ਮੁੰਬਈ (ਬਿਊਰੋ) — 'ਮਹਿੰਦੀ' ਅਤੇ 'ਫਰੇਬ' ਵਰਗੀਆਂ ਫ਼ਿਲਮਾਂ ਵਿਚ ਕੰਮ ਕਰ ਚੁੱਕੇ ਅਦਾਕਾਰ ਫਰਾਜ਼ ਖ਼ਾਨ ਦੀ ਹਾਲਤ ਬਹੁਤ ਗੰਭੀਰ ਦੱਸੀ ਜਾ ਰਹੀ ਹੈ। ਫਰਾਜ਼ ਖ਼ਾਨ ਦੀ ਸਿਹਤ ਖ਼ਰਾਬ ਹੋਣ ਦੀ ਜਾਣਕਾਰੀ ਅਦਾਕਾਰਾ ਤੇ ਫ਼ਿਲਮ ਨਿਰਮਾਤਾ ਪੂਜਾ ਭੱਟ ਨੇ ਸੋਸ਼ਲ ਮੀਡੀਆ 'ਤੇ ਦਿੱਤੀ। ਨਾਲ ਹੀ ਉਨ੍ਹਾਂ ਨੇ ਲੋਕਾਂ ਨੂੰ ਫਰਾਜ਼ ਖ਼ਾਨ ਦੀ ਆਰਥਿਕ ਮਦਦ ਕਰਨ ਦੀ ਅਪੀਲ ਕੀਤੀ ਹੈ। ਸੋਸ਼ਲ ਮੀਡੀਆ ਦੇ ਜਰੀਏ ਇਹ ਜਾਣਕਾਰੀ ਜਿਵੇਂ ਹੀ ਬਾਲੀਵੁੱਡ ਦੇ ਭਾਈਜਾਨ ਯਾਨੀ ਕਿ ਸਲਮਾਨ ਖ਼ਾਨ ਨੂੰ ਮਿਲੀ ਤਾਂ ਉਨ੍ਹਾਂ ਨੇ ਬਿਨਾ ਦੇਰੀ ਕੀਤੇ ਮਦਦ ਲਈ ਅੱਗੇ ਆਏ। ਉਨ੍ਹਾਂ ਦੇ ਇਸ ਨੇਕ ਕਦਮ ਦੀ ਤਾਰੀਫ਼ ਅਦਾਕਾਰਾ ਕਸ਼ਮੀਰਾ ਸ਼ਾਹ ਨੇ ਇਕ ਪੋਸਟ ਸਾਂਝੀ ਕਰਕੇ ਕੀਤੀ ਹੈ। ਉਨ੍ਹਾਂ ਨੇ ਸਲਮਾਨ ਖ਼ਾਨ ਨੂੰ ਫ਼ਿਲਮ ਜਗਤ 'ਚ ਸਭ ਤੋਂ ਨੇਕ ਇਨਸਾਨ ਦੱਸਿਆ ਹੈ।
ਦੱਸ ਦਈਏ ਕਿ ਕਸ਼ਮੀਰਾ ਨੇ ਸਲਮਾਨ ਦੀ ਇਕ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ, 'ਤੁਸੀਂ ਅਸਲ 'ਚ ਇਕ ਚੰਗੇ ਇਨਸਾਨ ਹੋ। ਫਰਾਜ਼ ਖ਼ਾਨ ਦੀਆਂ ਦਵਾਈਆਂ ਦਾ ਬਿੱਲ ਦੇਣ ਲਈ ਧੰਨਵਾਧ ਕੀਤਾ। ਕਸ਼ਮੀਰਾ ਦੀ ਇਹ ਪੋਸਟ ਕਾਫ਼ੀ ਵਾਇਰਲ ਹੋ ਰਹੀ ਹੈ। ਫਰਾਜ਼ ਖ਼ਾਨ ਬਹੁਤ ਜ਼ਿਆਦਾ ਬੀਮਾਰ ਹਨ। ਉਹ ਬੈਂਗਲੁਰੂ ਦੇ ਹਸਪਤਾਲ 'ਚ ਆਈ. ਸੀ. ਯੂ. 'ਚ ਦਾਖ਼ਲ ਹਨ। ਫਰਾਜ਼ ਖ਼ਾਨ ਦੇ ਇਲਾਜ ਲਈ 25 ਲੱਖ ਰੁਪਏ ਦੀ ਲੋੜ ਹੈ, ਜਿਸ ਦੀ ਜਾਣਕਾਰੀ ਪੂਜਾ ਭੱਟ ਨੇ ਇਕ ਟਵੀਟ ਦੇ ਜਰੀਏ ਦਿੱਤੀ ਹੈ।
