ਮੁੰਬਈ (ਬਿਊਰੋ)– ਐਂਟਰਟੇਨਮੈਂਟ ਕੁਈਨ ਰਾਖੀ ਸਾਵੰਤ ਦੇ ਪਤੀ ਆਦਿਲ ਖ਼ਾਨ ਦੁਰਾਨੀ ਦੀਆਂ ਮੁਸ਼ਕਿਲਾਂ ਵਧਦੀਆਂ ਹੀ ਜਾ ਰਹੀਆਂ ਹਨ। ਇਕ ਪਾਸੇ ਰਾਖੀ ਨੇ ਆਦਿਲ ’ਤੇ ਕੁੱਟਮਾਰ ਤੇ ਧੋਖਾ ਦੇਣ ਦਾ ਦੋਸ਼ ਲਗਾਇਆ ਹੈ। ਇਸ ਦੇ ਨਾਲ ਹੀ ਆਦਿਲ ਖ਼ਾਨ ਖ਼ਿਲਾਫ਼ ਜਬਰ-ਜ਼ਿਨਾਹ ਦਾ ਮਾਮਲਾ ਦਰਜ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਖ਼ਬਰਾਂ ਹਨ ਕਿ ਈਰਾਨ ਦੀ ਇਕ ਵਿਦਿਆਰਥਣ ਨੇ ਆਦਿਲ ਖ਼ਿਲਾਫ਼ ਜਬਰ-ਜ਼ਿਨਾਹ ਦਾ ਮਾਮਲਾ ਦਰਜ ਕਰਵਾਇਆ ਹੈ।
ਰਾਖੀ ਸਾਵੰਤ ਦੇ ਪਤੀ ਆਦਿਲ ਖ਼ਾਨ ਖ਼ਿਲਾਫ਼ ਮੈਸੂਰ ’ਚ ਐੱਫ. ਆਈ. ਆਰ. ਦਰਜ ਕੀਤੀ ਗਈ ਹੈ। ਇਕ ਈਰਾਨੀ ਵਿਦਿਆਰਥਣ ਨੇ ਮੈਸੂਰ ਦੇ ਵੀ. ਵੀ. ਪੁਰਮ ਪੁਲਸ ਸਟੇਸ਼ਨ ’ਚ ਆਦਿਲ ਖ਼ਿਲਾਫ਼ ਜਬਰ-ਜ਼ਿਨਾਹ ਦਾ ਮਾਮਲਾ ਦਰਜ ਕਰਵਾਇਆ ਹੈ। ਆਦਿਲ ਖ਼ਿਲਾਫ਼ ਆਈ. ਪੀ. ਸੀ. ਦੀ ਧਾਰਾ 376, 417,420, 504 ਤੇ 506 ਤਹਿਤ ਐੱਫ. ਆਈ. ਆਰ. ਦਰਜ ਕੀਤੀ ਗਈ ਹੈ।
ਜਾਣਕਾਰੀ ਮੁਤਾਬਕ ਈਰਾਨ ਤੋਂ ਇਕ ਵਿਦਿਆਰਥਣ ਮੈਸੂਰ ’ਚ ਡਾਕਟਰ ਆਫ ਫਾਰਮੇਸੀ ਦੀ ਪੜ੍ਹਾਈ ਕਰਨ ਲਈ ਭਾਰਤ ਆਈ ਸੀ। ਉਹ ਲੜਕੀ ਆਦਿਲ ਖ਼ਾਨ ਨੂੰ ਡੇਜ਼ਰਟ ਲੈਬ ਫੂਡ ਅੱਡਾ ਵਿਖੇ ਮਿਲੀ। ਆਦਿਲ ਉਸ ਫੂਡ ਆਊਟਲੈੱਟ ਦਾ ਮਾਲਕ ਸੀ। ਹੌਲੀ-ਹੌਲੀ ਦੋਵਾਂ ਦੀ ਨੇੜਤਾ ਕਾਫੀ ਵੱਧ ਗਈ ਸੀ।
ਇਹ ਖ਼ਬਰ ਵੀ ਪੜ੍ਹੋ : ਮੂਸੇਵਾਲਾ ਦੀ ਮਾਤਾ ਚਰਨ ਕੌਰ ਦਾ ਗੋਲਡ ਮੈਡਲ ਤੇ ਸ਼ੁੱਭਦੀਪ ਮਮਤਾ ਐਵਾਰਡ ਨਾਲ ਕੀਤਾ ਗਿਆ ਸਨਮਾਨ
ਸ਼ਿਕਾਇਤ ਅਨੁਸਾਰ ਈਰਾਨੀ ਵਿਦਿਆਰਥਣ ਨੇ ਆਦਿਲ ’ਤੇ ਮੈਸੂਰ ਦੇ ਇਕ ਅਪਾਰਟਮੈਂਟ ’ਚ ਵਿਆਹ ਦੇ ਬਹਾਨੇ ਉਸ ਨਾਲ ਜਬਰ-ਜ਼ਿਨਾਹ ਕਰਨ ਦਾ ਦੋਸ਼ ਲਗਾਇਆ ਹੈ, ਜਿਥੇ ਉਹ ਇਕੱਠੇ ਰਹਿੰਦੇ ਸਨ। ਜਾਣਕਾਰੀ ਅਨੁਸਾਰ ਜਦੋਂ ਈਰਾਨੀ ਲੜਕੀ ਨੇ 5 ਮਹੀਨੇ ਪਹਿਲਾਂ ਆਦਿਲ ਤੋਂ ਵਿਆਹ ਕਰਨ ਦੀ ਮੰਗ ਕੀਤੀ ਤਾਂ ਉਸ ਨੇ ਵਿਆਹ ਤੋਂ ਇਨਕਾਰ ਕਰ ਦਿੱਤਾ ਤੇ ਕਿਹਾ ਕਿ ਉਸ ਵਰਗੀਆਂ ਕਈ ਲੜਕੀਆਂ ਨਾਲ ਉਸ ਦੇ ਸਬੰਧ ਹਨ।
