ੍ਰੇਸ਼ਨ ਦੀ ਤਸਵੀਰ ਆਪਣੇ ਪ੍ਰਸ਼ੰਸਕਾਂ ਨਾਲ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ ਵਿੱਚ ਜ਼ੋਇਆ ਦਾ ਚਿਹਰਾ ਰੰਗਿਆ ਹੋਇਆ ਹੈ।
ਅੰਕਿਤਾ ਲੋਖੰਡੇ ਨੇ ਪਤੀ ਨਾਲ ਮਨਾਈ ਹੋਲੀ
ਅੰਕਿਤਾ ਲੋਖੰਡੇ ਨੇ ਵੀ ਆਪਣੇ ਪਤੀ ਵਿੱਕੀ ਜੈਨ ਨਾਲ ਇਹ ਖਾਸ ਤਿਉਹਾਰ ਮਨਾਇਆ। ਜੋੜੇ ਨੂੰ ਯੈਲੋ ਡਰੈੱਸ ਕੋਡ 'ਚ ਹੋਲੀ ਮਨਾਉਂਦੇ ਦੇਖਿਆ ਗਿਆ। ਇਸ ਦੇ ਨਾਲ ਹੀ ਅੰਕਿਤਾ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਹੋਲੀ ਦੀ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ।
ਫਰਹਾਨ ਅਖ਼ਤਰ ਦੀ ਹੋਲੀ ਪਾਰਟੀ
ਫਰਹਾਨ ਦੇ ਪਿਤਾ ਜਾਵੇਦ ਨੇ ਉਨ੍ਹਾਂ ਦੇ ਘਰ ਹੋਲੀ ਪਾਰਟੀ ਦਾ ਆਯੋਜਨ ਕੀਤਾ, ਜਿਸ 'ਚ ਫਰਹਾਨ ਧਮਾਲ ਮਚਾਉਂਦੇ ਨਜ਼ਰ ਆਏ। ਅਦਾਕਾਰ ਨੇ ਇਸ ਦੀਆਂ ਤਸਵੀਰਾਂ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਵੀ ਸ਼ੇਅਰ ਕੀਤੀਆਂ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਪ੍ਰਸ਼ੰਸਕਾਂ ਨੂੰ ਹੋਲੀ ਦੀ ਵਧਾਈ ਵੀ ਦਿੱਤੀ।
ਨੋਟ - ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਰਾਹੀਂ ਸਾਡੇ ਨਾਲ ਜ਼ਰੂਰ ਸਾਂਝੀ ਕਰੋ।
ਦੁਨੀਆ ਭਰ 'ਚ ਰਿਲੀਜ਼ ਹੋਈ ਫ਼ਿਲਮ 'ਮਿੱਤਰਾਂ ਦਾ ਨਾਂ ਚੱਲਦਾ'
NEXT STORY 