ਦੱਸਣਯੋਗ ਹੈ ਕਿ 'ਮਹਾਭਾਰਤ' ਅਦਾਕਾਰ ਯੂਸਫ ਖਾਨ ਦੇ ਬੇਟੇ ਫਰਾਜ਼ ਖ਼ਾਨ ਨੂੰ ਦਿਮਾਗ ਸਬੰਧੀ ਅਤੇ ਨਮੂਨੀਆ ਦੀ ਸ਼ਿਕਾਇਤ ਹੈ। ਪੂਜਾ ਭੱਟ ਨੇ ਟਵੀਟ ਕਰਕੇ ਆਪਣੇ ਪ੍ਰਸ਼ੰਸਕਾਂ ਤੋਂ ਫਰਾਜ਼ ਖ਼ਾਨ ਦੀ ਮਦਦ ਕਰਨ ਦੀ ਮੰਗ ਕੀਤੀ ਹੈ ਤਾਂ ਜੋ ਉਹ ਇਲਾਜ ਲਈ ਫੰਡ ਇਕੱਠਾ ਕਰ ਸਕਣ। ਪੂਜਾ ਭੱਟ ਨੇ ਆਪਣੇ ਟਵੀਟ ਵਿਚ ਫਰਾਜ਼ ਖ਼ਾਨ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਅਤੇ ਕੈਪਸ਼ਨ ਵਿਚ ਲਿਖਿਆ, 'ਕਿਰਪਾ ਕਰਕੇ ਵੱਧ ਤੋਂ ਵੱਧ ਸ਼ੇਅਰ ਕਰੋ ਅਤੇ ਯੋਗਦਾਨ ਦਿਓ। ਮੈਂ ਵੀ ਕਰ ਰਹੀ ਹਾਂ। ਜੇਕਰ ਤੁਹਾਡੇ ਵਿਚੋਂ ਕੋਈ ਵੀ ਕਰ ਸਕਦਾ ਹੈ ਤਾਂ ਮੈਂ ਬਹੁਤ ਸ਼ੁਕਰਗੁਜ਼ਾਰ ਹੋਵਾਂਗੀ।' ਫਰਾਜ਼ ਖ਼ਾਨ ਨਾਲ ਜੁੜੀ ਬਾਕੀ ਜਾਣਕਾਰੀ ਪੂਜਾ ਵਲੋਂ ਸਾਂਝੀ ਕੀਤੀ ਗਈ ਫੰਡਰੇਜ਼ਰ ਵਿਚ ਦਿੱਤੀ ਗਈ ਹੈ। ਇਹ ਫੰਡ ਰੇਜ਼ਰ ਫਰਾਜ਼ ਦੇ ਪਰਿਵਾਰ ਦੁਆਰਾ ਸ਼ੁਰੂ ਕੀਤਾ ਗਿਆ ਹੈ, ਜਿਸ ਵਿਚ ਲਿਖਿਆ ਗਿਆ ਹੈ, 'ਫਰਾਜ਼ ਤਕਰੀਬਨ ਇਕ ਸਾਲ ਤੋਂ ਛਾਤੀ ਦੀ ਬਲੈਗ ਅਤੇ ਇਨਫੈਕਸ਼ਨ ਨਾਲ ਲੜ ਰਿਹਾ ਹੈ।' ਦੱਸ ਦਈਏ ਫਰਾਜ਼ ਲਈ ਸਹਾਇਤਾ ਰਾਸ਼ੀ ਦੀ ਗੱਲ ਹੈ, ਉਸ ਨੂੰ 25 ਲੱਖ ਰੁਪਏ ਦੀ ਜ਼ਰੂਰਤ ਹੈ। ਇਹ ਉਸ ਦੇ ਫੰਡ ਰੇਜ਼ਰ ਵਿਚ ਵੀ ਦੱਸਿਆ ਗਿਆ ਹੈ। ਹੁਣ ਤੱਕ ਇਸ ਮੁਹਿੰਮ ਦੀ ਸਹਾਇਤਾ ਨਾਲ ਤਕਰੀਬਨ 1 ਲੱਖ 8 ਹਜ਼ਾਰ ਰੁਪਏ ਇਕੱਠੇ ਕੀਤੇ ਜਾ ਚੁੱਕੇ ਹਨ ਪਰ ਫਿਰ ਵੀ ਫਰਾਜ਼ ਨੂੰ ਇਲਾਜ ਲਈ ਬਹੁਤ ਸਾਰੇ ਪੈਸੇ ਦੀ ਜ਼ਰੂਰਤ ਹੈ।
ਕਰਨ ਔਜਲਾ ਨੇ ਪਲਕ ਔਜਲਾ ਨੂੰ ਇੰਝ ਕੀਤਾ ਬਰਥਡੇਅ ਵਿਸ਼, ਸਾਂਝੀ ਕੀਤੀ ਪਿਆਰੀ ਜਿਹੀ ਤਸਵੀਰ
NEXT STORY 