ਜਦੋਂ ਲੜਕੀ ਨੇ ਆਦਿਲ ਨੂੰ ਧਮਕੀ ਦਿੱਤੀ ਕਿ ਉਹ ਪੁਲਸ ਕੋਲ ਸ਼ਿਕਾਇਤ ਦਰਜ ਕਰਵਾਉਣ ਜਾ ਰਿਹਾ ਹੈ ਤਾਂ ਉਸ ਨੇ ਉਸ ਨੂੰ ਦੋ ਮੋਬਾਇਲ ਨੰਬਰਾਂ ਤੋਂ ਸਨੈਪਚੈਟ ’ਤੇ ਲੜਕੀ ਦੀਆਂ ਕੁਝ ਇੰਟੀਮੇਟ ਤਸਵੀਰਾਂ ਭੇਜ ਦਿੱਤੀਆਂ। ਲੜਕੀ ਨੇ ਆਪਣੀ ਸ਼ਿਕਾਇਤ ’ਚ ਦੋਵੇਂ ਫੋਨ ਨੰਬਰ ਵੀ ਦੱਸੇ ਹਨ। ਆਦਿਲ ਨੇ ਲੜਕੀ ਨੂੰ ਧਮਕੀ ਦਿੱਤੀ ਕਿ ਉਹ ਉਨ੍ਹਾਂ ਤਸਵੀਰਾਂ ਨੂੰ ਸੋਸ਼ਲ ਮੀਡੀਆ ’ਤੇ ਸ਼ੇਅਰ ਕਰੇਗਾ ਤੇ ਮਾਤਾ-ਪਿਤਾ ਨੂੰ ਵੀ ਭੇਜ ਦੇਵੇਗਾ। ਉਸ ਨੇ ਧਮਕੀ ਵੀ ਦਿੱਤੀ ਕਿ ਜੇਕਰ ਲੜਕੀ ਨੇ ਉਸ ਦੇ ਖ਼ਿਲਾਫ਼ ਕੋਈ ਸ਼ਿਕਾਇਤ ਕੀਤੀ ਤਾਂ ਉਹ ਉਸ ਨੂੰ ਜਾਨ ਤੋਂ ਮਾਰ ਦੇਵੇਗਾ।
ਰਾਖੀ ਸਾਵੰਤ ਨੇ ਆਦਿਲ ’ਤੇ ਵੀ ਉਸ ਨਾਲ ਕੁੱਟਮਾਰ ਕਰਨ ਦਾ ਦੋਸ਼ ਲਗਾਇਆ ਹੈ। ਰਾਖੀ ਦਾ ਦਾਅਵਾ ਹੈ ਕਿ ਆਦਿਲ ਉਸ ਨਾਲ ਬੁਰਾ ਸਲੂਕ ਕਰਦਾ ਸੀ। ਉਨ੍ਹਾਂ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕਰਦਾ ਸੀ। ਰਾਖੀ ਨੇ ਆਦਿਲ ’ਤੇ ਇਹ ਵੀ ਦੋਸ਼ ਲਗਾਇਆ ਹੈ ਕਿ ਆਦਿਲ ਦੇ ਕਈ ਹੋਰ ਲੜਕੀਆਂ ਨਾਲ ਅਫੇਅਰ ਹਨ। ਰਾਖੀ ਦੀ ਸ਼ਿਕਾਇਤ ਤੋਂ ਬਾਅਦ ਆਦਿਲ ਨੂੰ ਪੁਲਸ ਨੇ ਹਿਰਾਸਤ ’ਚ ਲੈ ਲਿਆ ਸੀ। ਹੁਣ ਆਦਿਲ ਖ਼ਿਲਾਫ਼ ਜਬਰ-ਜ਼ਿਨਾਹ ਦਾ ਮਾਮਲਾ ਵੀ ਦਰਜ ਕੀਤਾ ਗਿਆ ਹੈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
‘ਬਿੱਗ ਬੌਸ 16’ ਦਾ ਗ੍ਰੈਂਡ ਫਿਨਾਲੇ ਅੱਜ, ਟਾਪ 2 ’ਚ ਹੋਣਗੇ ਇਹ ਮੁਕਾਬਲੇਬਾਜ਼! ਕੌਣ ਜਿੱਤੇਗਾ ਸ਼ੋਅ?
NEXT STORY 
