ਐਂਟਰਟੇਨਮੈਂਟ ਡੈਸਕ ; ਪੰਜਾਬ ਦੀ ਮਸ਼ਹੂਰ ਗਾਇਕਾ ਸੁਨੰਦਾ ਸ਼ਰਮਾ ਨਾਲ ਜੁੜੀ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ, ਜੋ ਕਿ ਰਾਜਸਥਾਨ ਦੀ ਰਾਜਧਾਨੀ ਜੈਪੁਰ 'ਚ ਇਕ ਲਾਈਵ ਸ਼ੋਅ ਕਰਨ ਗਈ ਹੋਈ ਸੀ। ਇਸ ਸ਼ੋਅ ਇਕ ਨੌਜਵਾਨ ਅਚਾਨਕ ਸਟੇਜ 'ਤੇ ਆ ਚੜ੍ਹਿਆ, ਜਿਸ ਮਗਰੋਂ ਗਾਇਕਾ ਡਰ ਗਈ ਤੇ ਡਰ ਦੇ ਮਾਰੇ ਉਸ ਦੀ ਚੀਕ ਨਿਕਲ ਗਈ।
ਅਸਲ 'ਚ ਇਹ ਮਾਮਲਾ 30 ਅਕਤੂਬਰ ਦੀ ਸ਼ਾਮ ਦਾ ਹੈ, ਜਦੋਂ ਜੈਪੁਰ ਸ਼ੋਅ 'ਚ ਪਰਫਾਰਮੈਂਸ ਦੌਰਾਨ ਇੱਕ ਅਣਪਛਾਤਾ ਵਿਅਕਤੀ ਅਚਾਨਕ ਸਟੇਜ 'ਤੇ ਆ ਚੜ੍ਹਿਆ, ਜਿਸ ਤੋਂ ਘਬਰਾ ਕੇ ਸੁਨੰਦਾ ਸ਼ਰਮਾ ਦੀ ਚੀਕ ਨਿਕਲ ਗਈ। ਇਸ ਪੂਰੀ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
34 ਸਾਲਾ ਗਾਇਕਾ ਸੁਨੰਦਾ ਸ਼ਰਮਾ ਜੈਪੁਰ ਦੇ ਦਇਆਰਾਮਪੁਰਾ, ਬੱਸੀ ਸਥਿਤ 'ਅਨੰਦ ਇੰਟਰਨੈਸ਼ਨਲ ਕਾਲਜ ਆਫ਼ ਇੰਜੀਨੀਅਰਿੰਗ' 'ਚ ਲਾਈਵ ਕੰਸਰਟ ਦੌਰਾਨ ਆਪਣੇ ਸੁਪਰਹਿੱਟ ਗੀਤਾਂ 'ਤੇ ਪਰਫਾਰਮ ਕਰ ਰਹੀ ਸੀ। ਸੁਨੰਦਾ ਸਟੇਜ 'ਤੇ ਗਾ ਰਹੀ ਸੀ ਕਿ ਅਚਾਨਕ ਇੱਕ ਮੁੰਡਾ ਛਾਲ ਮਾਰ ਕੇ ਸਟੇਜ 'ਤੇ ਆ ਚੜ੍ਹਿਆ। ਜਿਵੇਂ ਹੀ ਸੁਨੰਦਾ ਦੀ ਨਜ਼ਰ ਉਸ 'ਤੇ ਪਈ ਤਾਂ ਉਹ ਡਰ ਗਈ ਤੇ ਉਸ ਨੇ ਜ਼ੋਰ ਨਾਲ ਚੀਕ ਮਾਰ ਦਿੱਤੀ।
ਇਹ ਵੀ ਪੜ੍ਹੋ- ਟਲ ਗਈ ਪੰਜਾਬੀ ਮੁੰਡਿਆਂ ਦੀ ਫਾਂਸੀ ! ਸਾਊਦੀ ਅਰਬ ਦੀ ਅਦਾਲਤ ਨੇ ਸਜ਼ਾ 'ਤੇ ਲਾਈ ਰੋਕ
