ਚੰਡੀਗੜ੍ਹ (ਬਿਊਰੋ)– ਪੰਜਾਬੀ ਗਾਇਕ ਤੇ ਅਦਾਕਾਰ ਹਰਭਜਨ ਮਾਨ ਹਾਲ ਹੀ ’ਚ ਮਰਹੂਮ ਗਾਇਕ ਸਰਦੂਲ ਸਿਕੰਦਰ ਦੇ ਘਰ ਪਹੁੰਚੇ। ਇਸ ਦੌਰਾਨ ਉਨ੍ਹਾਂ ਨੇ ਸਰਦੂਲ ਸਿਕੰਦਰ ਦੀ ਪਤਨੀ ਅਮਰ ਨੂਰੀ ਤੇ ਪੁੱਤਰਾਂ ਅਲਾਪ ਤੇ ਸਾਰੰਗ ਸਿਕੰਦਰ ਨਾਲ ਦਿਲ ਦੀਆਂ ਗੱਲਾਂ ਕੀਤੀਆਂ।
ਹਰਭਜਨ ਮਾਨ ਆਪਣੇ ਪੁੱਤਰ ਅਵਕਾਸ਼ ਮਾਨ ਨਾਲ ਸਰਦੂਲ ਸਿਕੰਦਰ ਦੇ ਘਰ ਪਹੁੰਚੇ ਸਨ। ਹਰਭਜਨ ਮਾਨ ਨੇ ਪੋਸਟ ਸਾਂਝੀ ਕਰਕੇ ਕਿਹਾ ਕਿ ਸਰਦੂਲ ਸਿਕੰਦਰ ਬਾਰੇ ਗੱਲਬਾਤ ਕਰਕੇ ਉਨ੍ਹਾਂ ਦਾ ਮਨ ਹਲਕਾ ਹੋ ਗਿਆ ਹੈ। ਇਸ ਦੇ ਨਾਲ ਹੀ ਆਪਣੀ ਫ਼ਿਲਮ ਦੀ ਸ਼ੂਟਿੰਗ ਸਮੇਂ ਨੂੰ ਯਾਦ ਕਰਦਿਆਂ ਵੀ ਹਰਭਜਨ ਮਾਨ ਨੇ ਸਰਦੂਲ ਸਿਕੰਦਰ ਦੀ ਪਿਆਰੀ ਯਾਦ ਨੂੰ ਸਾਂਝਾ ਕੀਤਾ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਕਰਵਾ ਚੌਥ ਮੌਕੇ ਸਰਦੂਲ ਸਿਕੰਦਰ ਨੂੰ ਯਾਦ ਕਰ ਭਾਵੁਕ ਹੋਈ ਅਮਰ ਨੂਰੀ, ਲਿਖਿਆ– ‘ਹੇ ਮੇਰੇ ਰੱਬਾ ਮੇਰੇ ਸੋਹਣੇ ਦੀ ਰੂਹ ਨੂੰ...’
ਹਰਭਜਨ ਮਾਨ ਨੇ ਪੋਸਟ ’ਚ ਲਿਖਿਆ, ‘ਸਰਦੂਲ ਸਿਕੰਦਰ ਭਾਅ ਜੀ ਦੇ ਪਰਿਵਾਰ ਭੈਣ ਜੀ ਅਮਰ ਨੂਰੀ, ਬੇਟੇ ਅਲਾਪ ਤੇ ਸਾਰੰਗ ਨਾਲ, ਪਰਸੋਂ ਅਵਕਾਸ਼ ਤੇ ਮੈਂ ਖੰਨੇ ਮਿਲ ਕੇ, ਪਿਆਰੇ ਸਰਦੂਲ ਭਾਅ ਜੀ ਦੀਆਂ ਬਹੁਤ ਯਾਦਾਂ ਤੇ ਉਨ੍ਹਾਂ ਦੀ ਗਾਇਕੀ ਬਾਰੇ ਗੱਲਾਂ ਬਾਤਾਂ ਕਰਕੇ ਮਨ ਹੌਲਾ ਕੀਤਾ।’
ਉਨ੍ਹਾਂ ਅੱਗੇ ਲਿਖਿਆ, ‘‘ਪੀ ਆਰ’ ਫ਼ਿਲਮ ਦੀ ਸ਼ੂਟਿੰਗ ’ਤੇ ਸਰਦੂਲ ਭਾਅ ਜੀ ਨੇ ਵਾਅਦਾ ਕੀਤਾ ਸੀ ਕਿ ਫ਼ਿਲਮ ਦਾ ਪ੍ਰੀਮੀਅਰ ਦੁਨੀਆ ’ਚ ਕਿਤੇ ਵੀ ਹੋਵੇ, ਮੈਂ ਫ਼ਿਲਮ ਤੇਰੇ ਨਾਲ ਬੈਠ ਕੇ ਦੇਖੂੰਗਾ ਪਰ ਸਿਆਣਿਆਂ ਦਿਆਂ ਬੋਲਾਂ ਨੂੰ ਕੌਣ ਝੁਠਲਾਵੇ ਕਿ ਜ਼ਿੰਦਗੀ ਦਾ ਕੀ ਭਰਵਾਸਾ ਏ, ਜਿਵੇਂ ਪਾਣੀ ਵਿਚ ਪਾਤਾਸਾ ਏ।’
ਨੋਟ– ਹਰਭਜਨ ਮਾਨ ਦੀ ਇਸ ਪੋਸਟ ’ਤੇ ਤੁਹਾਡੀ ਕੀ ਪ੍ਰਤੀਕਿਰਿਆ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਕਰਵਾ ਚੌਥ ਮੌਕੇ ਸਰਦੂਲ ਸਿਕੰਦਰ ਨੂੰ ਯਾਦ ਕਰ ਭਾਵੁਕ ਹੋਈ ਅਮਰ ਨੂਰੀ, ਲਿਖਿਆ– ‘ਹੇ ਮੇਰੇ ਰੱਬਾ ਮੇਰੇ ਸੋਹਣੇ ਦੀ ਰੂਹ ਨੂੰ...’
NEXT STORY 
