ਐਂਟਰਟੇਨਮੈਂਟ ਡੈਸਕ- ਮਸ਼ਹੂਰ ਟੀਵੀ ਸ਼ੋਅ CID ਵਿੱਚ ਇੰਸਪੈਕਟਰ ਅਭਿਜੀਤ ਦਾ ਕਿਰਦਾਰ ਨਿਭਾਕੇ ਘਰ-ਘਰ ਵਿੱਚ ਮਸ਼ਹੂਰ ਹੋਏ ਅਦਾਕਾਰ ਅਦਿਤਿਆ ਸ਼੍ਰੀਵਾਸਤਵ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਆ ਗਏ ਹਨ। ਦਰਅਸਲ 22 ਨਵੰਬਰ ਨੂੰ ਅਦਿਤਿਆ ਨੇ ਆਪਣੀ ਪਤਨੀ ਮਾਨਸੀ ਸ਼੍ਰੀਵਾਸਤਵ ਨਾਲ ਆਪਣੇ ਵਿਆਹ ਦੀ ਵਰ੍ਹੇਗੰਢ ਮਨਾਈ। ਹਾਲਾਂਕਿ ਜਿਵੇਂ ਹੀ ਵਰ੍ਹੇਗੰਢ ਸੈਲੀਬ੍ਰੇਸ਼ਨ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ, ਉਨ੍ਹਾਂ ਦੇ ਫੈਨਜ਼ ਕਨਫ਼ਿਊਜ਼ ਹੋ ਗਏ ਅਤੇ ਕਿਆਸ ਲਗਾਉਣ ਲੱਗੇ ਕਿ ਉਨ੍ਹਾਂ ਨੇ ਦੁਬਾਰਾ ਵਿਆਹ ਕਰਵਾ ਲਿਆ ਹੈ। ਕਿਉਂਕਿ ਜੋ ਤਸਵੀਰਾਂ ਸਾਹਮਣੇ ਆਈਆਂ ਸਨ ਉਸ ਵਿਚ ਦੋਵੇਂ ਲਾੜਾ-ਲਾੜੀ ਦੇ ਰੂਪ ਵਿਚ ਸਜੇ ਹੋਏ ਸਨ, ਪਰ ਬਾਅਦ ਵਿੱਚ ਪਤਾ ਲੱਗਾ ਕਿ ਉਹ ਆਪਣੇ ਖਾਸ ਦਿਨ ਯਾਨੀ ਵਿਆਹ ਦੀ ਵਰ੍ਹੇਗੰਢ ਨੂੰ ਮਨਾਉਣ ਲਈ ਤਿਆਰ ਹੋਏ ਸਨ। ਅਦਿਤਿਆ ਨੇ 2003 ਵਿੱਚ ਮਾਨਸੀ ਸ਼੍ਰੀਵਾਸਤਵ ਨਾਲ ਵਿਆਹ ਕਰਾਇਆ ਸੀ ਅਤੇ ਉਨ੍ਹਾਂ ਦੀਆਂ 2 ਧੀਆਂ—ਆਰੁਸ਼ੀ ਅਤੇ ਆਦਵਿਕਾ ਹਨ।
ਇਹ ਵੀ ਪੜ੍ਹੋ: ‘ਕਸੂਰ’ ਗਾਣਾ ਡਿਲੀਟ ਕੀਤੇ ਨੂੰ 5 ਸਾਲ ਹੋ ਚੁੱਕੇ...'; ਜਲੰਧਰ 'ਚ ਦਰਜ FIR 'ਤੇ ਬੋਲੇ ਪੰਜਾਬੀ ਗਾਇਕ ਰਣਜੀਤ ਬਾਵਾ
ਦੱਸ ਦੇਈਏ ਕਿ ਅਦਿਤਿਆ ਮਨੋਰੰਜਨ ਉਦਯੋਗ ਵਿੱਚ 20 ਸਾਲ ਤੋਂ ਵੱਧ ਸਮਾਂ ਬਿਤਾ ਚੁੱਕੇ ਹਨ। ਫਿਲਮਾਂ ਵਿੱਚ ਕੰਮ ਕਰਨ ਦੇ ਬਾਵਜੂਦ ਉਨ੍ਹਾਂ ਦੀ ਸਭ ਤੋਂ ਵੱਡੀ ਪਛਾਣ CID ਨਾਲ ਹੀ ਜੁੜੀ ਰਹੀ। CID ਭਾਰਤੀ ਟੈਲੀਵਿਜ਼ਨ ਦਾ ਇੱਕ ਯਾਦਗਾਰ ਹਿੱਸਾ ਰਿਹਾ ਹੈ। 1998 ਵਿੱਚ ਸ਼ੁਰੂ ਹੋਏ ਇਸ ਸ਼ੋਅ ਨੇ ਕਈ ਸਾਲਾਂ ਤੱਕ ਰਿਕਾਰਡਤੋੜ ਲੋਕਪ੍ਰਿਯਤਾ ਹਾਸਲ ਕੀਤੀ ਅਤੇ ਦੇਸ਼ ਦੇ ਸਭ ਤੋਂ ਲੰਬੇ ਸਮੇਂ ਤੱਕ ਚੱਲਣ ਵਾਲੇ ਸ਼ੋਅਜ਼ ਵਿੱਚੋਂ ਇੱਕ ਬਣਿਆ। ਅਦਿਤਿਆ ਸ਼੍ਰੀਵਾਸਤਵ CID ਦੀ ਰੀੜ ਦੀ ਹੱਡੀ ਮੰਨੇ ਜਾਂਦੇ ਸਨ। ਇੰਸਪੈਕਟਰ ਅਭਿਜੀਤ ਦੇ ਰੂਪ ਵਿੱਚ ਉਨ੍ਹਾਂ ਦੀ ਪਛਾਣ ਇੰਨੀ ਮਜ਼ਬੂਤ ਹੋ ਗਈ ਕਿ ਸ਼ੋਅ ਉਨ੍ਹਾਂ ਦੇ ਬਿਨਾਂ ਅਧੂਰਾ ਮੰਨਿਆ ਜਾਂਦਾ ਸੀ।
ਇਹ ਵੀ ਪੜ੍ਹੋ: ਵਿਆਹ ਦੀ ਵਰ੍ਹੇਗੰਢ ਮੌਕੇ ਰਣਦੀਪ ਹੁੱਡਾ ਨੇ ਦਿੱਤੀ Good News, ਲਿਖਿਆ- 'A little wild one on the way'
‘ਕਸੂਰ’ ਗਾਣਾ ਡਿਲੀਟ ਕੀਤੇ ਨੂੰ 5 ਸਾਲ ਹੋ ਚੁੱਕੇ...'; ਜਲੰਧਰ 'ਚ ਦਰਜ FIR 'ਤੇ ਬੋਲੇ ਪੰਜਾਬੀ ਗਾਇਕ ਰਣਜੀਤ ਬਾਵਾ
NEXT STORY 