ਹਾਲਾਂਕਿ ਘਟਨਾ ਤੋਂ ਤੁਰੰਤ ਬਾਅਦ ਸੁਨੰਦਾ ਦੇ ਬਾਊਂਸਰ ਅਤੇ ਸਕਿਓਰਿਟੀ ਟੀਮ ਨੇ ਸਟੇਜ 'ਤੇ ਪਹੁੰਚ ਕੇ ਮੁੰਡੇ ਨੂੰ ਕਾਬੂ ਕਰ ਲਿਆ ਅਤੇ ਹੇਠਾਂ ਉਤਾਰ ਦਿੱਤਾ। ਹਾਲਾਂਕਿ ਸੁਨੰਦਾ ਨੇ ਮਾਈਕ 'ਤੇ "It’s okay, it’s okay" ਕਹਿ ਕੇ ਸਿਚੁਏਸ਼ਨ ਕੰਟਰੋਲ ਕਰਨ ਦੀ ਕੋਸ਼ਿਸ਼ ਕੀਤੀ ਤੇ ਕਿਹਾ ਕਿ ਅਸੀਂ ਤੁਹਾਡੇ ਲਈ ਪਰਫਾਰਮ ਕਰਨ ਆਏ ਹਾਂ, ਤੁਸੀਂ ਆਪਣਾ ਵੀ ਖ਼ਿਆਲ ਰੱਖੋ ਤੇ ਸਾਡਾ ਵੀ ਖ਼ਿਆਲ ਰੱਖੋ। ਪਰ ਹੰਗਾਮਾ ਵਧਣ ਕਾਰਨ ਉਹ ਸ਼ੋਅ ਵਿਚਾਲੇ ਛੱਡ ਕੇ ਸਟੇਜ ਤੋਂ ਹੇਠਾਂ ਉਤਰ ਗਈ।
ਇਸ ਘਟਨਾ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਸੁਨੰਦਾ ਦੇ ਫੈਨਜ਼ ਸ਼ੋਅ ਦੇ ਸੁਰੱਖਿਆ ਇੰਤਜ਼ਾਮਾਂ 'ਤੇ ਗੰਭੀਰ ਸਵਾਲ ਚੁੱਕ ਰਹੇ ਹਨ। ਫਿਲਹਾਲ ਸੁਨੰਦਾ ਸ਼ਰਮਾ ਵੱਲੋਂ ਇਸ ਮੁੱਦੇ 'ਤੇ ਕੋਈ ਅਧਿਕਾਰਤ ਬਿਆਨ ਜਾਰੀ ਨਹੀਂ ਕੀਤਾ ਗਿਆ ਹੈ, ਪਰ ਉਮੀਦ ਹੈ ਕਿ ਉਹ ਇਸ ਮੁੱਦੇ ਬਾਰੇ ਵੀ ਖੁੱਲ੍ਹ ਕੇ ਆਪਣਾ ਪੱਖ ਰੱਖੇਗੀ।
ਇਹ ਵੀ ਪੜ੍ਹੋ- ਕਿਸੇ ਵੀ ਪਾਰਟੀ ਨੂੰ ਨਹੀਂ ਮਿਲਿਆ ਬਹੁਮਤ ! ਜਾਣੋ ਕਿੰਝ ਚੁਣਿਆ ਜਾਵੇਗਾ ਇਜ਼ਰਾਈਲ ਦਾ ਪ੍ਰਧਾਨ ਮੰਤਰੀ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਯੋ-ਯੋ ਹਨੀ ਸਿੰਘ ਨੇ ਭਤੀਜੇ ਦਿਵਿਤ ਓਲਕ ਦੀ ਮੌਤ 'ਤੇ ਜਤਾਇਆ ਦੁੱਖ ! ਦੱਸਿਆ 'ਜ਼ਿੰਦਗੀ ਦਾ ਸਭ ਤੋਂ ਕਾਲਾ ਦੌਰ'
NEXT STORY 
